Quşma Ştatlarnıñ däwlät sekretare häm saqlanu ministrı inde ikençe kön Mäskäwdä - Condoleezza Rice häm Robert Gates anda Rusiäneñ yuğarı citäkçeläre belän genä tügel, ildäge xakimiätkä oppozitsiädä torğan köçlärneñ wäkilläre belän dä oçraştı.
Quşma Ştatlarnıñ şuşı yuğarı wäkilläre soñğı yıllarda Mäskäwgä ikäwläşep kilü ğädäten kertep cibärde. Alarnı qabul itü yağı da oçraşuğa parlaşıp kilergä mäcbür şuña kürä - Rice häm Gatesnıñ Rusiä başqalasındağı töp oçraşuları Sergey Lavrov häm Anatoli Serdukov belän ütte.
Moñardan tış, ikäwläşep kilgän amerikan qunaqların Mäskäwdä bu yulı elekkege tösle ber tügel, ä beryulı ike prezident qabul itte. Başta alar yaña saylanğanın - Dmitri Medvedevne barıp kürde, soñraq Rusiäneñ xäzerge başlığı Vladimir Putin belän küreşte.
Ä inde sişämbe irtän Rice häm Gates Rusiädäge oppozitsiä wäkilläre öçen dä waqıt taptı - alar Yabloko partiäse citäkçese Grigori Yavlinski häm elekke Dumanıñ bäysez deputatı Vladimir Rıjkov belän irtänge çäygä oçraştı. Söyläşü barışında amerikan yağı öçen Rusiädäge xäzerge säyäsi wäzğiät, ğadi xalıqnıñ nindi uylar belän yäşäwe, Amerikağa nindi mönäsäbättä toruı turında mäğlümät alu mömkinlege buldı.
Oçraşudan soñ Grigori Yavlinski "uzğan 20 yıl eçendä Rusiä häm Quşma Ştatlar berektäş bulıp kitä almadı, Rice häm Gates belän oçraşuda min monıñ nigä şulay buluı säbäplären añlatırğa tırıştım", dip belderde häm "ser tügel, Rusiädä şaqtıy ğına xalıq äle haman da Quşma Ştatlarğa qurqu häm şik belän qarıy", dip tä östäde.
İğtibarnı şul cälep itte - Rice häm Gatesnıñ irtänge çäyenä Rusiä xakimiätenä bigräk tä ayawsız oppozitsiädä torğan ike kürenekle ähel - Mixail Kasyanov häm Garry Kasparov çaqırılmağan ide.
Şunnan soñ amerikan qunaqları Lavrov häm Serdukov belän oçraşuğa kitte, ul 6 säğätkä yaqın bardı. Söyläşülärdän soñ xäbärçelär qarşına çıqqan ministrlar alay da ällä ni zur qazanışlar belän maqtana almadı.
Sergey Lavrov açıqtan-açıq iñ möhim problemalarnıñ berse - Yewropada amerikan raketa qalqanın urnaştıru mäs'äläsendä kileşügä ireşelä almawın belderde, ämma ul berük waqıtta Rusiä yağına bu ölkädä möhim ber täqdim yasaluın iğlan itte.
Ä Quşma Ştatlarnıñ saqlanu ministrı Robert Gates ğomumän, Çexiä häm Polşada urnaştırılır dip planlaştırılğan raketa qalqanı mäs'äläse äle Bush prezident bulğan çorda uq, yäğni şuşı yıl azağına qädär xäl iteler digän ömettä toruın äytte.
Şulay itep Washington Yewropada raketalardan saqlanu sistemasın qorudan baş tartmıy, ämma ul berük waqıtta anıñ Rusiägä qarşı yünälderelmäwen qabatlıy. Robert Gates monı Mäskäwdä yänä ber belderde.
Mäskäwdäge parlı oçraşu şulay itep üzara kileşügä ireşü belän bulmasa da, kileşergä kiräk digän fikergä kilep tämamlandı.
Moñardan tış, ikäwläşep kilgän amerikan qunaqların Mäskäwdä bu yulı elekkege tösle ber tügel, ä beryulı ike prezident qabul itte. Başta alar yaña saylanğanın - Dmitri Medvedevne barıp kürde, soñraq Rusiäneñ xäzerge başlığı Vladimir Putin belän küreşte.
Ä inde sişämbe irtän Rice häm Gates Rusiädäge oppozitsiä wäkilläre öçen dä waqıt taptı - alar Yabloko partiäse citäkçese Grigori Yavlinski häm elekke Dumanıñ bäysez deputatı Vladimir Rıjkov belän irtänge çäygä oçraştı. Söyläşü barışında amerikan yağı öçen Rusiädäge xäzerge säyäsi wäzğiät, ğadi xalıqnıñ nindi uylar belän yäşäwe, Amerikağa nindi mönäsäbättä toruı turında mäğlümät alu mömkinlege buldı.
Oçraşudan soñ Grigori Yavlinski "uzğan 20 yıl eçendä Rusiä häm Quşma Ştatlar berektäş bulıp kitä almadı, Rice häm Gates belän oçraşuda min monıñ nigä şulay buluı säbäplären añlatırğa tırıştım", dip belderde häm "ser tügel, Rusiädä şaqtıy ğına xalıq äle haman da Quşma Ştatlarğa qurqu häm şik belän qarıy", dip tä östäde.
İğtibarnı şul cälep itte - Rice häm Gatesnıñ irtänge çäyenä Rusiä xakimiätenä bigräk tä ayawsız oppozitsiädä torğan ike kürenekle ähel - Mixail Kasyanov häm Garry Kasparov çaqırılmağan ide.
Şunnan soñ amerikan qunaqları Lavrov häm Serdukov belän oçraşuğa kitte, ul 6 säğätkä yaqın bardı. Söyläşülärdän soñ xäbärçelär qarşına çıqqan ministrlar alay da ällä ni zur qazanışlar belän maqtana almadı.
Sergey Lavrov açıqtan-açıq iñ möhim problemalarnıñ berse - Yewropada amerikan raketa qalqanın urnaştıru mäs'äläsendä kileşügä ireşelä almawın belderde, ämma ul berük waqıtta Rusiä yağına bu ölkädä möhim ber täqdim yasaluın iğlan itte.
Ä Quşma Ştatlarnıñ saqlanu ministrı Robert Gates ğomumän, Çexiä häm Polşada urnaştırılır dip planlaştırılğan raketa qalqanı mäs'äläse äle Bush prezident bulğan çorda uq, yäğni şuşı yıl azağına qädär xäl iteler digän ömettä toruın äytte.
Şulay itep Washington Yewropada raketalardan saqlanu sistemasın qorudan baş tartmıy, ämma ul berük waqıtta anıñ Rusiägä qarşı yünälderelmäwen qabatlıy. Robert Gates monı Mäskäwdä yänä ber belderde.
Mäskäwdäge parlı oçraşu şulay itep üzara kileşügä ireşü belän bulmasa da, kileşergä kiräk digän fikergä kilep tämamlandı.