Törkiä prezidentı Abdullah Gül häm prezident xatını Hayrünnisa Gülne qarşı ala
Finlandia prezidentı çaqıruı belän Helsinkigä kilgän Törkiä prezidentı Abdullah Gül tatar cämägat äğzaları aldında yasagan çıgışında, "Bu ildäge tatarlar belän oçraşu mine bik dulqınlandırdı, Finlandia prezidentı Tarja Halonen da oçraşu waqıtında miña Finlandiadäge tatarlar turında maqtap söyläde", dip äytte.
Finlandia Tatar mäxälläse, prezident Gül häm anıñ xatını Hayrünnisa Gül belän prezident general sekretarı Mustafa İsän häm xatını xörmätenä aş mäclese oyıştırdı. 200 keşe qatnaşqan aş mäclesenä Törkiä qunaqları belän bergä mäxällä äğzaları da qatnaştı.
Finlandiä tatar mäxälläse räise Okan Daher çığışında, prezident Gülne qunaq itüdän bik şat buluların äytte.
Tatarlarnıñ Finlandiadäge eşçänlekläre häm tarixı turında söylägän Okan Daher, millätne häm göref-ğädätlärne saqlap qaluda bäysez häm demokratik bulgan Fin däwläteneñ dä zur yärdäme buluın äytte.
"Bez härwaqıtta - ekstremizmğa qarşı buldıq, yarlılıq, nadanlıq häm zur krizıslаrnı tınıç häm ğädel yullar belän çişärgä tiyeşbez" dip äytte. Okan Daher, dönya küläm nizaqlarnı çişüdä dinnär häm millätlär-ara diolognıñ kiräklelegenä dä basım yasadı.
Daherdan soñ proğramğa çaqırılğan qunaqlar aldında çığış yasağan Abdullah Gül: "Üzegezneñ millilegegezne saqlap qaluığız, Finlandiagä ayrım ber köç häm tös östi" dip äytte. Gül Finlandiagä yasağan elekke säfäre waqıtında da, Finlandiadäge möselman tatarlarnıñ üz telen, dinen häm mädäniäten saqlap qaluına şahit buluın telgä aldı.
Gül: “Bu yaqlarda bezneñ mädäniätkä yaqın millät äğzalarınıñ üzlären saqlap qaluın kürü bezne ğorurlandıra”, dide.
Prezident Gül, tatar cämäğätçelegeneñ Finlandia belän Törkiä arasında iqtisadi, mädäni häm turizm ölkäsendä küper wazífasın ütäwen häm ike aradağı mönäsäbätlärne köçländerüdä zur rol' uynawın äytte.
