Microsoft ширкәтенең яңа технологиясе бер телдәге сөйләм телен аңлап, аны икенче телгә тәрҗемә итеп, сөйләм үзенчәлекләрен исәпкә алып яңгырата алачак.
Microsoft ширкәтенең яңа технологиясе бер телдәге сөйләм телен аңлап, аны икенче телгә тәрҗемә итеп, сөйләм үзенчәлекләрен исәпкә алып яңгырата алачак.
Microsoft ширкәтенең тикшеренүләр мөдире Рик Рәшид Кытайда узган Asia 21st Century Computing җыенында синхрон диярлек тәрҗемә технологиясен күрсәтте.
Рәшиднең инглиз телендә сөйләгәне башта текстка әйләндерелеп шундук зур экранда күрсәтелеп барды. Соңыннан инглиз телендәге бу текст турыдан-туры кытай теленә тәрҗемә ителә башлады. Ахырда Рәшиднең инглиз телендә сөйләгәне үз тавышы белән кытай телендә яңгырый башлагач, тамашага килгән студентлар һәм галимнәр аны алкышларга күмде.
“Без мөһим максатка ирештек – минем кебек инглиз телле кешегә үз тавышы белән кытай телендә презентация үткәрергә мөмкинлек туды”, - дипе Рик Рәшид.
http://www.youtube.com/embed/Nu-nlQqFCKg?rel=0
Белгечләр фикеренчә, бу технология туристлар арасында зур популярлык казаначак. Шулай да, бизнес өлкәсендә ул әле бик кулланылмас кебек, чөнки интонация һәм сөйләм үзенчәлекләре тулысынча искә алынмый.
Әлеге технология өстендә Microsoft галимнәре инде берничә ел эшли. Соңгы ике елда Торонто университеты белән берлектә алар нейрон челтәрләргә нигезләнеп технологияне шактый яхшырта алган. Ләкин ул әле дә камил түгел, һәр 7-8 сүздә хата ясый.
“Тәрҗемә нәтиҗәсе әлегә камил түгел, алда әле күп эш бар. Шулай да без берничә елдан телләр арасындагы чикләрне бетерә алачак технологиянең барлыкка килүенә өметләнәбез”, - диде Рәшид.
Әлеге технологиянең сатуга кайчан чыгачагы билгесез. Кеше сөйләмен тану юнәлешендә Apple, Google кебек башка ширкәтләр дә эшли, ләкин аларның системнары алдан тәрҗемә ителгән сүзләргә нигезләнгән. Microsoft исә кешенең үз тавышын башка телдә яңгыратырга җыена.
Әлеге технология зур мөмкинлекләр ача кебек. Аның ярдәмендә видеога шунда ук кирәкле субтитрлар куеп булачак. Бөтенләй белмәгән телдә “үз тавышың” белән аралашып булачак.
Програмның нинди телләрне аңлаячагы әлегә билгеле түгел. Башта ул мөгаен йөзәр миллион кеше сөйләшкән телләр өчен эшләнер. Бу очракта татар теленә әле озак көтәргә туры киләчәк. Google тәрҗемә хезмәтендә әлегә татар теле юк.
Татарстан Фәннәр академиясе каршындагы Гамәли семиотика институтында татар текстларын сөйләмгә әйләндереп яңгырату эшләре алып барыла. Әлегә бу систем аерым бер кеше сөйләменә яраклаштырылган.
Ихтимал, киләчәктә шушы эзләнүләр нәтиҗәсендә, Microsoft, Google кебек ширкәтләрнең технологияләре нигезендә татар-инглиз яисә татар-кытай тылмачлары да барлыкка килер.
Microsoft ширкәтенең тикшеренүләр мөдире Рик Рәшид Кытайда узган Asia 21st Century Computing җыенында синхрон диярлек тәрҗемә технологиясен күрсәтте.
Рәшиднең инглиз телендә сөйләгәне башта текстка әйләндерелеп шундук зур экранда күрсәтелеп барды. Соңыннан инглиз телендәге бу текст турыдан-туры кытай теленә тәрҗемә ителә башлады. Ахырда Рәшиднең инглиз телендә сөйләгәне үз тавышы белән кытай телендә яңгырый башлагач, тамашага килгән студентлар һәм галимнәр аны алкышларга күмде.
“Без мөһим максатка ирештек – минем кебек инглиз телле кешегә үз тавышы белән кытай телендә презентация үткәрергә мөмкинлек туды”, - дипе Рик Рәшид.
http://www.youtube.com/embed/Nu-nlQqFCKg?rel=0
Белгечләр фикеренчә, бу технология туристлар арасында зур популярлык казаначак. Шулай да, бизнес өлкәсендә ул әле бик кулланылмас кебек, чөнки интонация һәм сөйләм үзенчәлекләре тулысынча искә алынмый.
Әлеге технология өстендә Microsoft галимнәре инде берничә ел эшли. Соңгы ике елда Торонто университеты белән берлектә алар нейрон челтәрләргә нигезләнеп технологияне шактый яхшырта алган. Ләкин ул әле дә камил түгел, һәр 7-8 сүздә хата ясый.
“Тәрҗемә нәтиҗәсе әлегә камил түгел, алда әле күп эш бар. Шулай да без берничә елдан телләр арасындагы чикләрне бетерә алачак технологиянең барлыкка килүенә өметләнәбез”, - диде Рәшид.
Әлеге технологиянең сатуга кайчан чыгачагы билгесез. Кеше сөйләмен тану юнәлешендә Apple, Google кебек башка ширкәтләр дә эшли, ләкин аларның системнары алдан тәрҗемә ителгән сүзләргә нигезләнгән. Microsoft исә кешенең үз тавышын башка телдә яңгыратырга җыена.
Әлеге технология зур мөмкинлекләр ача кебек. Аның ярдәмендә видеога шунда ук кирәкле субтитрлар куеп булачак. Бөтенләй белмәгән телдә “үз тавышың” белән аралашып булачак.
Програмның нинди телләрне аңлаячагы әлегә билгеле түгел. Башта ул мөгаен йөзәр миллион кеше сөйләшкән телләр өчен эшләнер. Бу очракта татар теленә әле озак көтәргә туры киләчәк. Google тәрҗемә хезмәтендә әлегә татар теле юк.
Татарстан Фәннәр академиясе каршындагы Гамәли семиотика институтында татар текстларын сөйләмгә әйләндереп яңгырату эшләре алып барыла. Әлегә бу систем аерым бер кеше сөйләменә яраклаштырылган.
Ихтимал, киләчәктә шушы эзләнүләр нәтиҗәсендә, Microsoft, Google кебек ширкәтләрнең технологияләре нигезендә татар-инглиз яисә татар-кытай тылмачлары да барлыкка килер.