Башкортстанда юкә балының бәясе 50 процентка артырга мөмкин
Your browser doesn’t support HTML5
Башкортстанда юкә балының бәясе 50 процентка хәтле артырга мөмкин. Умартачылар моны кайбер районнарда агачларның кортлавы һәм шул сәбәпле юкәнең бал бирмәве белән аңлата. Корткычлар юкәнең яфракларын ашап бетергән. Умартачылар соңгы тапкыр мондый хәлнең 1975 елгы корылык чорында булганлыгын әйтә. Хәзер алар умарталарын башка урыннарга күчерү белән мәшгуль. Әлегә сатуда чәчкә балы гына күренә һәм аның бәясе былтыргыдан бик аерылмый.