Baştan uq şunı äytep quyu kiräk - senatorlar äzerlägän şuşı qarar, qanun köçenä iä bulmayaçaq, yäğni anı ütäw prezident öçen mäcbüri tügel. Ul çärşämbedä inde senatqa täqdim itelde. Anda Ğiraqtan amerikan ğäskärlären çığaruğa turıdan-turı öndämä yasalmasa da, Quşma Ştatlar Ğiraqtağı iminlek öçen cawaplılıqnı äkrenläp andağı xökümät cilkäsenä küçerergä tieş, dielä.
Şuşı qarar ölgesen täqdim itüçelärneñ berse, senatnıñ tışqı mönäsäbätlär komitetı räise demokrat Joseph Biden:
"Qararda şul äytelä - xezmättäşlärem demokratlar da, respublikannar da ber närsädä kileşä: östämä ğäskärlär cibärep Amerikanıñ Ğiraqtağı eşlärdä qatnaşuın köçäytü xata bulıp tora", di senator Biden.
Bushnıñ şuşı plannarına demokratlar ğına tügel, anıñ qayber üz respublikannarı da qarşı çığa. İke respublikan senator inde qarar ölgesen yaqlayaçağın belderde, alarnıñ berse Olympia Snowe, ikençese Ğiraq suğışın küptännän tänqitläp kilgän Chuck Hagel.
Soñğı fiker beleşülär amerikannar arasında Ğiraq suğışın yaqlawnıñ şaqtıy kimüen kürsätä. Şuña da senattağı qarşılıq Bushqa yasalğan basımnıñ tağın da artuına kiterä ala. Ämma Aq yortnıñ matbuğat wäkile Tony Snow, senatorlarnıñ bu tırışlıqları Bush plannarına tä''sir yasamayaçaq, "prezidentnıñ qorallı köçlär başlığı bularaq üz yöklämäläre bar", dip belderde.
Berniçä kön elek prezident Bush üzeneñ Ğiraqtağı amerikan köçlären tağın da nığıtu niäten bolay dip aqlağan ide:
"Wäzğiät üzgärä tora, başqa süzlär belän äytkändä, min ğäskärlärne xäzer bezgä uñışqa ireşü öçen citärlek üzgäreşlär bulmağan cirgä cibärmim", di Bush, Ğiraqta xäzer uñışqa ireşü öçen az ğına qaluına işarä yasap.
Kiläse atnada prezident Kongress qarşinda çığış yasap alarğa üzeneñ yıllıq yullamasın citkeräçäk häm Ğiraqtağı wäzğiätne totrıqlandıru, östämä ğäskärlär cibärü mäs''äläsenä anda da zur urın bireläçäk, dip kötelä.
Kärim Kamal
Şuşı qarar ölgesen täqdim itüçelärneñ berse, senatnıñ tışqı mönäsäbätlär komitetı räise demokrat Joseph Biden:
"Qararda şul äytelä - xezmättäşlärem demokratlar da, respublikannar da ber närsädä kileşä: östämä ğäskärlär cibärep Amerikanıñ Ğiraqtağı eşlärdä qatnaşuın köçäytü xata bulıp tora", di senator Biden.
Bushnıñ şuşı plannarına demokratlar ğına tügel, anıñ qayber üz respublikannarı da qarşı çığa. İke respublikan senator inde qarar ölgesen yaqlayaçağın belderde, alarnıñ berse Olympia Snowe, ikençese Ğiraq suğışın küptännän tänqitläp kilgän Chuck Hagel.
Soñğı fiker beleşülär amerikannar arasında Ğiraq suğışın yaqlawnıñ şaqtıy kimüen kürsätä. Şuña da senattağı qarşılıq Bushqa yasalğan basımnıñ tağın da artuına kiterä ala. Ämma Aq yortnıñ matbuğat wäkile Tony Snow, senatorlarnıñ bu tırışlıqları Bush plannarına tä''sir yasamayaçaq, "prezidentnıñ qorallı köçlär başlığı bularaq üz yöklämäläre bar", dip belderde.
Berniçä kön elek prezident Bush üzeneñ Ğiraqtağı amerikan köçlären tağın da nığıtu niäten bolay dip aqlağan ide:
"Wäzğiät üzgärä tora, başqa süzlär belän äytkändä, min ğäskärlärne xäzer bezgä uñışqa ireşü öçen citärlek üzgäreşlär bulmağan cirgä cibärmim", di Bush, Ğiraqta xäzer uñışqa ireşü öçen az ğına qaluına işarä yasap.
Kiläse atnada prezident Kongress qarşinda çığış yasap alarğa üzeneñ yıllıq yullamasın citkeräçäk häm Ğiraqtağı wäzğiätne totrıqlandıru, östämä ğäskärlär cibärü mäs''äläsenä anda da zur urın bireläçäk, dip kötelä.
Kärim Kamal