Быел 24нче тапкыр оештырылган Татар яшьләре көннәренең рәсми ачылышы 26 августта Татарстан халыклар дуслыгы йортында үтте. Төп чаралар исә "Идел" яшьләр үзәгендә уза.
Беренчесе 1990 елда үткән Татар яшьләре көннәренең быелгысында да Русия төбәкләре һәм ерак һәм якын көнчыгыш илләрендә яшәүче татар яшьләрен үзара берләштерү төп максат булып тора. Шулай ук чит төбәкләрдәге татар яшьләре оешмалары арасында эшлекле һәм мәдәни элемтәләрне ныгыту, яшьләр сәясәте, фән, мәдәният, мәгариф өлкәсендә булган проблемнарны чишү дә беренчел бурыч санала.
Татар яшьләре көннәренең рәсми ачылышына катнашкан Русия дәүләт думасы депутаты Илдар Гыйлметдинов мондый мәйданчыкның бик зарур икәнлеген билгеләп үтте.
"Әлеге форумнар тагын да күбрәк булсын иде. Чөнки безнең читтә яшәгән татар яшьләре берләшүгә мохтаҗ. Без татар яшьләрен монда күбрәк җыярга тиеш. Сезгә анда татар халкының гореф-гадәтләрен саклау, аларны киң җәелдерү бик авыр. Кызганыч, елдан-ел татар яшьләрендә туган телне белү кими бара. Шуңа күрә без читтән килгән татар яшьләренә таянабыз. Сез үз төбәкләрегезгә кайткач шушындагы татар рухын җиткереп, үз яшьтәшләрегез һәм хәтта өлкәнрәкләр арасында да татар телен һәм гореф-гадәтләрен саклау юнәлешендә эшне тагын да киңрәк җәелдерерсез дигән фикердә торабыз", дип ул татар яшьләренә мөрәҗәгать итте.
Рәсми ачылыш татар җыр-биюләре белән үрелеп барды. Кичен исә "Идел" яшьләр үзәгендә "Моңлы сандугач" һәм "Танцпол йолдызы" бәйгеләре уздырылды.
Русиянең 35тән артык төбәгеннән һәм берничә чит илдән килгән 160тан артык татар яшьләре 27 августта төрле мастер-классларга катнашты, "Милли гореф-гадәтләрне яңарту", "Татар мәдәнияте үсешендә төп тенденцияләр" темаларына сөйләшүләр уздырды.
Сишәмбедә шулай ук Камал театры артистлары белән очрашу, спорт чаралары, кичен "Татар егете" һәм "Татар кызы" бәйгеләрен оештыру каралган.
Татар яшьләре көннәренең рәсми ачылышына катнашкан Русия дәүләт думасы депутаты Илдар Гыйлметдинов мондый мәйданчыкның бик зарур икәнлеген билгеләп үтте.
"Әлеге форумнар тагын да күбрәк булсын иде. Чөнки безнең читтә яшәгән татар яшьләре берләшүгә мохтаҗ. Без татар яшьләрен монда күбрәк җыярга тиеш. Сезгә анда татар халкының гореф-гадәтләрен саклау, аларны киң җәелдерү бик авыр. Кызганыч, елдан-ел татар яшьләрендә туган телне белү кими бара. Шуңа күрә без читтән килгән татар яшьләренә таянабыз. Сез үз төбәкләрегезгә кайткач шушындагы татар рухын җиткереп, үз яшьтәшләрегез һәм хәтта өлкәнрәкләр арасында да татар телен һәм гореф-гадәтләрен саклау юнәлешендә эшне тагын да киңрәк җәелдерерсез дигән фикердә торабыз", дип ул татар яшьләренә мөрәҗәгать итте.
Рәсми ачылыш татар җыр-биюләре белән үрелеп барды. Кичен исә "Идел" яшьләр үзәгендә "Моңлы сандугач" һәм "Танцпол йолдызы" бәйгеләре уздырылды.
Русиянең 35тән артык төбәгеннән һәм берничә чит илдән килгән 160тан артык татар яшьләре 27 августта төрле мастер-классларга катнашты, "Милли гореф-гадәтләрне яңарту", "Татар мәдәнияте үсешендә төп тенденцияләр" темаларына сөйләшүләр уздырды.
Сишәмбедә шулай ук Камал театры артистлары белән очрашу, спорт чаралары, кичен "Татар егете" һәм "Татар кызы" бәйгеләрен оештыру каралган.
Казанда Татар яшьләре көннәре башланды