Туфан Миңнуллин белән хушлашу

3 май көнне татар халкы мәшһүр драматург, Татарстанның халык язучысы, дәүләт шурасы депутаты Туфан Миңнуллинны соңгы юлга озатты. Хушлашу мөрәсиме Галиәскәр Камал исемендәге татар дәүләт академия театрында өч сәгатьтән артык барды. Мәрхүм белән хушлашуда гади халык белән бергә түрәләр дә катнашты. Туфан Миңнуллин Яңа бистә Татар зиратында җирләнде.