Республика фәндәр академияһы ижтимағи-сәйәси һәм социаль-иҡтисади мәсьәләләр буйынса халыҡ фекерен белеште.
Йәмәғәтселек фекерен белешеү республиканың төрлө район-ҡалаларында үтте, анкета һорауҙарына 1 мең 243 кеше яуап бирҙе. Мәғлүмәттәрҙән күренеүенсә, донъялағы иҡтисади тотороҡһоҙлоҡ шарттарында ла республикалағы ижтимағи-сәйәси хәлде халыҡ ыңғай баһалай, кешеләрҙең Башҡортостан хөкүмәтенә ышаныстары ҙур.
Респонденттарҙың 66,3 проценты республика хөкүмәтенә ышанысы юғары булыуын белдергән. 15 проценттан ашыуы уртаса, 10 проценты түбән баһа биргән. Дәүләт Йыйылышы-Ҡоролтай эшмәкәрлегенә лә кешеләр юғары баһа биргән.
Ә бына Дәүләт думаһы депутаттарының халыҡ мәнфәғәттәрен хәстәрләүенә ышаныс бик түбән. 77 процент кешеләр шулай тип баһалаған. Төп сәбәптәре - һайлаусылар менән аралашмайҙар, үҙ эшмәкәрлектәре тураһында мәғлүмәттәр ҙә йәмәғәтселеккә еткерелмәй, Башҡортостан халҡы мәнфәғәттәрен йүнләп хәстәрләмәйҙәр.
Республика президентының милләте кем булырға тейеш тигән һорауға 92 проценттан ашыуы башҡорт, 68 процент – рус, 12-һе татар милләтенән булырға тейеш тип яуаплаған. Башҡалары башҡорт булһа яҡшыраҡ, башҡа милләттән дә булыуы мөмкин тип белдергән.
Респонденттарҙың 66,3 проценты республика хөкүмәтенә ышанысы юғары булыуын белдергән. 15 проценттан ашыуы уртаса, 10 проценты түбән баһа биргән. Дәүләт Йыйылышы-Ҡоролтай эшмәкәрлегенә лә кешеләр юғары баһа биргән.
Ә бына Дәүләт думаһы депутаттарының халыҡ мәнфәғәттәрен хәстәрләүенә ышаныс бик түбән. 77 процент кешеләр шулай тип баһалаған. Төп сәбәптәре - һайлаусылар менән аралашмайҙар, үҙ эшмәкәрлектәре тураһында мәғлүмәттәр ҙә йәмәғәтселеккә еткерелмәй, Башҡортостан халҡы мәнфәғәттәрен йүнләп хәстәрләмәйҙәр.
Республика президентының милләте кем булырға тейеш тигән һорауға 92 проценттан ашыуы башҡорт, 68 процент – рус, 12-һе татар милләтенән булырға тейеш тип яуаплаған. Башҡалары башҡорт булһа яҡшыраҡ, башҡа милләттән дә булыуы мөмкин тип белдергән.