“Abıy neçkä küñelle keşe ide, şigerlär yaza ide”, dip söyläde bezgä üterelgän Damir Zaynullnıñ enese Timur. 8 ay elek ätiebez ülgännän soñ, Damir ğailä başlığı urınına qaldı, ul änine dä, mine dä bik yarata ide, bezne qayğırta ide, dide ul.
İsegezgä töşeräbez, Damir Zaynulinnıñ ğäwdäse eşlägän cirdän yıraq tügel ber urında tabıla. Uramdağı video-kameralarğa, anıñ artınnan, metro çığışınnan alıp, höcüm bulğan tınıç uramğa, “Staçqalar prospektına” qädär, yäşlär törkemeneñ baruı yazılğan. Damirnı, şuşı Staçqılar prospektınıñ 76nçe yört yanında qıynıy başlıylar. Anan soñ, törkemdäge ber keşe anı oçlı şeşä watığı belän qadap üterä. 200m tiräse yıraqlıtağı millitsiä bülegendä Damirnıñ tuğannarına şuşı mäğlümatlarnı xäbär itälär.
Damir enese, Timur Zaynullin äytüenä qarağanda, iñ berençe tikşerü barğanda, millitsiädä, yeğet millätara näfrät säbäple üterelde, dip añlatqannar, annan soñ tikşerüçelär tarafınnan “isereklär arasında bulğan suğışu” digän ixitmallıq kilep çıqqan. Eş şähär prokuraturasına barıp citkäç, “bu yäşlär törkemeneñ berençe oçrağan keşegä bäylänüe bulğan” digän belderü belän çıqtı. Timur Zaynullin häm anıñ änise Ruzaliä xanım höcüm millätara näfrät säbäple buluına ışanuın äytte.
Damirğa höcüm itkän yäş üsmerlär törkemen “skinxedlar, taqır başlılar” dip añlatmasalar da, alarnıñ berer urıs bulmağan keşegä bäylänergä ciyınğannı turında prokuratura belderüendä dä yazılğan. Räsmi dairälär “millätara näfrät säbäple üterlegän” digän cömläne äytergä telämi. Ämma Timurnıñ äytüenä qarağanda, abıysı Damirğa elegräk tä, Aziä çalımnarı bulğanqa kürä bäylänüçelär bulğan.
Damir Zaynullinnıñ tuğannarı, cinäyät eşene tikşerelü barışı belän qänäğät tügel. Mäğlümatnı internettan, qayandır çittän beläbez, tikşerüçelär, prokuratura wäkilläre bezgä xäbär cibärüne kiräk dip sanamıy, di Damirnıñ änise Ruzaliä Zaynullina. Zaynullinnar ğailäse alar isemnnän eş yörtergä, dip advokat yallağan, üz xoquqların anıñ yärdämendä yaqlamaqçı. Prokurtaura mäğlümatlarına qarağanda, Törkem xäzer xuliğanlıq qıluda tügel, “törkem tarafınnan oyıştırlğan üterü”dä ğäyeplänä. Şul uq belderüdä, Damir bitenä berençe itep suqqan 15 yäşlek malay qulğa alınğan dip äytelä, Damirğa pıyala şeşä kisäge belän qadağan 23 qız totılğan. Bu xaqta Tatarstan oyışması başlığı Rinat Waliev äytte.
Damirnıñ enese Timur, bezgä cinäyät eşeneñ nindi mätdä belän alıp barıluı möhim tügel, cinäyätçelärneñ tieşle caza aluın ğına telibez, dide.
Bikä Timerova
İsegezgä töşeräbez, Damir Zaynulinnıñ ğäwdäse eşlägän cirdän yıraq tügel ber urında tabıla. Uramdağı video-kameralarğa, anıñ artınnan, metro çığışınnan alıp, höcüm bulğan tınıç uramğa, “Staçqalar prospektına” qädär, yäşlär törkemeneñ baruı yazılğan. Damirnı, şuşı Staçqılar prospektınıñ 76nçe yört yanında qıynıy başlıylar. Anan soñ, törkemdäge ber keşe anı oçlı şeşä watığı belän qadap üterä. 200m tiräse yıraqlıtağı millitsiä bülegendä Damirnıñ tuğannarına şuşı mäğlümatlarnı xäbär itälär.
Damir enese, Timur Zaynullin äytüenä qarağanda, iñ berençe tikşerü barğanda, millitsiädä, yeğet millätara näfrät säbäple üterelde, dip añlatqannar, annan soñ tikşerüçelär tarafınnan “isereklär arasında bulğan suğışu” digän ixitmallıq kilep çıqqan. Eş şähär prokuraturasına barıp citkäç, “bu yäşlär törkemeneñ berençe oçrağan keşegä bäylänüe bulğan” digän belderü belän çıqtı. Timur Zaynullin häm anıñ änise Ruzaliä xanım höcüm millätara näfrät säbäple buluına ışanuın äytte.
Damirğa höcüm itkän yäş üsmerlär törkemen “skinxedlar, taqır başlılar” dip añlatmasalar da, alarnıñ berer urıs bulmağan keşegä bäylänergä ciyınğannı turında prokuratura belderüendä dä yazılğan. Räsmi dairälär “millätara näfrät säbäple üterlegän” digän cömläne äytergä telämi. Ämma Timurnıñ äytüenä qarağanda, abıysı Damirğa elegräk tä, Aziä çalımnarı bulğanqa kürä bäylänüçelär bulğan.
Damir Zaynullinnıñ tuğannarı, cinäyät eşene tikşerelü barışı belän qänäğät tügel. Mäğlümatnı internettan, qayandır çittän beläbez, tikşerüçelär, prokuratura wäkilläre bezgä xäbär cibärüne kiräk dip sanamıy, di Damirnıñ änise Ruzaliä Zaynullina. Zaynullinnar ğailäse alar isemnnän eş yörtergä, dip advokat yallağan, üz xoquqların anıñ yärdämendä yaqlamaqçı. Prokurtaura mäğlümatlarına qarağanda, Törkem xäzer xuliğanlıq qıluda tügel, “törkem tarafınnan oyıştırlğan üterü”dä ğäyeplänä. Şul uq belderüdä, Damir bitenä berençe itep suqqan 15 yäşlek malay qulğa alınğan dip äytelä, Damirğa pıyala şeşä kisäge belän qadağan 23 qız totılğan. Bu xaqta Tatarstan oyışması başlığı Rinat Waliev äytte.
Damirnıñ enese Timur, bezgä cinäyät eşeneñ nindi mätdä belän alıp barıluı möhim tügel, cinäyätçelärneñ tieşle caza aluın ğına telibez, dide.
Bikä Timerova
