Bıltırğı fivral ayı istä Putinneñ Muenchendäge iminlek konferensiäsendä "salqın suğış" stilendä yasağan çığışı belän istä qalğan ide. Ul konferensiä bıyıl da bula, näq menä şuşı atna azağında açıla, ämma Putin inde anda bu yulı qatnaşmıy.
Tik şuña da qaramastan, anıñ bıltırğı tösle qırıs belderülär belän çığu teläge äle haman da betmägän bulıp çıqtı - Putin monı comğa könne Rusiäneñ Däwlät Şurasında yasağan çığışında kürsätte.
Soñğı yıllarda Rusiä Putin citäkçelegendä il eçendäge törle xösetleklärne beterep, häm totrıqlılıqqa ireşep, üzeneñ dönyadağı abruyın nığıttı - Vladimir Putinneñ televideniä aşa bar ilgä kürsätelgän çığışında töp fiker bulıp şul yata.
"Rusiä qüätle ber däwlät bulıp kire dönya mäydanına qayttı, bu däwlät belän xäzer isäpläşälär häm bu däwlät xäzer üzen yaqlıy alırlıq xäldä. Bez ilneñ täräqqiäte, xalıqnıñ häm ilneñ iqtisadı mänfäğätlären yaqlaw öçen eşli torğan citdi ber tışqısäyäsi maya tuplıy aldıq", dip isäpli Putin.
Xäzerge prezident 90-nçı yıllarda üze dä xakimiät dairälärendä buluğa qaramastan, anıñ şul çornı tänqitlärgä yaratuı ser tügel. Däwlät Şurasındağı çığışında Putin yänä şul temağa kerep çıqtı - çeçen suğışçılarınıñ Dağstanğa basıp kerüe, xätta Tatarstan iseme turıdan-turı äytelmäsä dä, qayber töbäklärneñ üzlären Rusiä belän berläşkän däwlät bularaq bilgeläwe telgä alındı. Monı Vladimir Putin "başqa sıymaslıq" ber misal dip atadı. Qayber töbäklärneñ watandaşı bulıp ta, Rusiä watandaşı bulmasqa mömkin ide, dip däwam itte Putin üzeneñ Tatarstan däwlätçelegenä çın mönäsäbäte nindi buluın açıqtan-açıq kürsätep.
Moña qädär räsmi Mäskäw bu ölkädäge qaraşların bolay kisken kürsätkäne yuq ide. Tatarstan citäkçelege öçen Putinneñ bu çığışı şaqtıy qarşılıqlı xislär uyatırlıq buldı.
Ämma Rusiäneñ urınınnan kitärgä cıyınğan prezidentı monıñ belän çiklänmäde, bıltır Muenchendäge ruxnı yañartıp yänä Könbatışnı kisken tänqitläp çıqtı.
Däwlät Şurası qarşındaPutinne bigräk tä NATOnıñ kiñäyüe, anıñ äkrenläp Rusiä çiklärenä yaqınayuı borçıy ikän. Mäskäwneñ NATOdan ni öçen, nindi säbäplär arqasında şulay qurquın bötenläy añlatıp tormıyça, Vladimir Putin "bez menä Kubada, Vietnamda üz xärbi nığıtmalarıbıznı yaptıq, ä alar Romaniä häm Bolğarstanda yañaların qorıp yatalar, Pol'şada häm Çexiädä raketa qalqanın tözilär" dip belderde.
Ämma berük waqıtta Putin, Rusiäneñ Kuba häm Vietnamdağı nığıtmaların Könbatış belän dus yäşäw maqsatında tügel, ä fäqät aqça citmäw säbäple genä yabuın äytep tormadı.
Çittän yanağan doşman belän, bu oçraqta Könbatış belän qurqıtunı üzeneñ yaratqan ber temasına äyländergän Putin fikerençä, Könbatış xäzer yaña aşqınıp qorallanu başlap cibärmäkçe. Rusiä moña üz qorallı köçlären zamançalaştıru belän cawap birergä tieş, dide Vladimir Putin Däwlät Şurasındağı çığışında.
Tik şuña da qaramastan, anıñ bıltırğı tösle qırıs belderülär belän çığu teläge äle haman da betmägän bulıp çıqtı - Putin monı comğa könne Rusiäneñ Däwlät Şurasında yasağan çığışında kürsätte.
Soñğı yıllarda Rusiä Putin citäkçelegendä il eçendäge törle xösetleklärne beterep, häm totrıqlılıqqa ireşep, üzeneñ dönyadağı abruyın nığıttı - Vladimir Putinneñ televideniä aşa bar ilgä kürsätelgän çığışında töp fiker bulıp şul yata.
"Rusiä qüätle ber däwlät bulıp kire dönya mäydanına qayttı, bu däwlät belän xäzer isäpläşälär häm bu däwlät xäzer üzen yaqlıy alırlıq xäldä. Bez ilneñ täräqqiäte, xalıqnıñ häm ilneñ iqtisadı mänfäğätlären yaqlaw öçen eşli torğan citdi ber tışqısäyäsi maya tuplıy aldıq", dip isäpli Putin.
Xäzerge prezident 90-nçı yıllarda üze dä xakimiät dairälärendä buluğa qaramastan, anıñ şul çornı tänqitlärgä yaratuı ser tügel. Däwlät Şurasındağı çığışında Putin yänä şul temağa kerep çıqtı - çeçen suğışçılarınıñ Dağstanğa basıp kerüe, xätta Tatarstan iseme turıdan-turı äytelmäsä dä, qayber töbäklärneñ üzlären Rusiä belän berläşkän däwlät bularaq bilgeläwe telgä alındı. Monı Vladimir Putin "başqa sıymaslıq" ber misal dip atadı. Qayber töbäklärneñ watandaşı bulıp ta, Rusiä watandaşı bulmasqa mömkin ide, dip däwam itte Putin üzeneñ Tatarstan däwlätçelegenä çın mönäsäbäte nindi buluın açıqtan-açıq kürsätep.
Moña qädär räsmi Mäskäw bu ölkädäge qaraşların bolay kisken kürsätkäne yuq ide. Tatarstan citäkçelege öçen Putinneñ bu çığışı şaqtıy qarşılıqlı xislär uyatırlıq buldı.
Ämma Rusiäneñ urınınnan kitärgä cıyınğan prezidentı monıñ belän çiklänmäde, bıltır Muenchendäge ruxnı yañartıp yänä Könbatışnı kisken tänqitläp çıqtı.
Ämma berük waqıtta Putin, Rusiäneñ Kuba häm Vietnamdağı nığıtmaların Könbatış belän dus yäşäw maqsatında tügel, ä fäqät aqça citmäw säbäple genä yabuın äytep tormadı.
Çittän yanağan doşman belän, bu oçraqta Könbatış belän qurqıtunı üzeneñ yaratqan ber temasına äyländergän Putin fikerençä, Könbatış xäzer yaña aşqınıp qorallanu başlap cibärmäkçe. Rusiä moña üz qorallı köçlären zamançalaştıru belän cawap birergä tieş, dide Vladimir Putin Däwlät Şurasındağı çığışında.