Bilgele bulğança, prezident saylawı Rusiädä genä tügel, Amerika Quşma Ştatlarında da uzaçaq, ämma anda ul noyäbr ayında ğına bula. Ämma Rusiädä kiläse prezidentnıñ kem bulasın inde tawış birmi dä aldan belep torsalar, Amerikada törle nämzätlär arasında köräş çın-çınlap häm inde xäzerdän ük bara.
Çirattağı berençel saylaw - yäğni partiä eçendäge nämzätlär arasınnan layıqlısın bilgeläw - çärşämbedä Florida ştatında uzdı. Demokratlar oçrağında andağı näticälär ällä ni ähämiätle tügel, çönki alarnıñ Floridada qazanğan yaqlawı eçke qarşılıqlar säbäple partiäneñ cäy azağında bulaçaq qorıltayında isäpkä alınmayaçaq.
Ä menä respublikannar öçen Florida bik möhim ber urın ide häm annan töp qaharman bulıp nämzätlär arasındağı aqsaqal - 71 yäşlek John McCain çıqtı. Qayberäwlär anı näq menä olı yäştä buluı öçen tänqitläwgä qaramastan, ul monı kiresençä üzeneñ ber östenlegenä äyländerä aldı. McCain üzen bar nämzätlär arasınnan da Kongressta iñ ozaq eşläp zur täcribä tuplağan, östäwenä äle Vietnam suğışında qatnaşıp Amerika öçen çın mäğnäsendä qan tüqqän layıqlı keşe itep kürsätte.
Yäş mäs'äläse anıñ öçen çınnan da şaqtıy çetrekle ber närsä - ägär dä prezident itep saylana qalsa, McCain bu urınğa kilgän iñ qart keşe bulaçaq.
Ämma ul üze moña ise kitmi, yarışnı şaqtıy aqrın ğına başlasa da, bügenge köndä ul respublikan saylawında 3 ştatta ciñde häm kiläçäkkä dä ömet belän qarıy:
McCain tarafdarı"Min ciñärgä häm üz partiämnän nämzät bularğa cıyınam", dip belderde McCain Floridadağı uñışınnan soñ.
Tağın ber atnadan, fivralnıñ 5-endä "Super Tuesday", yäğni "Olı sişämbe" saylawı uzaçaq. Anıñ olılığı şunda - demokrat wä respublikan partiäläre eçendä tawış birü beryulı 21 ştatta bulaçaq.
Häm anda inde McCainnı ikençe ber respublikan nämzät Robert Giuliani tarafdarları da yaqlar dip kötelä. New Yorknıñ elekke xakime başta bik köçle ber däğwaçı bulır dip sanalsa da, Floridada ul barı tik öçençe genä kilde.
Xäzer inde ul yarıştan çığa häm üzen yaqlawçılarnı tawışların McCaingä birügä öndi ala. 2001-nçe yılğı terror höcümnärennän soñ üzen bik osta oyıştıruçı bularaq kürsätkän Giuiliani McCainneñ dustı sanala.
Yarıştan çığuçı ber ul ğına bulmasqa mömkin, bu xaqta xäzer demokratlar arasınnan John Edwards ta uylana. Ul yaqtağı nämzätlär arasınnan alda senatorlar Hillary Clinton häm Barak Obama bara.
Çirattağı berençel saylaw - yäğni partiä eçendäge nämzätlär arasınnan layıqlısın bilgeläw - çärşämbedä Florida ştatında uzdı. Demokratlar oçrağında andağı näticälär ällä ni ähämiätle tügel, çönki alarnıñ Floridada qazanğan yaqlawı eçke qarşılıqlar säbäple partiäneñ cäy azağında bulaçaq qorıltayında isäpkä alınmayaçaq.
Ä menä respublikannar öçen Florida bik möhim ber urın ide häm annan töp qaharman bulıp nämzätlär arasındağı aqsaqal - 71 yäşlek John McCain çıqtı. Qayberäwlär anı näq menä olı yäştä buluı öçen tänqitläwgä qaramastan, ul monı kiresençä üzeneñ ber östenlegenä äyländerä aldı. McCain üzen bar nämzätlär arasınnan da Kongressta iñ ozaq eşläp zur täcribä tuplağan, östäwenä äle Vietnam suğışında qatnaşıp Amerika öçen çın mäğnäsendä qan tüqqän layıqlı keşe itep kürsätte.
Yäş mäs'äläse anıñ öçen çınnan da şaqtıy çetrekle ber närsä - ägär dä prezident itep saylana qalsa, McCain bu urınğa kilgän iñ qart keşe bulaçaq.
Ämma ul üze moña ise kitmi, yarışnı şaqtıy aqrın ğına başlasa da, bügenge köndä ul respublikan saylawında 3 ştatta ciñde häm kiläçäkkä dä ömet belän qarıy:
McCain tarafdarıTağın ber atnadan, fivralnıñ 5-endä "Super Tuesday", yäğni "Olı sişämbe" saylawı uzaçaq. Anıñ olılığı şunda - demokrat wä respublikan partiäläre eçendä tawış birü beryulı 21 ştatta bulaçaq.
Häm anda inde McCainnı ikençe ber respublikan nämzät Robert Giuliani tarafdarları da yaqlar dip kötelä. New Yorknıñ elekke xakime başta bik köçle ber däğwaçı bulır dip sanalsa da, Floridada ul barı tik öçençe genä kilde.
Xäzer inde ul yarıştan çığa häm üzen yaqlawçılarnı tawışların McCaingä birügä öndi ala. 2001-nçe yılğı terror höcümnärennän soñ üzen bik osta oyıştıruçı bularaq kürsätkän Giuiliani McCainneñ dustı sanala.
Yarıştan çığuçı ber ul ğına bulmasqa mömkin, bu xaqta xäzer demokratlar arasınnan John Edwards ta uylana. Ul yaqtağı nämzätlär arasınnan alda senatorlar Hillary Clinton häm Barak Obama bara.