Xalıqara yärminkädä Tatarstannan “Respublika Tatarstan” gazetı häm Alabuğa wäkillege qatnaştı.
Tatarstannıñ Zäy qalasınnan “Miras” cır häm biyü ansamble, Antalyada yäşlär festivale belän İstanbulda törki balalar cıyınında häm şulay uq Törkiyä Sabantuylarında qatnaşıp, tatar cır-moñnarın törek qardäşlärebezgä häm çit il qunaqlarına citkergän bulsa, törle dönya illären tanıtu maqsatınnan çığıp Ankara üzägendäge Yäşlär parkı yanında oyıştırılğan xalıqara yärminkädä isä Tatarstannan “Respublika Tatarstan” gazetı häm Alabuğa wäkillege qatnaştı. Yärminkägä kilüçelärne çäkçäk belän sıylawçı Tatarstan qunaqları törek xalqına tatar milli qul sänğäte ürnäklären täqdim itte.
“Respublika Tatarstan” gazetı xäbärçese Ğamirä Ğadelşina şuşı çaralarnı añlata:
“Menä ikençe yıl inde “Respublika Tatarstan” gazetınıñ proyektı nigezendä yäşlär belän törle xalıqara festivallärdä qatnaşabız. Dönya cämäğätçelege tanılğan cırçılarıbıznı ğına tügel, yäşlärne dä belsen diyep tatarlarnı dönyağa yäşlärebez aşa da tanıtabız. Bu qızığraq ta bulıp çığa. Bez menä mart ayında ğına “Miras” törkeme belän Almaniadan qayttıq. Törkiädä ike atna bez. Antalyada qaldılar, ä bäläkäy genä törkem Ankarağa qul sänğäte kürgäzmäsen alıp kilde. Alabuğadan da bik matur kürgäzmä monda bar. Menä bez quanıp-quanıp üzebezneñ respublikabız belän keşelärne tanıştırabız, küp-küp duslarıbız qala inde monda.
Bezneñ “Miras” törkeme İstanbul sabantuyına üzeneñ yaña programmasın alıp kilde. 15 bala bulıp 2 törkem räweşendä. Keräşen tatarları programmasın, yaña cırlarnı, yaña biyülärne täqdim ittelär.”
Yärminkägä kilüçelärneñ milli sänğät ürnäklären qaraw häm satıp alu belän ber rättän Tatarstannı tanıtuçı stendta wazifalı milli kiyemle tatar qızı belän istälekkä fotosürätkä töşüe - yärminkädä qatnaşuçı başqa il wäkilläreneñ iğtibarın da cälep itte. Ankara yärminkäsendä tatarlarnı häm Tatarstannı tanıtuda yärdäm itüçe Rüzilä Xäyretdinova belän söyläştek.
“Üzem min Tatarstannıñ Minzälä şähärennän bulam. Qazanda Tatar däwlät gumanitar pedagogik universitetınıñ muzıka fakultetında berençe kursta uqıym. “Miras” törkeme ul bik zur: barlığı 60 keşe. Barıbız da kilep citä almadıq monda. 15 keşe kildek. “Miras” ul bezneñ biyü häm cır ansamble, kübesençä tatar xalıq cırların başqara. Törkiä säfäre miña bik nıq oşadı.”
Törkiä başqalasında oyıştırılğan yärminkä törek cämäğätçelegendä häm çit il qunaqlarında tatar milli sänğäte, kitapları, cırları belän ber rättän tatlı rizığı çäkçäge häm, älbättä, çibär tatar qızları belän dä istä qalır, möğayen.
“Respublika Tatarstan” gazetı xäbärçese Ğamirä Ğadelşina şuşı çaralarnı añlata:
“Menä ikençe yıl inde “Respublika Tatarstan” gazetınıñ proyektı nigezendä yäşlär belän törle xalıqara festivallärdä qatnaşabız. Dönya cämäğätçelege tanılğan cırçılarıbıznı ğına tügel, yäşlärne dä belsen diyep tatarlarnı dönyağa yäşlärebez aşa da tanıtabız. Bu qızığraq ta bulıp çığa. Bez menä mart ayında ğına “Miras” törkeme belän Almaniadan qayttıq. Törkiädä ike atna bez. Antalyada qaldılar, ä bäläkäy genä törkem Ankarağa qul sänğäte kürgäzmäsen alıp kilde. Alabuğadan da bik matur kürgäzmä monda bar. Menä bez quanıp-quanıp üzebezneñ respublikabız belän keşelärne tanıştırabız, küp-küp duslarıbız qala inde monda.
Bezneñ “Miras” törkeme İstanbul sabantuyına üzeneñ yaña programmasın alıp kilde. 15 bala bulıp 2 törkem räweşendä. Keräşen tatarları programmasın, yaña cırlarnı, yaña biyülärne täqdim ittelär.”
Yärminkägä kilüçelärneñ milli sänğät ürnäklären qaraw häm satıp alu belän ber rättän Tatarstannı tanıtuçı stendta wazifalı milli kiyemle tatar qızı belän istälekkä fotosürätkä töşüe - yärminkädä qatnaşuçı başqa il wäkilläreneñ iğtibarın da cälep itte. Ankara yärminkäsendä tatarlarnı häm Tatarstannı tanıtuda yärdäm itüçe Rüzilä Xäyretdinova belän söyläştek.
“Üzem min Tatarstannıñ Minzälä şähärennän bulam. Qazanda Tatar däwlät gumanitar pedagogik universitetınıñ muzıka fakultetında berençe kursta uqıym. “Miras” törkeme ul bik zur: barlığı 60 keşe. Barıbız da kilep citä almadıq monda. 15 keşe kildek. “Miras” ul bezneñ biyü häm cır ansamble, kübesençä tatar xalıq cırların başqara. Törkiä säfäre miña bik nıq oşadı.”
Törkiä başqalasında oyıştırılğan yärminkä törek cämäğätçelegendä häm çit il qunaqlarında tatar milli sänğäte, kitapları, cırları belän ber rättän tatlı rizığı çäkçäge häm, älbättä, çibär tatar qızları belän dä istä qalır, möğayen.