Грузия парламенты рәисе Ираклий Кобахидзе вазифасыннан китә. Бу хакта "Грузия хыялы – Демократик Грузия" фиркасенең сәркатибе, Тбилиси мэры Каха Каладзе игълан итте. Ул шулай ук митингтагы тәртипсезлекләрдә "җавапсыз, деструктив көчләр"не гаепләде һәм аларның канун һәм җәмгыять алдында җавап бирергә тиешлеген белдерде.
Кобахидзеның эштән китүе – 20 июнь Тбилисида узган зур күләмле протест чарасының бер таләбе иде. Урам җыенында шулай ук Грузия Эчке эшләр министры һәм Иминлек хезмәте җитәкчесенең эштән китүе таләп ителде.
To paraphrase Apocalype Now, I love the smell of Tear Gas in the morning.Well, actually, I don%27t. Horrid stuff... @Tbilisi pic.twitter.com/QpVNGn9b80
— Onnik J. Krikorian (@onewmphoto) June 21, 2019
Грузия башкаласында протест чаралары башлануга төп сәбәп итеп Русия думасы депутаты Сергей Гавриловның Грузия парламентында спикер кәнәфиендә утырып урыс телендә чыгыш ясавы атала. Урам чарасында катнашучыларның бер өлеше Грузия парламенты бинасына бәреп керде, аларны аннан полиция кысрыклап чыгарды. Полиция парламент каршында җыелган меңнәрчә кешене махсус чаралар кулланып таратты.
Грузия парламенты янында Русия депутаты аркасында чыккан бәрелешләр
21 июньгә каршы төндә бер төркем протестчы Грузиянең хакимияттәге "Грузия хыялы – Демократик Грузия" фиркасенең штаб-фатирын җимергән. Демонстрантлар фирка туграсы төшкән байракларны яндырган, дип хәбәр итә Грузиянең Беренче каналы.