Ğädättän tış xäl Gruziädä äle haman üz köçendä qalsa da, andağı tormış äkrenläp elekke ağımına qayta başladı inde. Bu atnada ildä yañadan mäktäplär açıldı, uramnarda da berniçä kön elek kenä bulğan çualışlarnıñ ezläre qalmadı diärlek.
Pärdälär artında xäzer ğädättän tış xälne beterü häm ğinwarğa bilgelängän prezident saylawlarına äzerlänä başlaw öçen nigez buldıru turında söyläşülär bara. Gruziä xökümäte äğzaları ğına tügel, oppozitsiä ähelläre dä säyäsi krizistan çığu yulların Könbatış illärennän kilgän ber törkem wäkil belän tikşerä. Alar arasında Yewropa Berlegeneñ könyaq Kavkaz öçen maxsus wäkile Peter Semneby, amerikan däwlät sekretare yardämçeseneñ urınbasarı Matthew Bryza, Yewropada iminlek wä xezmättäşlek oyışmasınnan Josep Borrel Fontelles tä bar. Alar barısı da prezident Mixail Saakaşviline, oppozitsiäneñ uram çığışlarına qarşı kertkän ğädättän tış xälne beterügä künderergä tırışa.
Tiflisneñ üzendä, bu düşämbedä ük bula ala digän süzlär yörsä dä, atna azağında Saakaşvili, ğädättän tış xälne beterü mäs''äläsen fäqät üze genä xäl itäçägenä işarä itte:
"Ğädättän tış xäl buluın bälkem dä yaratmağan duslarıbıznıñ sabırsızlığın min yaxşı añlıym, häm aldağı könnärdä ul ğämäldän çığarılaçaq, älbättä. Ämma bu bezgä monı kemder äytüennän soñ tügel, ä fäqät üzebez xäl itkännän soñ, sezneñ töp citäkçegez bularaq minem bar yanawlarnıñ da yuqqa çığuın kürgännän soñ ğına bulaçaq", dip kisätkän ide Mixail Saakaşvili.
Uzğan atnada Mixail Saakaşvili şulay uq, prezident saylawlarınıñ waqıtınnan alda uzaçağın da belderde. Alar ğinwarnıñ 5-enä bilgelängän, şul uq könne parlament saylawların da irtäräk ütkärü kiräkme digän soraw belän referendum da uzaçaq.
Düşämbedä 10-lap waq säyäsi partiädän torğan oppozitsiä prezident saylawlarına Saakaşviligä qarşı urtaq nämzät çığaru mäs''äläsendä nihayät kileşügä ireşep, xäzerge waqıtta parlament deputatı bulğan Levan Gaçeçiladze tiräsendä tuplanaçağın xäbär itte. Oppozitsiä şulay uq, ägär dä Gaçeçiladze prezident itep saylansa, premyer-ministr urının elekke tışqı eşlär ministrı Salome Zurabişvili alaçağı xaqında da kileşkän. 43 yäşlek Levon Gaçeçiladze oppozitsiäneñ noyäbr başındağı uram cıyınnarın oyıştıruçılarnıñ berse ide.
Kärim Kamal
Pärdälär artında xäzer ğädättän tış xälne beterü häm ğinwarğa bilgelängän prezident saylawlarına äzerlänä başlaw öçen nigez buldıru turında söyläşülär bara. Gruziä xökümäte äğzaları ğına tügel, oppozitsiä ähelläre dä säyäsi krizistan çığu yulların Könbatış illärennän kilgän ber törkem wäkil belän tikşerä. Alar arasında Yewropa Berlegeneñ könyaq Kavkaz öçen maxsus wäkile Peter Semneby, amerikan däwlät sekretare yardämçeseneñ urınbasarı Matthew Bryza, Yewropada iminlek wä xezmättäşlek oyışmasınnan Josep Borrel Fontelles tä bar. Alar barısı da prezident Mixail Saakaşviline, oppozitsiäneñ uram çığışlarına qarşı kertkän ğädättän tış xälne beterügä künderergä tırışa.
Tiflisneñ üzendä, bu düşämbedä ük bula ala digän süzlär yörsä dä, atna azağında Saakaşvili, ğädättän tış xälne beterü mäs''äläsen fäqät üze genä xäl itäçägenä işarä itte:
"Ğädättän tış xäl buluın bälkem dä yaratmağan duslarıbıznıñ sabırsızlığın min yaxşı añlıym, häm aldağı könnärdä ul ğämäldän çığarılaçaq, älbättä. Ämma bu bezgä monı kemder äytüennän soñ tügel, ä fäqät üzebez xäl itkännän soñ, sezneñ töp citäkçegez bularaq minem bar yanawlarnıñ da yuqqa çığuın kürgännän soñ ğına bulaçaq", dip kisätkän ide Mixail Saakaşvili.
Uzğan atnada Mixail Saakaşvili şulay uq, prezident saylawlarınıñ waqıtınnan alda uzaçağın da belderde. Alar ğinwarnıñ 5-enä bilgelängän, şul uq könne parlament saylawların da irtäräk ütkärü kiräkme digän soraw belän referendum da uzaçaq.
Düşämbedä 10-lap waq säyäsi partiädän torğan oppozitsiä prezident saylawlarına Saakaşviligä qarşı urtaq nämzät çığaru mäs''äläsendä nihayät kileşügä ireşep, xäzerge waqıtta parlament deputatı bulğan Levan Gaçeçiladze tiräsendä tuplanaçağın xäbär itte. Oppozitsiä şulay uq, ägär dä Gaçeçiladze prezident itep saylansa, premyer-ministr urının elekke tışqı eşlär ministrı Salome Zurabişvili alaçağı xaqında da kileşkän. 43 yäşlek Levon Gaçeçiladze oppozitsiäneñ noyäbr başındağı uram cıyınnarın oyıştıruçılarnıñ berse ide.
Kärim Kamal