Пермь башҡорттары үҙ баҫмаһын булдыра. Күрше төбәктә йәшәүсе милләттәштәребеҙ өсөн айырым газета сығарыла башланы. Әле уның тәүге ике һаны дөнъя күргән. Уның маҡсаты крайҙа йәшәгән 40 меңдән ашыу башҡорттоң мәҙәни һәм рухи тормошон яҡтыртыу.
Край башҡорттары Ҡоролтайы сентябрҙә Пермьдә шәжәрә байрамын уҙғарырға ниәтләй. Чернушка ҡалаһына үҙ нәҫел ағасын барлаған ғаиләләр саҡырыла.