Uzğan atnada ike räsemneñ distälägän million dollarğa satıluı – sänğat äsärläre belän finans dönyası arasındağı bäyläneşne açıp saldı. Tanılğan sänğat äsärenä iä bulu bügenge köndä neft çişmäse xucası buluğa tiñ.
New Yorkta räsem auksionında üzläreneñ kem ikänen äytergä telämägän keşelär ike räsem öçen $120 million tüläde. Äsärlärneñ iñ qıybatlısı – İrlandiädä tuğan rässam Francis Baconnıñ öç öleştän torğan räseme ide. Ul "Triptych 1976" dip atala, anda rässamnıñ eçke dönyasın sürätlägän abstrakt räsemnär yasalğan, äsär $86.2 million dollarğa satıldı. İkençe ber rässam Lucian Freudnıñ 1995 yılda yasağan grotesk formalarında bik taza itep sürätlängän xatın-qıznıñ divanda yoqlap yatuın kürsätkän räseme $34 millionğa satıldı.
"Bilgesez" satıp aluçılarnıñ iseme dä bilgele ikän. Londonda çığuçı Art basması xäbär itüençä bu äsärlärne Rusiä milliarderı Angliäneñ Chelsea futbol törkeme xucası Roman Abramoviç satıp alğan. Auksion uzğan Sotheby häm Christie gallereyaları monı raslamadı, ämma kire dä qaqmadı.
Bacon häm Freud räsemnäreneñ şundıy qıybatqa satıluın – soñğı yıllarda sänğatkä üzgärä barğan qaraş, dip bäyälilär. Moñarçı neft, gaz, futbol belän aqça eşlägän ere eşquarlar xäzer sänğattä dä aqça kürä başlağanmı?
Sotheby sänğat yortı başlığı urınbasarı Alex Brankzik, aqça biredä iñ möhim äyber tügel, di:
"Bu berençe çiratta sänğatkä mäxäbbät. Bu däräcädä sänğat äsärlären satıp aluçılar aña investisiä dip qarıy dip uylamıym. Älbättä ber kem dä satıp alğan äyberneñ oçsızlanuın telämider. Şuña kürä alar aldan tikşerä, beleşä, läkin axırğı çiktä bu kübräk investisiä tügel, bu kübräk xiskä bäyle," - dide sänğat belgeçe.
Ämma sänğat keşeläre arasında başqa törle uylawçılar da bar.
"Çınbarlıqta isä ayıq aqıllı investorlar aqçaların sänğatkä sala. Sänğat bazarınıñ awır iqtisadi çorlarda da bäyäsen yuğaltmaw tarixı bar. Aqçağıznı sez yaratqan berär sänğat äsärenä quya alasız. 10 yıldan ul äsärne satıp aqçağıznı arttıra alasız," - dide Pragada yäşäwçe rässam häm sänğat belgeçe Stewart Moore.
Moore soñğı bu xällärneñ ber naçar yağın da kürmi. Keşelär, di ul – oşağan sänğat äsären satıp alıp ber läzzät alsa, annarı waqıt uzğaç anı satudan kilgän tabışqa – tağın ber şatlana.
Elekke zamannarda sänğatneñ "ata-babaları" poplar, kardinallar, şaxzadälär häm bay keşelär bulğan. Rässamnarğa aqçanı alar tülägän, eşne alar quşqan.
Bügenge köndä isä sänğat äxelläre irekle, alar üzläre telägänçä icat itä. Sänğat äsärlären bolay qıybatqa satu ixtimalı – qayber icat keşelären bazarğa yaraqlaşuğa kitermäsme?
Pragada yäşäwçe rässam Moore – bu bik tä mömkin, iğtibarnı cälep itü öçen rässamnär monı eşli ala, dide.
