Рамазан чатырында гламур рухта мөслимәләр ифтары үтте
Your browser doesn’t support HTML5
2 июль көнне "Туган авылым" рестораннар һәм күңел ачу үзәгендә урнашкан Рамазан чатырында хәйриячеләр ярдәмендә Казандагы билгеле хатын-кызлар, зур түрәләрнең хатыннары, балалары, җәмәгать эшлекләре, күп балалы аналар өчен мөслимәләр ифтары үтте. Быел анда 300дән артык кеше катнашты. Анда Рамазан аеның мәгънәсе хакында сөйләшүдән тыш, хатын-кызларга бәйле чәчәк бизнеслары, рестораннар, балаларны рухи яктан үстерү хезмәтләре, мөселман дизайнерларының рекламасы да булды. Кеше көтәлгәннән дә күп килде, башта бер өлеше тамашаны басып карап торды.