Путин: Кырымда урыс, украин һәм кырымтатар телләре тигез хокуклы дәүләт телләре булачак

Русия президенты Владимир Путин Мәскәүдә Кырымны Русиягә кушу килешүен имзалар алдыннан Фереаль җыенда чыгыш ясап Кырымда яшәүче барлык халыкларның хокукларын хөрмәтләргә вәгъдә итте. “Без Кырымда яшәүче барлык халыкларга хөрмәт белән карыйбыз. Ул аларның уртак йорты, аларның кече ватаны. Әгәр дә Кырымда өч тигез хокуклы дәүләт теле – урыс, украин һәм кырымтатар теле булса дөрес булыр һәм кырымнар моны хуплый дип уйлыйм”, диде Русия президенты.