Sänğatkä qadär yaxşı aqça eşlär ısulı – sport buldı, häm qala da. Bügenge köndä "Aq Bars" Rusiädä iñ bay xokkey komandaları isemlegenä kerä. Ufanıñ "Salawat Yulaev" belän Qazannıñ "Aq Bars" xokkeyçılarınıñ uyınnarın, ä iñ qızığı- uyınnar tiräsendäge xällärne fivral-mart ayında bez dä azatlıq dulqınnarında küzätep bardıq.
Şulay itep, sport yäki sänğat – ul berençe çiratta xislärme ällä aqçamı? Sez ni uylıysız? Sezdän kilgän xatlar belän bu söyläşüne däwam itep bulır...
"Bilgesez" satıp aluçılarnıñ iseme dä bilgele ikän. Londonda çığuçı Art basması xäbär itüençä bu äsärlärne Rusiä milliarderı Angliäneñ Chelsea futbol törkeme xucası Roman Abramoviç satıp alğan. Auksion uzğan Sotheby häm Christie gallereyaları monı raslamadı, ämma kire dä qaqmadı.
Bacon häm Freud räsemnäreneñ şundıy qıybatqa satıluın – soñğı yıllarda sänğatkä üzgärä barğan qaraş, dip bäyälilär. Moñarçı neft, gaz, futbol belän aqça eşlägän ere eşquarlar xäzer sänğattä dä aqça kürä başlağanmı?
Sotheby sänğat yortı başlığı urınbasarı Alex Brankzik, aqça biredä iñ möhim äyber tügel, di:
"Bu berençe çiratta sänğatkä mäxäbbät. Bu däräcädä sänğat äsärlären satıp aluçılar aña investisiä dip qarıy dip uylamıym. Älbättä ber kem dä satıp alğan äyberneñ oçsızlanuın telämider. Şuña kürä alar aldan tikşerä, beleşä, läkin axırğı çiktä bu kübräk investisiä tügel, bu kübräk xiskä bäyle," - dide sänğat belgeçe.
Ämma sänğat keşeläre arasında başqa törle uylawçılar da bar.
"Çınbarlıqta isä ayıq aqıllı investorlar aqçaların sänğatkä sala. Sänğat bazarınıñ awır iqtisadi çorlarda da bäyäsen yuğaltmaw tarixı bar. Aqçağıznı sez yaratqan berär sänğat äsärenä quya alasız. 10 yıldan ul äsärne satıp aqçağıznı arttıra alasız," - dide Pragada yäşäwçe rässam häm sänğat belgeçe Stewart Moore.
Moore soñğı bu xällärneñ ber naçar yağın da kürmi. Keşelär, di ul – oşağan sänğat äsären satıp alıp ber läzzät alsa, annarı waqıt uzğaç anı satudan kilgän tabışqa – tağın ber şatlana.
Elekke zamannarda sänğatneñ "ata-babaları" poplar, kardinallar, şaxzadälär häm bay keşelär bulğan. Rässamnarğa aqçanı alar tülägän, eşne alar quşqan.
Bügenge köndä isä sänğat äxelläre irekle, alar üzläre telägänçä icat itä. Sänğat äsärlären bolay qıybatqa satu ixtimalı – qayber icat keşelären bazarğa yaraqlaşuğa kitermäsme?
Pragada yäşäwçe rässam Moore – bu bik tä mömkin, iğtibarnı cälep itü öçen rässamnär monı eşli ala, dide.
Sänğatkä qadär yaxşı aqça eşlär ısulı – sport buldı, häm qala da. Bügenge köndä "Aq Bars" Rusiädä iñ bay xokkey komandaları isemlegenä kerä. Ufanıñ "Salawat Yulaev" belän Qazannıñ "Aq Bars" xokkeyçılarınıñ uyınnarın, ä iñ qızığı- uyınnar tiräsendäge xällärne fivral-mart ayında bez dä azatlıq dulqınnarında küzätep bardıq.
Şulay itep, sport yäki sänğat – ul berençe çiratta xislärme ällä aqçamı? Sez ni uylıysız? Sezdän kilgän xatlar belän bu söyläşüne däwam itep bulır...