Haag törmäsendä ülgän Slobodan Miloşeviçneñ ulı Marko sişämbedä ätiseneñ cäsadın alu öçen Hollandağa kilde. Ämma ul anı qaya alıp kitär, bu haman da açıqlana almadı. Mömkin cirläw urınnarı xaqında kön däwamında törle qarşılıqlı xäbärlär kilep tordı. Bu uñaydan Mäskäw, Belgrad, Miloşeviçneñ tuğan şähäre Pozarevac, äti-änise çıqqan awıl ataldı. Şuşı ixtimal urınnarnıñ härberse qatlawlı säyäsi problemalarğa bäyle.
Slobodan Miloşeviç isän çaqta da härtörle qarşılıqlar çığanağı bulğan kebek, ülgäç tä cämäğätçelektä bäxäslär çığaruın däwam itä. Xäzer inde anı qayda kümü mäs''äläse dä qatlawlı säyäsi problemalarğa säbäp buldı. Bar da ber närsägä barıp totaşa - Miloşeviçne dürt suğış başlağan, millionlağan keşene cäfa çiktergän, üz ilen iqtisadi hälakätkä kitergän "Balkan itçese" itep küräsezme, ällä inde anı millät doşmannarına qarşı torğan qaharman dip sanıysızmı. Slobodan Miloşeviçneñ Sotsialistlar partiäse anı Serbiädä däwlät däräcäsendä cirläwne taläp itä. Ämma Serbiäneñ demokratik partiädän saylanğan prezidentı Boris Tadiç, bu xaqta süz dä bula almıy, dip belderä.
Radiobızda eşläwçe Balkan belgeçe Patrick Moor, Miloşeviçne qayda cirläw ixtimalların bolay kürä:
"Asılda bez dürt mömkinlek turında süz yörtä alabız. Şularnıñ berençese Miloşeviçne elekke däwlät başlığı bularaq Belgradta kümü. İkençe mömkinlek - anı Pozarevacta cirläw, Serbiädäge şul şähär Miloşeviçneñ häm anıñ xatınınıñ tuğan cire, anda elekke prezidentnıñ şaqtıy ğına kiñ säyäsi nigeze dä bar. Öçençe ixtimal - xatını, ulı häm abıysı yäşägän Mäskäwdä kümü. Häm nihayät dürtençese - Miloşeviçne ğailäse çıqqan Çernogoriägä iltep kümü, monı bigräk tä anıñ qızı teli", di radiobıznıñ Balkan belgeçe Patrick Moor.
Sişämbe irtän Haagqa kitär aldınnan Miloşeviçneñ ulı Marko Mäskäwdä, üzeneñ Rusiä xakimiatennän ätisen waqıtlıça urıs cirendä kümüne röxsät itüen ütenüen belderde:
"Kiçä min Rusiä xökümätennän ätine waqıtlıça ğına biredä Mäskäwdä cirläwgä röxsät birüen ütendem. Belgradtağı xakimiat anı anda cirläwgä yul quymayaçaq. Alar moñardan qotılırğa teli häm räsmi dä, ğäyre räsmi dä törle yanawlar qullana. Şuña da bezdä başqa mömkinlek yuq", digän ide Haagqa kitär aldınnan Miloşeviçneñ ulı Marko.
Serbiä prezidentı Tadiç, xakimiat Miloşeviçne däwlät däräcäsendä cirläwgä genä qarşı, ä inde anıñ ğailäse xosusi ber yola ütkärä ikän, monısı alarnıñ üz eşe, dip belderä. Räsmi Belgrad moña yul açu öçen berençe adımnı inde yasadı - Belgradtağı mäxkämä Miloşeviçneñ xatını - Miryananı qulğa alu ämeren ğämäldän çığarıp torırğa buldı. Şulay itep xäzer anıñ Belgradqa kilüe öçen yul açıla. Tik ul Serbiägä ayaq basu belän üz pasportın tapşırırğa häm mäxkämädä soraw alu ütärgä tieş bulaçaq. İreneñ yaqın köräştäşe bulğan Miryana Serbiädä ire prezident bulğan çorda xakimiatne yawız maqsatlarda faydalanuda ğäyeplänä, şuña kürä dä ul Slobodan Miloşeviç bärep töşerelgännän birle Mäskäwdä yäşäde.
Miloşeviçneñ däwlät başlığı sıyfatında tügel, ä ğadi ber watandaş bularaq Serbiädä cirlänä aluı xaqında sişämbe töştän soñ premyer-ministr Vojislav Koştunica da belderde.
Kärim Kamal
Radiobızda eşläwçe Balkan belgeçe Patrick Moor, Miloşeviçne qayda cirläw ixtimalların bolay kürä:
"Asılda bez dürt mömkinlek turında süz yörtä alabız. Şularnıñ berençese Miloşeviçne elekke däwlät başlığı bularaq Belgradta kümü. İkençe mömkinlek - anı Pozarevacta cirläw, Serbiädäge şul şähär Miloşeviçneñ häm anıñ xatınınıñ tuğan cire, anda elekke prezidentnıñ şaqtıy ğına kiñ säyäsi nigeze dä bar. Öçençe ixtimal - xatını, ulı häm abıysı yäşägän Mäskäwdä kümü. Häm nihayät dürtençese - Miloşeviçne ğailäse çıqqan Çernogoriägä iltep kümü, monı bigräk tä anıñ qızı teli", di radiobıznıñ Balkan belgeçe Patrick Moor.
Sişämbe irtän Haagqa kitär aldınnan Miloşeviçneñ ulı Marko Mäskäwdä, üzeneñ Rusiä xakimiatennän ätisen waqıtlıça urıs cirendä kümüne röxsät itüen ütenüen belderde:
"Kiçä min Rusiä xökümätennän ätine waqıtlıça ğına biredä Mäskäwdä cirläwgä röxsät birüen ütendem. Belgradtağı xakimiat anı anda cirläwgä yul quymayaçaq. Alar moñardan qotılırğa teli häm räsmi dä, ğäyre räsmi dä törle yanawlar qullana. Şuña da bezdä başqa mömkinlek yuq", digän ide Haagqa kitär aldınnan Miloşeviçneñ ulı Marko.
Serbiä prezidentı Tadiç, xakimiat Miloşeviçne däwlät däräcäsendä cirläwgä genä qarşı, ä inde anıñ ğailäse xosusi ber yola ütkärä ikän, monısı alarnıñ üz eşe, dip belderä. Räsmi Belgrad moña yul açu öçen berençe adımnı inde yasadı - Belgradtağı mäxkämä Miloşeviçneñ xatını - Miryananı qulğa alu ämeren ğämäldän çığarıp torırğa buldı. Şulay itep xäzer anıñ Belgradqa kilüe öçen yul açıla. Tik ul Serbiägä ayaq basu belän üz pasportın tapşırırğa häm mäxkämädä soraw alu ütärgä tieş bulaçaq. İreneñ yaqın köräştäşe bulğan Miryana Serbiädä ire prezident bulğan çorda xakimiatne yawız maqsatlarda faydalanuda ğäyeplänä, şuña kürä dä ul Slobodan Miloşeviç bärep töşerelgännän birle Mäskäwdä yäşäde.
Miloşeviçneñ däwlät başlığı sıyfatında tügel, ä ğadi ber watandaş bularaq Serbiädä cirlänä aluı xaqında sişämbe töştän soñ premyer-ministr Vojislav Koştunica da belderde.
Kärim Kamal