Bu oçraşunıñ räsmi öleşenä küçkänçe başta şunı äytep kitü kiräk - "sigezlek" söyläşüläre bu yulı da inde ğädätkä äylängän zur çualışlar belän başlandı. Oçraşu urının meñnärçä politsiä xezmätkäre saqlawına qaramastan, global''läşügä qarşı çıqqan berniçä yöz aktivist iminlek safların özep Rostock şähärennän Heiligendammğa iltkän yulnı kiste. Politsiä alarğa qarşı küsäklär qullanıp, törkemne su tupları belän tarata başladı.
Ä inde iminlek çitäneneñ eçendä cıyılğan yuğarı citäkçelärgä kilgändä, alar qarayaçaq töp mäs''älä bulıp bu yulı dönya klimatınıñ üzgärüe häm moña qarşı çaralar kürü torırğa tieş. Ämma xuca il Germaniäneñ räsmiläre bu ölkädä ällä ni zur ömetlär başlamasqa öndi. "Sigezlek"neñ üze eçendä, bigräk tä Quşma Ştatlar häm Yewropa illäre arasında klimat üzgärüe ölkäsendä qarşılıqlar tirän bulıp qala birä, gärçä soñğı aralarda Washington bu mäs''älädä berniçä yaña başlanğıç belän çıqqan ide. Heiligendammda german kanslerı Angela Merkelne ayırım kürep söyläşkän prezident Bush, anıñ belän kiläçäktä dä bik tığız xezmättäşlek itäçägen, şul isäptän, hawağa kümer gazların çığarunı kimetü ölkäsendä dä bergä eşliäçägen äytte.
"Sigezlek"ne yaqtırtırğa cıyınğan mäğlümät çaraların amerikan prezidentınıñ başqa ber citäkçe, Rusiä başlığı Vladimir Putin belän oçraşuı kübräk cälep itä diärgä bula. Monıñ säbäbe - ike yaq ta "sigezlek" aldınnan ğına yaña aşqınıp qorallanu çorı turında berennän-bere qırısraq belderülär yasadı. Bu törle citäkçelär däräcäsendä eşlände, moña xätta prezidentlar üzläre dä quşıldı.
Putin Quşma Ştatlarnıñ xäzerge säyäsäten sovetlar çorındağı tösle "imperialistik" dip atadı, häm Mäskäw üz raketaların Yewropağa töbiäçäk dip kisätte.
Germaniägä kilü aldınnan Pragada bulıp kitkän Bush isä demokratiä häm iminlek mäs''älälärenä bağışlanğan konferensiädä çığış yasap, Rusiäneñ demokratik reformalar yulınnan taypıluın tänqitläde:
"Qayçandır üz xalqın köçle itü maqsatında reformalar başlap cibärgän Rusiä şul yulınnan taypıldı, bu andağı demokratik täräqqiätkä borçular uyatırlıq tä''sir yasadı. Bezneñ aradağı yaxşı mönäsäbätlärneñ uñay yağı şunda - bez üzara kileşep betmägän närsälär xaqında açıqtan-açıq söyläşä alabız. Şuña da Quşma Ştatlar Rusiä kebek illär belän mönäsäbätlären, bezneñ asıl prinsiplarıbız häm qimmätlärebezdän waz kiçmi genä qoraçaq", di Bush Mäskäwne kire demokratiä yulına qaytarırğa tırışaçağı turında.
Bushnıñ Putin belän oçraşuı atnakiç uzaçaq, çärşämbe kiçen isä Rusiä prezidentı Germaniä kanslerı Merkelne kürep söyläşä. Şunnan soñ "sigezlek" citäkçeläre kiçke aş mäclesenä cıyılıp, oçraşunı räsmi töstä açıp cibärä.
Kärim Kamal
Ä inde iminlek çitäneneñ eçendä cıyılğan yuğarı citäkçelärgä kilgändä, alar qarayaçaq töp mäs''älä bulıp bu yulı dönya klimatınıñ üzgärüe häm moña qarşı çaralar kürü torırğa tieş. Ämma xuca il Germaniäneñ räsmiläre bu ölkädä ällä ni zur ömetlär başlamasqa öndi. "Sigezlek"neñ üze eçendä, bigräk tä Quşma Ştatlar häm Yewropa illäre arasında klimat üzgärüe ölkäsendä qarşılıqlar tirän bulıp qala birä, gärçä soñğı aralarda Washington bu mäs''älädä berniçä yaña başlanğıç belän çıqqan ide. Heiligendammda german kanslerı Angela Merkelne ayırım kürep söyläşkän prezident Bush, anıñ belän kiläçäktä dä bik tığız xezmättäşlek itäçägen, şul isäptän, hawağa kümer gazların çığarunı kimetü ölkäsendä dä bergä eşliäçägen äytte.
"Sigezlek"ne yaqtırtırğa cıyınğan mäğlümät çaraların amerikan prezidentınıñ başqa ber citäkçe, Rusiä başlığı Vladimir Putin belän oçraşuı kübräk cälep itä diärgä bula. Monıñ säbäbe - ike yaq ta "sigezlek" aldınnan ğına yaña aşqınıp qorallanu çorı turında berennän-bere qırısraq belderülär yasadı. Bu törle citäkçelär däräcäsendä eşlände, moña xätta prezidentlar üzläre dä quşıldı.
Putin Quşma Ştatlarnıñ xäzerge säyäsäten sovetlar çorındağı tösle "imperialistik" dip atadı, häm Mäskäw üz raketaların Yewropağa töbiäçäk dip kisätte.
Germaniägä kilü aldınnan Pragada bulıp kitkän Bush isä demokratiä häm iminlek mäs''älälärenä bağışlanğan konferensiädä çığış yasap, Rusiäneñ demokratik reformalar yulınnan taypıluın tänqitläde:
"Qayçandır üz xalqın köçle itü maqsatında reformalar başlap cibärgän Rusiä şul yulınnan taypıldı, bu andağı demokratik täräqqiätkä borçular uyatırlıq tä''sir yasadı. Bezneñ aradağı yaxşı mönäsäbätlärneñ uñay yağı şunda - bez üzara kileşep betmägän närsälär xaqında açıqtan-açıq söyläşä alabız. Şuña da Quşma Ştatlar Rusiä kebek illär belän mönäsäbätlären, bezneñ asıl prinsiplarıbız häm qimmätlärebezdän waz kiçmi genä qoraçaq", di Bush Mäskäwne kire demokratiä yulına qaytarırğa tırışaçağı turında.
Bushnıñ Putin belän oçraşuı atnakiç uzaçaq, çärşämbe kiçen isä Rusiä prezidentı Germaniä kanslerı Merkelne kürep söyläşä. Şunnan soñ "sigezlek" citäkçeläre kiçke aş mäclesenä cıyılıp, oçraşunı räsmi töstä açıp cibärä.
Kärim Kamal