Prezident Bush yalğa çıqqan bu admiralnı Amerikanıñ bar küzläw eşlären bağuçı töp citäkçe itep äle küptän tügel genä bilgelägän ide. Mike McConnellnıñ wazifaların üti başlaw tantanası fivralneñ 20-sendä uzdı, häm ul üzeneñ şul eşenä waqıtın ber dä äräm itmi totınıp, Rusiädäge xällär turında ni uylawın şunda uq belderäse itte.
Sişämbedä Quşma Ştatlar senatınıñ qorallı köçlär komitetı qarşında çığış yasap admiral McConnell, Putin citäkçelege astında Rusiä demokratiä yulınnan taypıldı häm xäzer inde Washingtonga qarata torğan sayın nığraq doşmanlaşa bara, dip belderde:
"Demokratiä yulınnan baruda Rusiä kire çigenä başladı. Xäzer inde anda bar protseslarnı, xalıqnı, partiälärne, başqa närsälärne kontrol itü öçen törle çaralar kürelä, bu inde Rusiäneñ kiläçäk citäkçesen aldan bilgeläp quyuğa qädär barıp citte", di Quşma Ştatlarnıñ küzläw xezmätläre eşen köyläwçe admiral McConnell.
Admiralnıñ şuşı süzläre Kremlneñ xäzerge säyäsäte, anıñ saylawlar çorı aldınnan ildäge bar säyäsi protsesnı kontrol itärgä tırışuı Washingtonnı nıq borçuğa saluın kürsätä.
Mike McConnell şulay uq, Putin xäzer Quşma Ştatlarnı doşman itep sürätlägän kiñäşçelären kübräk tıñlıy, ä alar isä Amerika-Rusiä mönäsäbätlärenä köndäşlek wä qarşılıq elementları kertä, dip isäpli:
"Min älegä añlap ölgergäne şul - prezident Putin ifrat ta konservativ häm Quşma Ştatlarğa şiklänep qarağan keşelärne tıñlıy. Alar Rusiäne izelgän, taptalğan itep sürätläwçe küzleklär aşa qarıy, yäisä alar, Quşma Ştatlar bezne üz mänfäğätendä şundıy xäldä tota, dip isäpli", di admiral McConnell Putin tirälegeneñ Amerikağa qarşı buluın sürätläp.
Washington xäzer, Kremlneñ şuşı säyäsäte ike il arasındağı xezmättäşlekkä zian kiterä ala dip uylıy. Bigräk tä terrorğa qarşı köräş häm atom qoralların cäyeldermäw ölkäsendäge xezmättäşlekkä.
Fivral başında Rusiä prezidentı Vladimir Putin Münxendä uzğan iminlek kiñäşmäsendä çığış yasap, Quşma Ştatlarnıñ xäzerge citäkçelegen üz qaraşın bar dönyağa tağuda ğäyepläp çıqqan ide.
Kärim Kamal
Sişämbedä Quşma Ştatlar senatınıñ qorallı köçlär komitetı qarşında çığış yasap admiral McConnell, Putin citäkçelege astında Rusiä demokratiä yulınnan taypıldı häm xäzer inde Washingtonga qarata torğan sayın nığraq doşmanlaşa bara, dip belderde:
"Demokratiä yulınnan baruda Rusiä kire çigenä başladı. Xäzer inde anda bar protseslarnı, xalıqnı, partiälärne, başqa närsälärne kontrol itü öçen törle çaralar kürelä, bu inde Rusiäneñ kiläçäk citäkçesen aldan bilgeläp quyuğa qädär barıp citte", di Quşma Ştatlarnıñ küzläw xezmätläre eşen köyläwçe admiral McConnell.
Admiralnıñ şuşı süzläre Kremlneñ xäzerge säyäsäte, anıñ saylawlar çorı aldınnan ildäge bar säyäsi protsesnı kontrol itärgä tırışuı Washingtonnı nıq borçuğa saluın kürsätä.
Mike McConnell şulay uq, Putin xäzer Quşma Ştatlarnı doşman itep sürätlägän kiñäşçelären kübräk tıñlıy, ä alar isä Amerika-Rusiä mönäsäbätlärenä köndäşlek wä qarşılıq elementları kertä, dip isäpli:
"Min älegä añlap ölgergäne şul - prezident Putin ifrat ta konservativ häm Quşma Ştatlarğa şiklänep qarağan keşelärne tıñlıy. Alar Rusiäne izelgän, taptalğan itep sürätläwçe küzleklär aşa qarıy, yäisä alar, Quşma Ştatlar bezne üz mänfäğätendä şundıy xäldä tota, dip isäpli", di admiral McConnell Putin tirälegeneñ Amerikağa qarşı buluın sürätläp.
Washington xäzer, Kremlneñ şuşı säyäsäte ike il arasındağı xezmättäşlekkä zian kiterä ala dip uylıy. Bigräk tä terrorğa qarşı köräş häm atom qoralların cäyeldermäw ölkäsendäge xezmättäşlekkä.
Fivral başında Rusiä prezidentı Vladimir Putin Münxendä uzğan iminlek kiñäşmäsendä çığış yasap, Quşma Ştatlarnıñ xäzerge citäkçelegen üz qaraşın bar dönyağa tağuda ğäyepläp çıqqan ide.
Kärim Kamal