Уфада "Төркиләр алтыны" форумы Мәскәү сәясәтен хуплауга кайтып калды

Уфада "Росмолодежь" исемле хакимият оешмасы уздырган "Төркиләр алтыны" исемле форум Төркияне гаепләүгә, төрки халыкларны Мәскәү тирәсендә берләшергә һәм президент Путин сәясәтен хупларга чакыруга кайтып калды. Татарларны һәм башкортларны Урта Азия төрки дәүләтләре, Азәрбайҗан белән бәйләп торган Төрексой оешмасы белән бәйләнешләрне өзәргә кушкан хакимият бу бәйләнешләрне ныгыту өчен зур көч куюы турында сөйләде. Азатлык Казандагы кайбер төрки яшьләрнең бу форумда катнаштырылмавы турында язган иде.