Amerikan Kongressınıñ Wäkillär pulatında inde menä ikençe kön ilneñ Ğiraq säyäsäten tikşerälär. Mäs''äläneñ şaqtıy möhim buluın ğädättä sallı, tınıç qına ğına barğan utırışlarnıñ bu yulı xislärgä kümelep ütüe dä kürsätä. Pulatnıñ yaña başlığı, demokratlardan saylanğan Nancy Pelosi, Washingtonnıñ Ğiraq säyäsäten bilgeläwdä Kongressnıñ yaña citäkçelege dä qatnaşırğa teli, digän däğwa belderä:
"Qaya kitüe turında soramıy ğına prezident Bushqa Ğiraq öçen aqça birülär başqa bulmayaçaq, salım tüläwçelärneñ aqçaları ğäskärlärebezne yaqlawğa, veterannarğa birgän wäğdälärebezne ütäwgä häm amerikan xalqınıñ iminlegen tä''min itärgä kitärgä tieş", di Wäkillär pulatınıñ yaña citäkçese Nancy Pelosi.
Öç kön buyı baraçaq şuşı fiker alışular comğada tämamlanıp, maxsus qarar qabul itü belän näticälänäçäk häm kongressmennar anda Aq yortnıñ Ğiraqqa yaña ğäskärilär cibärü niätenä üz qaraşın belderäçäk. Älegä äzerlängän ölgedä, ayırım alğanda, Kongress prezident Bushnıñ 10-nçı ğinwarda iğlan itkän Ğiraqqa östämä 20 meñ amerikan xärbien cibärü niäten xuplamıy, dielä.
Ämma Kongressnıñ şuşı qararı prezident Bush öçen ütäwe mäcbüri tügel ber qarar. Yäğni ul ğäskärlärne cibärügä bernindi dä kirtä quya almıy. Ä andıy äzerlek inde bara. Bu yaqtan qarağanda, Kongresstağı fiker alışular da, anda comğa könne qabul iteläçäk qarar da barı tik simvolik ähämiätkä genä iä.
Şuña da qaramastan, Kongress bulıp Kongress Ğiraqqa östämä köçlär cibärüne tänqitläp çığa ikän, bu prezident Bush säyäsätenä zur zian kiterä ala. Elek anıñ mondıy problemaları yuq ide, çönki Kongresstağı küpçelek anıñ üz respublikan partiäse qulında buldı.
Şuña da xäzer inde azçılıqta qalğan respublikannar demokratlar täqdim itkän qarar ölgesen kisken tänqitli. Alarnıñ Wäkillär pulatındağı citäkçese John Boehner:
"Bez çınnan da, ägär dä bez xäzer äyberlärebezne cıyıp Ğiraqnı taşlap kitsäk, ilne xaosta qaldırsaq, doşmannarıbız şunıñ belän qänäğätläner dip uylıybızmı? Dönya inde bolay da ozaq waqıt terror qarşında çigenep, närsägäder ömetlänep kilde, ämma 2001-neñ 11-nçe sintäbrennän soñ bu inde mömkin tügel", di Kongresstağı respublikan azçılığı başlığı John Boehner.
Uzğan atnada Kongressnıñ yuğarı pulatı - senatta - respublikannar demokratlarnıñ Aq yortnı tänqitlägän şundıy qararın ütkärügä kirtä quya aldı, ämma demokratlar alay da kiläçäktä monı yänä eşläp qararğa tırışaçağın belderde.
Kärim Kamal
"Qaya kitüe turında soramıy ğına prezident Bushqa Ğiraq öçen aqça birülär başqa bulmayaçaq, salım tüläwçelärneñ aqçaları ğäskärlärebezne yaqlawğa, veterannarğa birgän wäğdälärebezne ütäwgä häm amerikan xalqınıñ iminlegen tä''min itärgä kitärgä tieş", di Wäkillär pulatınıñ yaña citäkçese Nancy Pelosi.
Öç kön buyı baraçaq şuşı fiker alışular comğada tämamlanıp, maxsus qarar qabul itü belän näticälänäçäk häm kongressmennar anda Aq yortnıñ Ğiraqqa yaña ğäskärilär cibärü niätenä üz qaraşın belderäçäk. Älegä äzerlängän ölgedä, ayırım alğanda, Kongress prezident Bushnıñ 10-nçı ğinwarda iğlan itkän Ğiraqqa östämä 20 meñ amerikan xärbien cibärü niäten xuplamıy, dielä.
Ämma Kongressnıñ şuşı qararı prezident Bush öçen ütäwe mäcbüri tügel ber qarar. Yäğni ul ğäskärlärne cibärügä bernindi dä kirtä quya almıy. Ä andıy äzerlek inde bara. Bu yaqtan qarağanda, Kongresstağı fiker alışular da, anda comğa könne qabul iteläçäk qarar da barı tik simvolik ähämiätkä genä iä.
Şuña da qaramastan, Kongress bulıp Kongress Ğiraqqa östämä köçlär cibärüne tänqitläp çığa ikän, bu prezident Bush säyäsätenä zur zian kiterä ala. Elek anıñ mondıy problemaları yuq ide, çönki Kongresstağı küpçelek anıñ üz respublikan partiäse qulında buldı.
Şuña da xäzer inde azçılıqta qalğan respublikannar demokratlar täqdim itkän qarar ölgesen kisken tänqitli. Alarnıñ Wäkillär pulatındağı citäkçese John Boehner:
"Bez çınnan da, ägär dä bez xäzer äyberlärebezne cıyıp Ğiraqnı taşlap kitsäk, ilne xaosta qaldırsaq, doşmannarıbız şunıñ belän qänäğätläner dip uylıybızmı? Dönya inde bolay da ozaq waqıt terror qarşında çigenep, närsägäder ömetlänep kilde, ämma 2001-neñ 11-nçe sintäbrennän soñ bu inde mömkin tügel", di Kongresstağı respublikan azçılığı başlığı John Boehner.
Uzğan atnada Kongressnıñ yuğarı pulatı - senatta - respublikannar demokratlarnıñ Aq yortnı tänqitlägän şundıy qararın ütkärügä kirtä quya aldı, ämma demokratlar alay da kiläçäktä monı yänä eşläp qararğa tırışaçağın belderde.
Kärim Kamal