Uzğan töndä Quşma Ştatlarnıñ könbatış yarında, Los Angeles şähärendä muzıkal'' dönyada kiñ tanılğan Grammy büläklären tapşıru tantanası uzdı, xörmätle tıñlawçılar. Bezneñ çirattağı xäbärebez şul xaqta. Tantananı mäğlüm törkem U2 kiçäse dip atarğa mömkin ide, alar barlığı 5 Grammy qazandı, moñardan tış säxnädä Mariah Carey, Kelly Clarkson da kürende.
Grammy kiçäsen Madonna başlap cibärsä dä, ozaq ta ütmäde ul U2 törkeme tantanasına äylände diärgä bula. Şuşı legendar törkem Grammy büläklärenä biş ayırım ölkädä täqdim itelgän ide, häm ul alarnıñ bar bişen dä yawladı - yılnıñ iñ yaxşı albomı, iñ yaxşı cırı, iñ yaxşı rock albomı dip näq menä U2-nıqı iğlan itelde. "How to dismantle atomic bomb" - "Niçek itep atom bombasın sütärgä" dip atala törkemneñ ciñü qazanğan albomı. Ä anda inde ciñüçe cır da bar, anıñ iseme "Qaywaqıt sin härnärsäne dä üzeñ genä eşli almıysıñ" dip atala.
İkençe ber mäğlüm cırçı Mariah Carey barlığı sigez nominatsiädä täqdim itelsä dä, U2-ne uza almadı, aña "barı tik" 3 Grammy genä eläkte. Läkin ul monısına da bik şat buldı, çönki soñğı Grammyen ul äle 16 yıl elek alğan ide. Kiçädä Carey "We belong together" - "Bez ber-berebezneke" digän cırın başqardı.
Carey iñ yaxşı xatın-qız başqaruçığa täqdim itelgän ide, läkin anı bu ölkädä "Sin kitkännän birle" digän cırı belän ikençe ber başqaruçı - mäğlüm "Superstar" tamaşasında ciñep tanılğan Kelly Clarkson uzıp kitte.
Clarkson bu kiçädä ğomumän ike büläkkä layıq buldı häm üz xislären ber dä yäşermäde - şatlıq yäşlären bar dönyağa kürsätte.
Mäğlüm ki, Grammy büläge keçkenä genä altın grammofonnı xäterlätä. İñ yaxşı rap albomı öçen ul Kanye Westkä birelde.
Green Day törkemeneñ "Çälpärämä kilgän xiallar boulevardı" cırı isä yılnıñ iñ şäp yazması dip tabıldı.
Grammy kiçäsendä yaña yözlär dä kürende, şularnıñ berse John Legend ide. Aña da öç altın grammofon eläkte, "Ordinary people" - "Ğadi keşelär" digän cırı belän ul iñ yaxşı yaña başqaruçı, iñ şäp R&B albomı häm irlär arasında iñ yaxşı R&B başqaruçı dip tabıldı.
Los Angelesta uzğan Grammy tantanasında ciñüçelär genä tügel, başqa cırçılar da çığış yasadı. Alar arasında danlıqlı Paul McCartney, Linkin Park törkeme häm rapper Jay Z tä bar ide. Häm alar barısı bergä Beatles-nıñ "Yesterday" cırın başqardı. Häm monı inde 48-nçe märtäbä uzğan Grammy kiçäseneñ iñ yaxşı çığışı dip atarğa mömkin bulır ide.
Kärim Kamal
İkençe ber mäğlüm cırçı Mariah Carey barlığı sigez nominatsiädä täqdim itelsä dä, U2-ne uza almadı, aña "barı tik" 3 Grammy genä eläkte. Läkin ul monısına da bik şat buldı, çönki soñğı Grammyen ul äle 16 yıl elek alğan ide. Kiçädä Carey "We belong together" - "Bez ber-berebezneke" digän cırın başqardı.
Carey iñ yaxşı xatın-qız başqaruçığa täqdim itelgän ide, läkin anı bu ölkädä "Sin kitkännän birle" digän cırı belän ikençe ber başqaruçı - mäğlüm "Superstar" tamaşasında ciñep tanılğan Kelly Clarkson uzıp kitte.
Clarkson bu kiçädä ğomumän ike büläkkä layıq buldı häm üz xislären ber dä yäşermäde - şatlıq yäşlären bar dönyağa kürsätte.
Mäğlüm ki, Grammy büläge keçkenä genä altın grammofonnı xäterlätä. İñ yaxşı rap albomı öçen ul Kanye Westkä birelde.
Green Day törkemeneñ "Çälpärämä kilgän xiallar boulevardı" cırı isä yılnıñ iñ şäp yazması dip tabıldı.
Grammy kiçäsendä yaña yözlär dä kürende, şularnıñ berse John Legend ide. Aña da öç altın grammofon eläkte, "Ordinary people" - "Ğadi keşelär" digän cırı belän ul iñ yaxşı yaña başqaruçı, iñ şäp R&B albomı häm irlär arasında iñ yaxşı R&B başqaruçı dip tabıldı.
Los Angelesta uzğan Grammy tantanasında ciñüçelär genä tügel, başqa cırçılar da çığış yasadı. Alar arasında danlıqlı Paul McCartney, Linkin Park törkeme häm rapper Jay Z tä bar ide. Häm alar barısı bergä Beatles-nıñ "Yesterday" cırın başqardı. Häm monı inde 48-nçe märtäbä uzğan Grammy kiçäseneñ iñ yaxşı çığışı dip atarğa mömkin bulır ide.
Kärim Kamal