İrannıñ şuşı taläben tışqı eşlär ministrı Manuçir Mottaqi üze iğlan itte. Aña qädär İran televideniäse totqarlanğan britannarnıñ qayberlären üz tapşıruında kürsätte, alar arasında törkemdäge berdänber xatın-qız ğäskäri Faye Turney dä bar ide. Ul televideniä aşa, bez çınnan da İrannıñ su bilämälärenä kergänbez axrı, dip belderde:
"Bez alar, yäğni iranlılarnıñ sularına kergänbez axrı, ämma alar bezgä qarata bik dustanä, qunaqçıl, yaxşı mönäsäbättä buldı. Alar bezgä şulay uq bezneñ ni öçen qulğa alınuıbıznı da añlatıp birde, ğomumän, iranlılar bezneñ xälebezne añlap eş itte", di totqarlanğan britan ğäskäriläre arasındağı Turney.
Xäzer inde İran yağı näq şunı uq, yäğni btitan xärbi diñgezçeläreneñ röxsätsez İran sularına ütep kerüen räsmi töstä tanunı Britaniäneñ üzennän dä kötä. Ämma London monı eşläwdän baş tarta, häm kierenkelek şulay itep älegä däwam itärgä oşap tora.
Şunısı qızıq - İran britan ğäskäriläre süräten häm Turney süzlären ildäge ğäräp telle telekanal aşa kürsätte, yäğni maqsat itep monı mömkin qädär kiñräk tamaşaçığa citkerüne quyğan ide. Britaniäneñ saqlanu ministrı Des Browne
"Min britan xärbilären töşergän ul sürätlärne kürdem, häm min döresen genä äytkändä, anıñ artında nindi maqsat yatuına, kiñ cämäğätçelekkä niçek itep kürsätelüenä bik tuqtalıp tormas idem. Bezneñ keşelärne şulay itep kürsätü tulısınça qabul itärlek tügel", di britan saqlanu ministrı.
Soñğı könnärdä britan räsmiläre bar mömkin mäğlümätne cıyıp, Tähran belän qatlawlı kierenkelek üzägendä torğan xärbi köymäneñ hiç kenä dä İran sularında bulmağanlığın dälilläw eşen alıp bardı. Ämma Londonnan räsmi töstä täwbä taläp itkän İran öçen bu ğadi ber texnik mäs''älä genä tügel, Tähran monı üzeneñ milli ğorurlığına tap töşerä torğan ber närsä itep kürä.
Äle genä İran Berläşkän Millätlärneñ İminlek Şurasında zur uñışsızlıqqa duçar buldı, üzeneñ atom programması ölkäsendä tieşle däräcädä xezmättäşlek itmäwe öçen aña qarşı yaña häm qırısraq çikläwlär kertelde. Östäwenä, Amerika Quşma Ştatları İran çikläre yanında, Farsı qultığı sularında 2003-nçe yıldan soñ berençe märtäbä zur xärbi künegülär ütkärä, anda amerikannarnıñ ike xärbi oçqıç korabı qatnaşa.
Bolar barısı da Tähranda zur borçılu xise uyata, häm belgeçlär fikerençä, britan ğäskäriläre tiräsendäge wäzğiätne ul üz faydasına qullanırğa tırışaçaq.
Kärim Kamal
"Bez alar, yäğni iranlılarnıñ sularına kergänbez axrı, ämma alar bezgä qarata bik dustanä, qunaqçıl, yaxşı mönäsäbättä buldı. Alar bezgä şulay uq bezneñ ni öçen qulğa alınuıbıznı da añlatıp birde, ğomumän, iranlılar bezneñ xälebezne añlap eş itte", di totqarlanğan britan ğäskäriläre arasındağı Turney.
Xäzer inde İran yağı näq şunı uq, yäğni btitan xärbi diñgezçeläreneñ röxsätsez İran sularına ütep kerüen räsmi töstä tanunı Britaniäneñ üzennän dä kötä. Ämma London monı eşläwdän baş tarta, häm kierenkelek şulay itep älegä däwam itärgä oşap tora.
Şunısı qızıq - İran britan ğäskäriläre süräten häm Turney süzlären ildäge ğäräp telle telekanal aşa kürsätte, yäğni maqsat itep monı mömkin qädär kiñräk tamaşaçığa citkerüne quyğan ide. Britaniäneñ saqlanu ministrı Des Browne
"Min britan xärbilären töşergän ul sürätlärne kürdem, häm min döresen genä äytkändä, anıñ artında nindi maqsat yatuına, kiñ cämäğätçelekkä niçek itep kürsätelüenä bik tuqtalıp tormas idem. Bezneñ keşelärne şulay itep kürsätü tulısınça qabul itärlek tügel", di britan saqlanu ministrı.
Soñğı könnärdä britan räsmiläre bar mömkin mäğlümätne cıyıp, Tähran belän qatlawlı kierenkelek üzägendä torğan xärbi köymäneñ hiç kenä dä İran sularında bulmağanlığın dälilläw eşen alıp bardı. Ämma Londonnan räsmi töstä täwbä taläp itkän İran öçen bu ğadi ber texnik mäs''älä genä tügel, Tähran monı üzeneñ milli ğorurlığına tap töşerä torğan ber närsä itep kürä.
Äle genä İran Berläşkän Millätlärneñ İminlek Şurasında zur uñışsızlıqqa duçar buldı, üzeneñ atom programması ölkäsendä tieşle däräcädä xezmättäşlek itmäwe öçen aña qarşı yaña häm qırısraq çikläwlär kertelde. Östäwenä, Amerika Quşma Ştatları İran çikläre yanında, Farsı qultığı sularında 2003-nçe yıldan soñ berençe märtäbä zur xärbi künegülär ütkärä, anda amerikannarnıñ ike xärbi oçqıç korabı qatnaşa.
Bolar barısı da Tähranda zur borçılu xise uyata, häm belgeçlär fikerençä, britan ğäskäriläre tiräsendäge wäzğiätne ul üz faydasına qullanırğa tırışaçaq.
Kärim Kamal