Mäskäw Kremle tiräsendä häm bigräk tä anıñ eçendä nilär bulıp yatqanın tulısınça yäşerep yäşägän Vladimir Putin öçen soñğı waqiğälär şaqtıy eçpoşırğıç bula ala. Anıñ KGBdağı elekke xezmättäşe, yaqın dustı, xäzer narkotiklarğa qarşı köräş idaräsen citäklägän Viktor Çerkesov "Kommersant" basmasında bäyän itelgän açıq xatında, Rusiä "silovik"ları arasındağı eçke köräş inde Rusiä totrıqlılığına yanıy alırlıq açıq suğış xälenä kilep citte, dip kisätä.
Ser tügel, Putin xakimiäteneñ nigezen näq menä şular, yäğni qüät xezmätlären citäkläwçe "silovik"lar täşkil itä, il belän idarä xäzer tulısınça näq menä alar qulında. Çerkesov, alarnıñ xäzer ber-bersenä qarşı başlağan ayawsız suğışında "ciñüçelär bulmayaçaq" dip belderä.
Ul ayırım isemnär atamıy, ämma Kremldäge xällärne küzätep baruçılar öçen bu kiräkmi dä - alar süzneñ biredä beryaqtan Çerkesovnıñ üze, ä ikençe yaqtan, Federal'' iminlek xezmäte başlığı Nikolay Patruşev häm prezident idaräse citäkçese urınbasarı İgor Seçin arasında inde küptännän däwam itkän doşmanlıq turında baruın yaxşı añlıy.
Şularnıñ berse, tanılğan säyäsi küzätüçe Yuliä Latınina, Putin kilü belän yuğarı xakimiätne yawlap alğan "silovik"larnıñ törle klannarı üzläreneñ biznes, säyäsi häm şäxsi mänfäğätlären yaqlaw belän şöğellänä, di:
Latınina fikerençä, yäşeren xezmätlärneñ törle citäkçeläre arasında şuşı köräş inde ike yılğa yaqın bara, häm ul suğış törle ölkälärne - äytik, tamojnäne yäisä prezidentqa ütep kerü yulın kem kontrol'' itäçäge öçen bara.
Putin utırğan Kremldä andıy köräş elek tä bulmadı tügel, ämma älegä qädär ul cämäğätçelektän yäşerelep kilgän ide. Ämma Putinneñ prezidentlığı azağına yaqınlaşu häm anıñ urınına kemneñ kilüe mäs''äläse kütärelü belän xakimiät köräşe köçäyep, xäzer inde kiñ cämäğätçelekkä dä taşıp çığa başladı.
"Şäfäqtäge qarañğılıq: Rusiädä cinayätçel däwlätneñ kütärelüe" digän kitap yazğan David Satter, Putin çorında "silovik"lar Rusiädäge bar säyäsi wä ictimaği tormışnı üz kontrolenä aldı, xäzer alarnıñ törle klannarı üzläreneñ şul xakimiäten nığıta, häm inde üzara suğışa başlıy, dip belderä, häm bu cinayätçel oyışmağa xas täräqqiät, di:
"Bu Rusiädäge cinayätçelär törkemnärendä dä näq şulay - alar bergäläşep talağanda ğömerlek duslar, ä inde talağannı büleşkändä alar ber-bersen üterä başlıy", di Mäskäwdäge "siloviklar" köräşe artında xakimiät häm mölkät öçen tartqalaşu kürgän David Satter.
Ämma biredä iğtibarnı şul cälep itä - nigä Viktor Çerkesov şuşı eçke pıçraqnı kiñ cämäğätçelekkä çığarırğa bulğan soñ? Ul şuşı ğämäle belän Putin tirälegeneñ qağidälären boza tügelme? Yuliä Latınina:
Yuliä Latınina, çekistlar "Ägär dä berär närsä bula qalsa, monı xalıqqa çığarma, monı Putingä citker" digän prinsip nigezendä eş itä, di. Ämma Çerkesov açıq xat belän "Kommersant"ta çığa.
Kärim Kamal
Ser tügel, Putin xakimiäteneñ nigezen näq menä şular, yäğni qüät xezmätlären citäkläwçe "silovik"lar täşkil itä, il belän idarä xäzer tulısınça näq menä alar qulında. Çerkesov, alarnıñ xäzer ber-bersenä qarşı başlağan ayawsız suğışında "ciñüçelär bulmayaçaq" dip belderä.
Ul ayırım isemnär atamıy, ämma Kremldäge xällärne küzätep baruçılar öçen bu kiräkmi dä - alar süzneñ biredä beryaqtan Çerkesovnıñ üze, ä ikençe yaqtan, Federal'' iminlek xezmäte başlığı Nikolay Patruşev häm prezident idaräse citäkçese urınbasarı İgor Seçin arasında inde küptännän däwam itkän doşmanlıq turında baruın yaxşı añlıy.
Şularnıñ berse, tanılğan säyäsi küzätüçe Yuliä Latınina, Putin kilü belän yuğarı xakimiätne yawlap alğan "silovik"larnıñ törle klannarı üzläreneñ biznes, säyäsi häm şäxsi mänfäğätlären yaqlaw belän şöğellänä, di:
Latınina fikerençä, yäşeren xezmätlärneñ törle citäkçeläre arasında şuşı köräş inde ike yılğa yaqın bara, häm ul suğış törle ölkälärne - äytik, tamojnäne yäisä prezidentqa ütep kerü yulın kem kontrol'' itäçäge öçen bara.
Putin utırğan Kremldä andıy köräş elek tä bulmadı tügel, ämma älegä qädär ul cämäğätçelektän yäşerelep kilgän ide. Ämma Putinneñ prezidentlığı azağına yaqınlaşu häm anıñ urınına kemneñ kilüe mäs''äläse kütärelü belän xakimiät köräşe köçäyep, xäzer inde kiñ cämäğätçelekkä dä taşıp çığa başladı.
"Şäfäqtäge qarañğılıq: Rusiädä cinayätçel däwlätneñ kütärelüe" digän kitap yazğan David Satter, Putin çorında "silovik"lar Rusiädäge bar säyäsi wä ictimaği tormışnı üz kontrolenä aldı, xäzer alarnıñ törle klannarı üzläreneñ şul xakimiäten nığıta, häm inde üzara suğışa başlıy, dip belderä, häm bu cinayätçel oyışmağa xas täräqqiät, di:
"Bu Rusiädäge cinayätçelär törkemnärendä dä näq şulay - alar bergäläşep talağanda ğömerlek duslar, ä inde talağannı büleşkändä alar ber-bersen üterä başlıy", di Mäskäwdäge "siloviklar" köräşe artında xakimiät häm mölkät öçen tartqalaşu kürgän David Satter.
Ämma biredä iğtibarnı şul cälep itä - nigä Viktor Çerkesov şuşı eçke pıçraqnı kiñ cämäğätçelekkä çığarırğa bulğan soñ? Ul şuşı ğämäle belän Putin tirälegeneñ qağidälären boza tügelme? Yuliä Latınina:
Yuliä Latınina, çekistlar "Ägär dä berär närsä bula qalsa, monı xalıqqa çığarma, monı Putingä citker" digän prinsip nigezendä eş itä, di. Ämma Çerkesov açıq xat belän "Kommersant"ta çığa.
Kärim Kamal