Кырымтатарлар Европа хокукый киңлекләренә керергә теләүче Украинага өметләнә

Кырымда төрле тарафлар белән очрашуларда булып кайткан Татарстан вәкилләре Казанда матбугат очрашуы үткәрде. Татарстан Югары шурасының Мәгариф, мәдәният, милли мәсьәләләр комитеты рәисе Разил Вәлиев кырымтатарларның нигә Украинада калырга теләвен аңлатты. Аның әйтүенчә, кырымтатарлар Русиядә түгел, ә Европа хокукый киңлекләренә керергә теләүче Украинада үз хокукларының сакланачагын әйткән.