Qorban bäyräme yaqınlaşu belän törek tabibları ilneñ könçığışında çıqqan qoş kizüe qorban çalu öçen satılğan terlek belän zur şähärlärdä tarala ala, dip kisätä.
Törkiädäge sälämätlek saqlaw xezmätläre, ilneñ könçığış wilayätendä ülgän ike balada qoş kizüeneñ H5N1 virusı buluı açıqlanğannan soñ, şul zäxmätneñ başqa töbäklärgä taraluına çik quyarğa tırışa. Anda kimendä tağın ike balada şul ülemle virus barlığı açıqlanğan dip xäbär itelä. İran çige yanındağı Van şähäre xastaxanäsendä yatqan 5 yäşlek balada şul virus buluın Britaniädäge testlar raslağan, ikençesendägesen isä älegä Törkiäneñ üzendä açıqlağannar.
Britaniädäge şul uq laboratoriä elegräk, Van şähärendä bu atnada ülgän 14 yäşlek malayda häm anıñ 15 yäşlek apasında da H5N1 virusı tabuın xäbär itkän ide. Comğa könne märxümnärneñ 11 yäşlek señlese dä wafat buldı, anıñ testları äle haman da tikşerelä. Dönya sälämätlek saqlaw oyışması xäzer şuşı ülemle virusnıñ keşedän keşegä küçä aluın açıqlarğa tırışa.
Törkiäneñ könçığışında isä älegä qoş-qortnı yuq itü eşläre däwam itä. Premyer-ministr Räcäp Erdoğan xalıqnı, üzendäge yort qoşların yäşermäskä öndäp çıqtı. Xökümät yuq itelgän qoş-qort öçen aqçalata qaplaw wäğdä itä, häm zäxmätneñ taraluına qarşı tieşle kirtälär quyuın belderä. Törkiäneñ moxit wä urman ministrlığı bar il buylap kiek qoşlarğa awnı tıydı häm awçılarnı andıy qoşlarğa bötenläy qağılmasqa öndäde.
İstanbulda cirle tabiblar xalıqnı, qoş kizüe ilneñ şuşı iñ ere şähärenä qorban ğayetenä kiterelgän mal-tuar belän kilä ala, dip kisätä. Zäxmätneñ älegä mögezle terlek aşa küçüe raslanmasa da, virusnıñ töreklär qorbanğa küpläp çalğan bärän yä käcä yonında küçüe ixtimal, dip kisätä sälämätlek saqlaw xezmätläre. İstanbuldağı doktorlar berläşmäse räise Gencay Gürsoy bolay di:
"Bu qotılğısız. Könçığış wä könyaq-könçığış ölkälärdä terlekneñ qoş-qort belän aralaşuı ğädäti küreneş, anda xätta yort qoşları da keşelär belän öydä yäşi. Zäxmät qağılğan qoş-qort kisäkläre xäywannarnıñ tirese häm yonında küçä ala", dip kisätä İstanbul tabibı.
Törkiäneñ könçığışında qoş kizüe çığu säbäple Rusiäneñ baş epidemiologı Gennadi Oniçenko üz watandaşların älegä ul ilgä barmasqa öndäde. Rusiä keşeläre bigräk tä Törkiäneñ İran häm Ärmänstan çige ölkäsen çitlätep uzarğa tieş, di Oniçenko. Yäkşämbedä ul Rusiäneñ çik saqlaw xezmätläre öçen zäxmät açıqlanğan töbäklärdän kilüçe keşelärne tikşerü ämeren imzaladı.
Sälämätlek saqlaw ölkäsendäge tieşle kisätü çaraları xac başlanğan Söğüd Ğäräbstanında da kürelä. Mäkkädä xäzer 2 millionnan artıq keşe cıyıldı, ber urında şul xätle xalıqnıñ buluı häm alarnıñ berniçä könnän soñ bar dönya buylap kire üz illärenä taraluı zäxmätneñ dä taraluı öçen uñay şartlar tudıra ala.
Kärim Kamal
Britaniädäge şul uq laboratoriä elegräk, Van şähärendä bu atnada ülgän 14 yäşlek malayda häm anıñ 15 yäşlek apasında da H5N1 virusı tabuın xäbär itkän ide. Comğa könne märxümnärneñ 11 yäşlek señlese dä wafat buldı, anıñ testları äle haman da tikşerelä. Dönya sälämätlek saqlaw oyışması xäzer şuşı ülemle virusnıñ keşedän keşegä küçä aluın açıqlarğa tırışa.
Törkiäneñ könçığışında isä älegä qoş-qortnı yuq itü eşläre däwam itä. Premyer-ministr Räcäp Erdoğan xalıqnı, üzendäge yort qoşların yäşermäskä öndäp çıqtı. Xökümät yuq itelgän qoş-qort öçen aqçalata qaplaw wäğdä itä, häm zäxmätneñ taraluına qarşı tieşle kirtälär quyuın belderä. Törkiäneñ moxit wä urman ministrlığı bar il buylap kiek qoşlarğa awnı tıydı häm awçılarnı andıy qoşlarğa bötenläy qağılmasqa öndäde.
İstanbulda cirle tabiblar xalıqnı, qoş kizüe ilneñ şuşı iñ ere şähärenä qorban ğayetenä kiterelgän mal-tuar belän kilä ala, dip kisätä. Zäxmätneñ älegä mögezle terlek aşa küçüe raslanmasa da, virusnıñ töreklär qorbanğa küpläp çalğan bärän yä käcä yonında küçüe ixtimal, dip kisätä sälämätlek saqlaw xezmätläre. İstanbuldağı doktorlar berläşmäse räise Gencay Gürsoy bolay di:
"Bu qotılğısız. Könçığış wä könyaq-könçığış ölkälärdä terlekneñ qoş-qort belän aralaşuı ğädäti küreneş, anda xätta yort qoşları da keşelär belän öydä yäşi. Zäxmät qağılğan qoş-qort kisäkläre xäywannarnıñ tirese häm yonında küçä ala", dip kisätä İstanbul tabibı.
Törkiäneñ könçığışında qoş kizüe çığu säbäple Rusiäneñ baş epidemiologı Gennadi Oniçenko üz watandaşların älegä ul ilgä barmasqa öndäde. Rusiä keşeläre bigräk tä Törkiäneñ İran häm Ärmänstan çige ölkäsen çitlätep uzarğa tieş, di Oniçenko. Yäkşämbedä ul Rusiäneñ çik saqlaw xezmätläre öçen zäxmät açıqlanğan töbäklärdän kilüçe keşelärne tikşerü ämeren imzaladı.
Sälämätlek saqlaw ölkäsendäge tieşle kisätü çaraları xac başlanğan Söğüd Ğäräbstanında da kürelä. Mäkkädä xäzer 2 millionnan artıq keşe cıyıldı, ber urında şul xätle xalıqnıñ buluı häm alarnıñ berniçä könnän soñ bar dönya buylap kire üz illärenä taraluı zäxmätneñ dä taraluı öçen uñay şartlar tudıra ala.
Kärim Kamal