Җомга көнне Татарстан президенты Рөстәм Миңнеханов Казанның яһүдләр җәмгыяте вәкилләре белән очраша. Президент белән очрашуда яһүдләр дүрт мәсьәлә кузгатырга ниятли.
Республикада барлыгы 10 меңгә якын яһүд яши. Яһүдләрнең федераль милли-мәдәни мохтарияте башлыгы Михаил Скоблионок сүзләренчә, алар Татарстанда рәхәт яши, әмма проблемнарсыз түгел. Президент белән очрашуда яһүдләргә кагылган дүрт мәсьәләне кузгатырга ниятлиләр. Яһүдләрнең үз зиратын булдыру, мәктәбен зурайту, синагоганы бюджет тарафыннан финанслау һәм Универсиада вакытында яһүд музыкасы фестивален үткәрү.