Ruzä tämamlanıp, arifä digändä, Qazaqstannan Tängiz nefte yatmalarında “yözlägän Törek eşçesen qıynadılar, ällä niçäsen üterdelär” digän xäbär kilep töşte. Törek kiñ küläm mäğlümät äsbapları şunduq mäsälägä ähämmiät birdelär. Qazaqstannıñ Tängiz rayonında Törek şirkäte Enka belän AQŞ şirkäte Bechel tarafınnan tözelep yatqan nefte eşkärtü zavodında 2 meñ tiräse Törek belän 4 meñ qazaq eşli ikän. Bäreleş aş öçen ciratta kötkändä çıqqan.
İnde 140-tan artıq Törek eşçese İstanbulğa kiterelde, barırı törle däräcälärdä cäräxätlängän. Qayberläre iptäşlärebezdän ülüçelär buldı dip belderdelär. Şuşı qawğaga Törek eşçelärenä taratılğan 250 dollarlıq aqça säbäp buldı digän däğwalar dä bar. Ğomumän Qazaq belän Törek eşçelärneñ eş xaqları arasında şaqtıy ayırma da bar ikän.
Törkiä belän Qazaqstan räsmi organnarı bu bäreleşne häm näticälären yomşartırğa tırışalar. Däwlät ministere Kürşad Tüzmen Törek eşçelärenä qarata xöçemne Törkiäneñ tezü sektorında kürsätkän uñışların könläşkännär tarafınnan oyıştırlğan ber provokatsiä dip bäyäläde. Ul “Törek belän Qazaqlar tuğandaş xalıqlar” dide. Tege yaqtan Qazaqstan Tışqı Eşlär Ministerlege süzçese İlyas Omarov, “xastaxanädä sälämätlege qurqınıç astında ber keşe genä bar, ä ülgän kem dä yuq” dip belderde. Ul ayruça bäreleşlärneñ etnik nigezdä başlamawın, mäsäläneñ töbendä sotsial problemalarnıñ buluwın äytte.
Niçek kenä bulmasın, qanlı näticälärgä yul açqan bu bäreleş Törki xalıqlar arasında da cişelmägän baytaq problemalar buluwına da işarä itä dip äytä alabız.
Äxtäm İbrahim, İstanbul
İnde 140-tan artıq Törek eşçese İstanbulğa kiterelde, barırı törle däräcälärdä cäräxätlängän. Qayberläre iptäşlärebezdän ülüçelär buldı dip belderdelär. Şuşı qawğaga Törek eşçelärenä taratılğan 250 dollarlıq aqça säbäp buldı digän däğwalar dä bar. Ğomumän Qazaq belän Törek eşçelärneñ eş xaqları arasında şaqtıy ayırma da bar ikän.
Törkiä belän Qazaqstan räsmi organnarı bu bäreleşne häm näticälären yomşartırğa tırışalar. Däwlät ministere Kürşad Tüzmen Törek eşçelärenä qarata xöçemne Törkiäneñ tezü sektorında kürsätkän uñışların könläşkännär tarafınnan oyıştırlğan ber provokatsiä dip bäyäläde. Ul “Törek belän Qazaqlar tuğandaş xalıqlar” dide. Tege yaqtan Qazaqstan Tışqı Eşlär Ministerlege süzçese İlyas Omarov, “xastaxanädä sälämätlege qurqınıç astında ber keşe genä bar, ä ülgän kem dä yuq” dip belderde. Ul ayruça bäreleşlärneñ etnik nigezdä başlamawın, mäsäläneñ töbendä sotsial problemalarnıñ buluwın äytte.
Niçek kenä bulmasın, qanlı näticälärgä yul açqan bu bäreleş Törki xalıqlar arasında da cişelmägän baytaq problemalar buluwına da işarä itä dip äytä alabız.
Äxtäm İbrahim, İstanbul