Putinneñ çığışı turında älegä şul ğına bilgele - ul inde tasmağa yazılğan häm anda süz, älbättä, 2-nçe dikäbrdä uzaçaq Duma saylawları xaqında baraçaq.
Xäzer inde bar serlelek, Putin üz çığışında xalıqnı tawış birüdä küpläp qatnaşuğa ğına öndärme, ällä inde bu yulı da berär usal belderü yasarmı digän soraw tiräsendä. Qayberäwlär üz farazları belän tağın da yıraqqaraq kitä - prezident 2008-nçı yıl sorawına da cawap birä ala dip uylıy.
Düşämbedä Rusiäneñ Federatsiä Şurası prezident saylawları könen bilgeläp, aña äzerlek tärtiben açıqladı. Qanunda qaralğança, Şuranıñ älege qararı ğämälgä "Rossiyskaya Gazeta" basmasında dönya kürgännän soñ kerä. Bu dikäbrneñ 1-enä qädär eşläner dip kötelä. Şunnan soñ inde nämzätlär kürsätü, imzalar cıyu, terkälü, programmalar iğlan itü kebek konkret eşlär başlanırğa tieş.
Federatsiä Şurası räise Sergey Mironov utırışqa qädär, ägär dä Putin, yaña saylawlar turındağı qararnı bastırıp çığarğançı prezident urınınnan kitsä, ul mart saylawlarında ğädäti ber nämzät bularaq qatnaşa alır ide digän faraz belän çıqtı. Rusiä saylaw qanunınıñ 5 bülegendä çınnan da, saylawlar turındağı qararnı bäyän itkän köngä inde ike märtäbä prezident bulıp torğan zat şul saylawlarda qatnaşa almıy, dielä.
Yäğni Mironov uylawınça, ägär dä Putin şul köngä qädär prezidentlıqtan kitep ölgerä ikän, anıñ kiläse yarışta qatnaşu öçen bar xaqı da bulaçaq.
Öçençe mötdät mäs'äläsen Putin faydasına uñay ğına xäl itüneñ ikençe mömkinlegen "İtogi" basmasında Rusiä eşmäkärläre berlegeneñ räise Aleksandr Şoxin bäyän itte. Ul da Putinne mart saylawlarına çığaru bik mömkin, dip uylıy, häm "monıñ öçen konstitutsiäne hiç kenä dä üzgärtep torası yuq", di.
Dumağa deputat itep saylanu belän (ä Putinneñ andıy mömkinlege bar, ul Berdäm Rusiä isemlegen citäkli), xäzerge prezident urınınnan kitärgä tieş bulaçaq, çönki qanunda bu ike urınnı beryulı biläp toru qaralmağan.
Şunnan soñ, dip däwam itä Şoxin, partiä üzeneñ Dumadağı yaña citäkçesen - Vladimir Putinne - prezidentlıqqa nämzät itep täqdim itä. Bu waqıt yağınnan qarağanda, uñay ber mizgeldä bulaçaq, çönki Rusiädä inde prezidentnı saylaw kampaniäse başlanğan bula.
Menä şundıy farazlar sürätendä Rusiädä xäzer türälär dä, xalıq ta Putinneñ yaña çığışın kötä.
Xäzer inde bar serlelek, Putin üz çığışında xalıqnı tawış birüdä küpläp qatnaşuğa ğına öndärme, ällä inde bu yulı da berär usal belderü yasarmı digän soraw tiräsendä. Qayberäwlär üz farazları belän tağın da yıraqqaraq kitä - prezident 2008-nçı yıl sorawına da cawap birä ala dip uylıy.
Düşämbedä Rusiäneñ Federatsiä Şurası prezident saylawları könen bilgeläp, aña äzerlek tärtiben açıqladı. Qanunda qaralğança, Şuranıñ älege qararı ğämälgä "Rossiyskaya Gazeta" basmasında dönya kürgännän soñ kerä. Bu dikäbrneñ 1-enä qädär eşläner dip kötelä. Şunnan soñ inde nämzätlär kürsätü, imzalar cıyu, terkälü, programmalar iğlan itü kebek konkret eşlär başlanırğa tieş.
Federatsiä Şurası räise Sergey Mironov utırışqa qädär, ägär dä Putin, yaña saylawlar turındağı qararnı bastırıp çığarğançı prezident urınınnan kitsä, ul mart saylawlarında ğädäti ber nämzät bularaq qatnaşa alır ide digän faraz belän çıqtı. Rusiä saylaw qanunınıñ 5 bülegendä çınnan da, saylawlar turındağı qararnı bäyän itkän köngä inde ike märtäbä prezident bulıp torğan zat şul saylawlarda qatnaşa almıy, dielä.
Yäğni Mironov uylawınça, ägär dä Putin şul köngä qädär prezidentlıqtan kitep ölgerä ikän, anıñ kiläse yarışta qatnaşu öçen bar xaqı da bulaçaq.
Öçençe mötdät mäs'äläsen Putin faydasına uñay ğına xäl itüneñ ikençe mömkinlegen "İtogi" basmasında Rusiä eşmäkärläre berlegeneñ räise Aleksandr Şoxin bäyän itte. Ul da Putinne mart saylawlarına çığaru bik mömkin, dip uylıy, häm "monıñ öçen konstitutsiäne hiç kenä dä üzgärtep torası yuq", di.
Dumağa deputat itep saylanu belän (ä Putinneñ andıy mömkinlege bar, ul Berdäm Rusiä isemlegen citäkli), xäzerge prezident urınınnan kitärgä tieş bulaçaq, çönki qanunda bu ike urınnı beryulı biläp toru qaralmağan.
Şunnan soñ, dip däwam itä Şoxin, partiä üzeneñ Dumadağı yaña citäkçesen - Vladimir Putinne - prezidentlıqqa nämzät itep täqdim itä. Bu waqıt yağınnan qarağanda, uñay ber mizgeldä bulaçaq, çönki Rusiädä inde prezidentnı saylaw kampaniäse başlanğan bula.
Menä şundıy farazlar sürätendä Rusiädä xäzer türälär dä, xalıq ta Putinneñ yaña çığışın kötä.