"Bez iñ naçarına da äzer bulırğa tieş.. İñ naçarı – ul suğış.."
"Suğışqa niçek äzerlänäsez?"
"Bez – atom bombasın yasawğa tüzep tormayaçaqbız, dip äytäbez, äzerlek şul."
Bu – Fransiä tışqı eşlär ministrı Bernard Kouchnernıñ radio häm televideniä jurnalistı belän äñgämäsennän ber özek buldı.
Kouchner, ber ay çaması elek Fransiä prezidentı Nicolas Sarkozy üz çığışında yañğratqan, atom qoralına iä bulğan İran – qabul itelmiäçäk digän süzlärne qabatladı.
İranğa qarşı xärbi çaralar – faciğa bulaçaq, disä dä, Sarkozy ul çaqta bu ixtimalnı da istä totqanın äytkän ide.
Parijda urnaşqan Fänni Üzäk belgeçe Olivier Roy süzlärenä qarağanda, Fransiä Tähranğa qarata säyäsäten qırıslata kebek kürenä, di:
"Eye, Fransiä mäsälägä nığraq totındı. Minemçä Fransiä räsmiläre iqtisadi çikläwlär genä näticägä kitermiäçäk, dip uylıy. Alar, xärbi çaralar belän yanaw häm iqtisadi sanksiälär İranğa basım yasayaçaq, dip ışana."
Fransiäneñ bu yanawları – Xalıqara Atom Energiäse İdaräse cıyını waqıtına turın kilde. Venada cıyın bu atnada ütä.
Tışqı eşlär ministrı Kouchner, Tähran belän söyläşülär däwam itä, dide. Ägär dä İran uran bayıtu programmasın tuqtatmasa, Yevropa Berlege Berläşkän Millätlärdän dä qırısraq çaralar qabul itäçäk, dide Fransiä tışqı eşlär ministrı:
"Söyläşülär däwam itkän arada, bez İranğa qarata Yevropa Berlegennän dä çaralar kürergä qarar ittek. Busı BMOdan tış. Östämä çikläwlärne Germaniä täqdim itte, bez bu xaqta alar belän berniçä kön elek söyläştek."
Tışqı eşlär ministrı Fransiä şirkätlärenä İranğa ber tien dä investisiä salmawnı soradı. İran belän eşläwçe iñ zur Fransuz neft şirkäte – Total, Kouchner aña da möräcäğät itte.
İrannıñ bu yanawlarğa reaksiäse ber dä üzgärmäde, Tähran uran bayıtunı däwam itäçägen belderde. Däwlät kontrolendäge İRNA mäğlümat agentlığı Fransiä räsmilären "Aq Yortnı" qabatlawda ğäyepläde.
Fransiä tışqı eşlär ministrınıñ Bernard Kouchner yasağan belderü belän alsu qormaş tanıştırdı. Kouchner bügen Mäskäwgä kilä. İke könlek säfäre qısalarında ul Rusiä tışqı eşlär ministrı Sergei Lavrov belän oçraşaçaq.
"Suğışqa niçek äzerlänäsez?"
"Bez – atom bombasın yasawğa tüzep tormayaçaqbız, dip äytäbez, äzerlek şul."
Bu – Fransiä tışqı eşlär ministrı Bernard Kouchnernıñ radio häm televideniä jurnalistı belän äñgämäsennän ber özek buldı.
Kouchner, ber ay çaması elek Fransiä prezidentı Nicolas Sarkozy üz çığışında yañğratqan, atom qoralına iä bulğan İran – qabul itelmiäçäk digän süzlärne qabatladı.
İranğa qarşı xärbi çaralar – faciğa bulaçaq, disä dä, Sarkozy ul çaqta bu ixtimalnı da istä totqanın äytkän ide.
Parijda urnaşqan Fänni Üzäk belgeçe Olivier Roy süzlärenä qarağanda, Fransiä Tähranğa qarata säyäsäten qırıslata kebek kürenä, di:
"Eye, Fransiä mäsälägä nığraq totındı. Minemçä Fransiä räsmiläre iqtisadi çikläwlär genä näticägä kitermiäçäk, dip uylıy. Alar, xärbi çaralar belän yanaw häm iqtisadi sanksiälär İranğa basım yasayaçaq, dip ışana."
Fransiäneñ bu yanawları – Xalıqara Atom Energiäse İdaräse cıyını waqıtına turın kilde. Venada cıyın bu atnada ütä.
Tışqı eşlär ministrı Kouchner, Tähran belän söyläşülär däwam itä, dide. Ägär dä İran uran bayıtu programmasın tuqtatmasa, Yevropa Berlege Berläşkän Millätlärdän dä qırısraq çaralar qabul itäçäk, dide Fransiä tışqı eşlär ministrı:
"Söyläşülär däwam itkän arada, bez İranğa qarata Yevropa Berlegennän dä çaralar kürergä qarar ittek. Busı BMOdan tış. Östämä çikläwlärne Germaniä täqdim itte, bez bu xaqta alar belän berniçä kön elek söyläştek."
Tışqı eşlär ministrı Fransiä şirkätlärenä İranğa ber tien dä investisiä salmawnı soradı. İran belän eşläwçe iñ zur Fransuz neft şirkäte – Total, Kouchner aña da möräcäğät itte.
İrannıñ bu yanawlarğa reaksiäse ber dä üzgärmäde, Tähran uran bayıtunı däwam itäçägen belderde. Däwlät kontrolendäge İRNA mäğlümat agentlığı Fransiä räsmilären "Aq Yortnı" qabatlawda ğäyepläde.
Fransiä tışqı eşlär ministrınıñ Bernard Kouchner yasağan belderü belän alsu qormaş tanıştırdı. Kouchner bügen Mäskäwgä kilä. İke könlek säfäre qısalarında ul Rusiä tışqı eşlär ministrı Sergei Lavrov belän oçraşaçaq.