Чубаров: "18 майда халык барыбер җыелачак"
Your browser doesn’t support HTML5
Кырымтатар мәҗлесе рәисе Рифат Чубаров Кырым башлыгы Сергей Аксеновның сөргеннең 70 еллыгы алдыннан Кырымда массакүләм чараларны тыючы фәрманын канунсыз дип атады һәм Русия прокуратурасын аны тикшерергә чакырды. Кырымтатарларның 23 ел буена 18 май матәм җыенын үткәрүдә проблемнары булмады, алар аны быел да үткәрергә җыена, сөрген корбаннарын искә алырга теләгән халыкны туктатып булмый, диде ул җомга кич үткән матбугат очрашуында. Чубаров сүзләренчә, Мәҗлес матәм җыены турында карарын шимбә көнне кабул итәчәк.