Quşma Ştatlarnıñ elekke däwlät sekretare Madeleine Albright, cıyınğa kilgän 70tän artıq xatın-qız aldında çığış yasap, dönyanıñ bik küp illäre öçen iñ zur qurqınıç ul – açlıq, susızlıq, tabiplar citmäwe häm xoquqları bozıluı, dide.
Öç kön New Yorkta xanımnar açlıq turında ğına tügel, şulay uq terror qurqınıçı, klimat üzgäreşläre, iqtisadi cinäyätlär häm keşeçelekkä qarşı cinäyätlär kebek global qurqınıçlar turında da fiker alıştı. Ämma bu temalarğa söyläşkändä xatın-qızlar berençe çiratta bu qurqınıçlarnıñ keşegä niçek yanawın küz aldına kiterergä tırıştı. İrlandiäneñ elekke prezidentı Mary Robinson da "iminlek" süzen dönya bik tar mäğnädä kürä, dide. İminlekneñ dä yöze bar, dide Robinson.
Bu cıyınnıñ maqsatı – citäkçe xatın-qızlarnıñ nilär eşli alğanı turında fiker alışu ide. Çönki irlärdän ayırmalı bularaq, citäkçe xatın-qızlarnıñ idarä itü häm mäsälälärne çişü yulı başqa törleräk. AQŞ Däwlät Sekretare Condolleezza Ricenıñ kiñäşçese Şirin Tahir-Xeli, süzlärenä qarağanda, dönyada yäşägän xalıqnıñ yaqınça yartısı xatın-qızlar, ä yuğarı wazifalarda xatın-qızlar 15%tı ğına täşkil itä.
Cıyında qatnaşuçılar, xatın-qızlarğa kübräk diplomatiä wazifaların tapşıru kiräk, dip kileşte. Şulay uq medetsinanı üsterü, açlıqnı beterü häm tirä-yaq möxitne saqlaw kebek ölkälärne dä xatın-qızlar üz öslärenä alıp irlärdän yaxşıraq eş başqara ala, digän näticä yasaldı. Cıyınnı dönya citäkçe xatın-qızları şurası oyıştırğan ide.
Alsu Qormaş
Öç kön New Yorkta xanımnar açlıq turında ğına tügel, şulay uq terror qurqınıçı, klimat üzgäreşläre, iqtisadi cinäyätlär häm keşeçelekkä qarşı cinäyätlär kebek global qurqınıçlar turında da fiker alıştı. Ämma bu temalarğa söyläşkändä xatın-qızlar berençe çiratta bu qurqınıçlarnıñ keşegä niçek yanawın küz aldına kiterergä tırıştı. İrlandiäneñ elekke prezidentı Mary Robinson da "iminlek" süzen dönya bik tar mäğnädä kürä, dide. İminlekneñ dä yöze bar, dide Robinson.
Bu cıyınnıñ maqsatı – citäkçe xatın-qızlarnıñ nilär eşli alğanı turında fiker alışu ide. Çönki irlärdän ayırmalı bularaq, citäkçe xatın-qızlarnıñ idarä itü häm mäsälälärne çişü yulı başqa törleräk. AQŞ Däwlät Sekretare Condolleezza Ricenıñ kiñäşçese Şirin Tahir-Xeli, süzlärenä qarağanda, dönyada yäşägän xalıqnıñ yaqınça yartısı xatın-qızlar, ä yuğarı wazifalarda xatın-qızlar 15%tı ğına täşkil itä.
Cıyında qatnaşuçılar, xatın-qızlarğa kübräk diplomatiä wazifaların tapşıru kiräk, dip kileşte. Şulay uq medetsinanı üsterü, açlıqnı beterü häm tirä-yaq möxitne saqlaw kebek ölkälärne dä xatın-qızlar üz öslärenä alıp irlärdän yaxşıraq eş başqara ala, digän näticä yasaldı. Cıyınnı dönya citäkçe xatın-qızları şurası oyıştırğan ide.
Alsu Qormaş