Шимбә 17 март көнне Мәскәүнең Пушкин мәйданында "Сәяси тоткыннарга – ирек!" дигән шигар белән каршылык чарасы үтте. Рәсми рөхсәт булмау сәбәпле, оештыручылар аны Дума депутаты Геннадий Гудков белән очрашу рәвешендә үткәрде. Моның өчен рөхсәт кирәк түгел.
Эчке эшләр министрлыгы хәбәр итүенчә, егермедән артык кеше чараны митинга әйләндерү тырышлыгында гаепләнеп полиция бүлегенә китерелгән.
Чарада 200дән артык кеше катнашкан. Алар эшкуар Алексей Козловны һәм башка сәяси тоткыннарны иреккә чыгарырга таләп иткән, НТВ каналында «Протест анатомиясе» фильмы күрсәтелү уңаеннан ризасызлык белдергән.
Азатлык радиосы бу чарадан туры трансляция тәкъдим итте.
Пушкин мәйданында НТВны теттеләр