Ğaşiqlar bäyräme sanalğan Valentin könendä Belarus oppozitsiäseneñ berniçä yäş wäkile üzläreneñ Yewropağa ğaşiq buluın kürsätergä buldı. Monıñ öçen başqala Minski üzägendä maxsus çara ütkäreläse ide, anda qatnaşırğa dip berniçä distä yäş keşe kilde. Ämma andıy mäxäbbät xislären kürsätügä Belarus xakimiäte kirtä quyarğa buldı, üzäktäge Azatlıq mäydanı militsiä tarafınnan uratıp alındı. Añançı Minskidä yäş oppozitsiäneñ 5 wäkile totqarlanğan ide.
Çarağa qädär anı oyıştıruçılarnıñ berse, Yäş Front-Maladı Front wäkile Baris Haretski oppozitsiä plannarı turında bolay digän ide:
"Bu ber teatr tamaşası kebek bulası ber närsä. Anda qatnaşuçılar Yewropa Berlegeneñ härber ayırım ilen gäwdäländerep, şularnıñ milli kiemnären kiäçäk. Alar tügäräkkä basıp, qullarındağı bengal utların yandırğaç, şul tügäräkkä Belarus wäkile dä quşılaçaq. Häm şunnan soñ tügäräk ut çäçep torğan yöräkkä äylänäçäk. Annarı inde bez Yewropa illäreneñ ilçelekläre urnaşqan uramnar buylap yöreş ütkärergä cıyınabız", digän ide äle Valentin köne çarasına qädär ük anı oyıştıruçılarnıñ berse Baris Haretski.
Ayırım keşelär, bu oçraqta ğaşiqlar bäyräme sanalğan Valentin könenä şundıy säyäsi tösmer birü kiräklegen Belarus oppozitsiäse wäkile bolay añlata:
"Bu yäşlär bäyräme. Bezneñ oyışma monı, keşelärneñ oçraşıp ber-berse belän übeşä torğan romantik mäxäbbät köne itep tügel, ä ilebezgä häm Yewropağa bulğan xaqiqi mäxäbbätne kürsätü köne itep kürä. Bez bu bäyrämgä Belarusne häm Yewropanı yaratu küzlegennän qarıybız. Häm mäxäbbät, ireklek, üzgäreşlär, Belarusneñ Yewropa cämğiätenä alınuın taläp itäbez", di Belarustäge oppozitsiä wäkile Haretski.
Neft häm gaz satıp alu ölkäsendä Rusiä belän araları şaqtıy suınğaç Belarus prezidentı Aleksandr Lukaşenka yözen Könbatışqa borıp, üz ileneñ Yewropa belän araların nığıtuğa öndägän ide. Bu sişämbedä genä dä ul Minskidä berniçä ilçeneñ tanıqnamäsen qabul itkändä, Yewropa belän üzara faydalı xezmättäşlek turında süz alıp bardı.
Ämma Lukaşenkanıñ şul belderüläre artında çınnan da anıñ yörägennän çıqqan niät yatamı? Yewropa parlamentınıñ Belarus belän mönäsäbätlär törkemen citäklägän Bogdan Kliç fikerençä, yuq, yatmıy.
"Döresen genä äytkändä, bu säyäsi işarälär artında ildäge avtoritar xakimiätneñ demokratiä yulına çığarğa teläwe yatuına min ışanmıym", di Yewropa parlamentı wäkile Bogdan Kliç.
Xakimiätneñ oppozitsiädäge yäşlärgä Valentin könendä bıyıl da üz çaraların ütkärergä birmäwe, Kliç süzläreneñ älegä xaqiqätkä kübräk turı kilüen kürsätä.
Kärim Kamal
Çarağa qädär anı oyıştıruçılarnıñ berse, Yäş Front-Maladı Front wäkile Baris Haretski oppozitsiä plannarı turında bolay digän ide:
"Bu ber teatr tamaşası kebek bulası ber närsä. Anda qatnaşuçılar Yewropa Berlegeneñ härber ayırım ilen gäwdäländerep, şularnıñ milli kiemnären kiäçäk. Alar tügäräkkä basıp, qullarındağı bengal utların yandırğaç, şul tügäräkkä Belarus wäkile dä quşılaçaq. Häm şunnan soñ tügäräk ut çäçep torğan yöräkkä äylänäçäk. Annarı inde bez Yewropa illäreneñ ilçelekläre urnaşqan uramnar buylap yöreş ütkärergä cıyınabız", digän ide äle Valentin köne çarasına qädär ük anı oyıştıruçılarnıñ berse Baris Haretski.
Ayırım keşelär, bu oçraqta ğaşiqlar bäyräme sanalğan Valentin könenä şundıy säyäsi tösmer birü kiräklegen Belarus oppozitsiäse wäkile bolay añlata:
"Bu yäşlär bäyräme. Bezneñ oyışma monı, keşelärneñ oçraşıp ber-berse belän übeşä torğan romantik mäxäbbät köne itep tügel, ä ilebezgä häm Yewropağa bulğan xaqiqi mäxäbbätne kürsätü köne itep kürä. Bez bu bäyrämgä Belarusne häm Yewropanı yaratu küzlegennän qarıybız. Häm mäxäbbät, ireklek, üzgäreşlär, Belarusneñ Yewropa cämğiätenä alınuın taläp itäbez", di Belarustäge oppozitsiä wäkile Haretski.
Neft häm gaz satıp alu ölkäsendä Rusiä belän araları şaqtıy suınğaç Belarus prezidentı Aleksandr Lukaşenka yözen Könbatışqa borıp, üz ileneñ Yewropa belän araların nığıtuğa öndägän ide. Bu sişämbedä genä dä ul Minskidä berniçä ilçeneñ tanıqnamäsen qabul itkändä, Yewropa belän üzara faydalı xezmättäşlek turında süz alıp bardı.
Ämma Lukaşenkanıñ şul belderüläre artında çınnan da anıñ yörägennän çıqqan niät yatamı? Yewropa parlamentınıñ Belarus belän mönäsäbätlär törkemen citäklägän Bogdan Kliç fikerençä, yuq, yatmıy.
"Döresen genä äytkändä, bu säyäsi işarälär artında ildäge avtoritar xakimiätneñ demokratiä yulına çığarğa teläwe yatuına min ışanmıym", di Yewropa parlamentı wäkile Bogdan Kliç.
Xakimiätneñ oppozitsiädäge yäşlärgä Valentin könendä bıyıl da üz çaraların ütkärergä birmäwe, Kliç süzläreneñ älegä xaqiqätkä kübräk turı kilüen kürsätä.
Kärim Kamal