Rusiäneñ İnternettağı Yandex ezläw serverı mäğlümätenä qarağanda, qansız üterüne töşerep alğan şuşı video bügenge köndä iñ qızu bäxäslär uyatqan tema bulıp tora. Sürätlär dönya çeltärenä yäkşämbe könne quyılğan ide, ämma berniçä säğät ütü belän alar annan alındı. İnde xäbär itelgänçä, anda üzen Urıs ileneñ natsional-sotsialistları dip tanıtqan ber törkem, berse Taciqstan, ä ikençese Dağstannan kilgän ike yäş irne wäxşilärçä cäfalap üterüen töşergän. Natsi bayrağı astında eşlängän şul cinayätne älege törkem videoğa alu belän genä çiklänmi, anı İnternet buylap ta tarata häm kiñ cämäğätçelekkä ul LiveJournal serverında çığarıla.
LiveJournalnıñ Rusiä öleşe öçen cawaplı şirkät wäkile Anton Nosik, ni qızğanıç, bez här elengän materialnı şunda uq qarap tikşerep bara almıybız, dip zarlana:
"İnternetta hiçkenä dä bernindi altsenzura bula almıy, keşelär üzläre ni teli, şunı elep quya, şunı yaza. LiveJournal möştäriläre eşli almıy torğan ğämällärneñ isemlege bulsa da, anda cäzalaw sürätlären quymaw digäne yuq, älbättä. Anda rasaçıl näfrät uyatırlıq süzlär bäyän itü tıyıla digäne bar, ämma monıñ ayırım bu oçraqqa ni däräcädä turı kilüe açıq soraw bulıp qala", di Anton Nosik, LiveJournal serverınıñ Rusiä öleşen qarap baruçı şirkättän.
İldä millätara häm rasaçıl ızğış çığaru tırışlıqlarına kirtä quyıp barırğa tieş däwlät oyışmaları bu oçraqta älegä tikşerü eşläreneñ däwam itüen genä belderä. Mäskäwdä Ğädättän tış jurnalizm üzägen citäklägän Oleg Panfilov xakimiätneñ mondıy cinayätlärgä qarağanda, başqa eşlär belän mawığırğa yaratuın äytä:
"Mondıy filmnarnıñ taraluına kirtä quyu öçen İnternet küzätelergä tieş, älbättä, ämma ideologiä xakimiät tarafınnan qırıs kontrol itelgän ildä bu mömkin tügel. Xakimiät kübräk üzenä oppozitsiädä bulğan eşçänlekne tıyu belän genä mäşğül", di Oleg Panfilov.
Videodağı wäxşätneñ çın bulu-bulmawın açıqlaw öçen maxsus cinayät eşe açılırğa tieş, şunnan soñ eçke eşlär ministrlığınıñ kibercinayätlär tikşerüçe bülege bu eşkä belgeçlärne cälep itä alaçaq. Ä alar isä nigezdä, texnik yaqtan tasma çın bulırğa oşap tora digän fiker belderä.
Sişämbedä İnternet säxifäläreneñ bersendä, şuşı qotoçqıç ğämälne eşläw öçen cawaplılıqnı üz östenä Natsional-sotsialist cämğiäteneñ suğışçan qanatı aldı, dip xäbär itelde. Şul ixtimal yaña qanatınnan ayırmalı bularaq, cämğiät üze bilgele oyışma, ul elek tä törle millätçel yöreşlärdä, homoseksuallarnı häm könyaqtan kilgän keşelärne qıynawlarda qatnaşıp kilgän ide. Natsional-sotsialist cämğiäte xätta üz citäkçese Dmitri Rumyantsevnı Rusiä prezidentı urınına da nämzät itep kürsätergä tırışa.
Kärim Kamal
LiveJournalnıñ Rusiä öleşe öçen cawaplı şirkät wäkile Anton Nosik, ni qızğanıç, bez här elengän materialnı şunda uq qarap tikşerep bara almıybız, dip zarlana:
"İnternetta hiçkenä dä bernindi altsenzura bula almıy, keşelär üzläre ni teli, şunı elep quya, şunı yaza. LiveJournal möştäriläre eşli almıy torğan ğämällärneñ isemlege bulsa da, anda cäzalaw sürätlären quymaw digäne yuq, älbättä. Anda rasaçıl näfrät uyatırlıq süzlär bäyän itü tıyıla digäne bar, ämma monıñ ayırım bu oçraqqa ni däräcädä turı kilüe açıq soraw bulıp qala", di Anton Nosik, LiveJournal serverınıñ Rusiä öleşen qarap baruçı şirkättän.
İldä millätara häm rasaçıl ızğış çığaru tırışlıqlarına kirtä quyıp barırğa tieş däwlät oyışmaları bu oçraqta älegä tikşerü eşläreneñ däwam itüen genä belderä. Mäskäwdä Ğädättän tış jurnalizm üzägen citäklägän Oleg Panfilov xakimiätneñ mondıy cinayätlärgä qarağanda, başqa eşlär belän mawığırğa yaratuın äytä:
"Mondıy filmnarnıñ taraluına kirtä quyu öçen İnternet küzätelergä tieş, älbättä, ämma ideologiä xakimiät tarafınnan qırıs kontrol itelgän ildä bu mömkin tügel. Xakimiät kübräk üzenä oppozitsiädä bulğan eşçänlekne tıyu belän genä mäşğül", di Oleg Panfilov.
Videodağı wäxşätneñ çın bulu-bulmawın açıqlaw öçen maxsus cinayät eşe açılırğa tieş, şunnan soñ eçke eşlär ministrlığınıñ kibercinayätlär tikşerüçe bülege bu eşkä belgeçlärne cälep itä alaçaq. Ä alar isä nigezdä, texnik yaqtan tasma çın bulırğa oşap tora digän fiker belderä.
Sişämbedä İnternet säxifäläreneñ bersendä, şuşı qotoçqıç ğämälne eşläw öçen cawaplılıqnı üz östenä Natsional-sotsialist cämğiäteneñ suğışçan qanatı aldı, dip xäbär itelde. Şul ixtimal yaña qanatınnan ayırmalı bularaq, cämğiät üze bilgele oyışma, ul elek tä törle millätçel yöreşlärdä, homoseksuallarnı häm könyaqtan kilgän keşelärne qıynawlarda qatnaşıp kilgän ide. Natsional-sotsialist cämğiäte xätta üz citäkçese Dmitri Rumyantsevnı Rusiä prezidentı urınına da nämzät itep kürsätergä tırışa.
Kärim Kamal