Şuşı tawış birüneñ soñğı mizgelenä qädär prezident yarışında kemneñ ciñep çığaçağın hiç farazlap bulmadı - saylawnıñ berençe turında alda serb milätçese Nikoliç bardı, ikençe turğa inde Serbiädä Nikoliç ciñüeneñ il öçen nilär kiterä aluın yaxşıraq abaylıy başladılar häm Nikoliç belän Tadiç arasındağı yaqlaw bizmäne äkrenläp tigezläşte.
Çirattağı prezidentnıñ isemen anıñ ciñelgän köndäşe, bu oçraqta Tomislav Nikoliç üze äytte:
"Älegä sanalğan näticälärgä nigezlänep min 2 protsent ayırma belän Boris Tadiç ciñde dip uylıym, ägär dä inde bu näticä raslana ikän, min anı täbrikläw öçen şuşı mömkinlektän faydalanam", dide düşämbegä qarşı töndä Nikoliç.
Soñraq ciñüneñ bu yulı da yänä Tadiç yağında buluı tulısınça açıqlandı häm tantanalar inde Belgrad uramnarına da cäyelde.
Ser tügel - prezident öçen tawış birüne, bigräk tä anıñ ikençe turın Serbiädä küplär ilneñ Yewropa belän qaluı turındağı ber referendumğa tiñläde. Saylawda köräş açıqtan-açıq Nikoliçneñ il kiläçägen Rusiä belän, ä Tadiçneñ isä Yewropa belän bäyläwe arasında bardı. Häm üz ciñüen Boris Tadiç, Serbiädäge demokratik potensialnı kürsätüneñ ber bilgese bularaq bäyäläde:
"Min Serbiäneñ bar xalqın täbriklärgä telär idem, şuşı saylawda qatnaşıp alar Serbiädä nıq demokratiä buluın, Yewropa demokratiäse buluın kürsätte. Şulay itep bez Yewropa illärenä üzebezneñ Serbiädä nindi demokratik qüät barlığın kürsättek. Min ilebezneñ bar xalqı, bar Serbiä öçen alqışlar ütener idem", dide yañadan serb prezidentı itep saylanğan Boris Tadiç.
Serbiädäge köräşneñ näticäläre Yewropa öçen dä ber buşanu buldı. Millätçe Nikoliçneñ ciñü ixtimalı anda Balkan üzägendä yatqan Serbiäne Yewropa qırınnan alıp Rusiägä tağıp quyuğa tiñlängän ide. Soñğı aralarda Mäskäw çınnan da üzeneñ Balkan häm könyaq Yewropadağı täsiren bermä-ber arttırdı, bigräk tä energetika ölkäsendä.
Fivralneñ 7-senä qädär Belgrad Yewropa Berlege belän mönäsäbätlären bilgeli torğan waqıtlı, ämma ütä möhim kileşü imzalarğa tieş. Boris Tadiç asılda Serbiäneñ töbäktäge başqa illär kebek ük Yewropağa quşıluın teli, häm moña xätta Kosovonıñ bäysezlegen iğlan itüe dä kirtä bulmasqa tieş, dip sanıy.
Gärçä Tadiç tä, Nikoliç tä Kosovodağı albannarnıñ Serbiädän ayırılıp bäysez däwlät iğlan itüenä kisken qarşı çığa.
Çirattağı prezidentnıñ isemen anıñ ciñelgän köndäşe, bu oçraqta Tomislav Nikoliç üze äytte:
"Älegä sanalğan näticälärgä nigezlänep min 2 protsent ayırma belän Boris Tadiç ciñde dip uylıym, ägär dä inde bu näticä raslana ikän, min anı täbrikläw öçen şuşı mömkinlektän faydalanam", dide düşämbegä qarşı töndä Nikoliç.
Soñraq ciñüneñ bu yulı da yänä Tadiç yağında buluı tulısınça açıqlandı häm tantanalar inde Belgrad uramnarına da cäyelde.
Ser tügel - prezident öçen tawış birüne, bigräk tä anıñ ikençe turın Serbiädä küplär ilneñ Yewropa belän qaluı turındağı ber referendumğa tiñläde. Saylawda köräş açıqtan-açıq Nikoliçneñ il kiläçägen Rusiä belän, ä Tadiçneñ isä Yewropa belän bäyläwe arasında bardı. Häm üz ciñüen Boris Tadiç, Serbiädäge demokratik potensialnı kürsätüneñ ber bilgese bularaq bäyäläde:
"Min Serbiäneñ bar xalqın täbriklärgä telär idem, şuşı saylawda qatnaşıp alar Serbiädä nıq demokratiä buluın, Yewropa demokratiäse buluın kürsätte. Şulay itep bez Yewropa illärenä üzebezneñ Serbiädä nindi demokratik qüät barlığın kürsättek. Min ilebezneñ bar xalqı, bar Serbiä öçen alqışlar ütener idem", dide yañadan serb prezidentı itep saylanğan Boris Tadiç.
Serbiädäge köräşneñ näticäläre Yewropa öçen dä ber buşanu buldı. Millätçe Nikoliçneñ ciñü ixtimalı anda Balkan üzägendä yatqan Serbiäne Yewropa qırınnan alıp Rusiägä tağıp quyuğa tiñlängän ide. Soñğı aralarda Mäskäw çınnan da üzeneñ Balkan häm könyaq Yewropadağı täsiren bermä-ber arttırdı, bigräk tä energetika ölkäsendä.
Fivralneñ 7-senä qädär Belgrad Yewropa Berlege belän mönäsäbätlären bilgeli torğan waqıtlı, ämma ütä möhim kileşü imzalarğa tieş. Boris Tadiç asılda Serbiäneñ töbäktäge başqa illär kebek ük Yewropağa quşıluın teli, häm moña xätta Kosovonıñ bäysezlegen iğlan itüe dä kirtä bulmasqa tieş, dip sanıy.
Gärçä Tadiç tä, Nikoliç tä Kosovodağı albannarnıñ Serbiädän ayırılıp bäysez däwlät iğlan itüenä kisken qarşı çığa.