Gruziäneñ awıl xucalığı ministrı Mixail Svimonişvili säfär belän Mäskäwdä yöri. Anıñ Rusiä räsmiläre belän söyläşüläre üzägendä Mäskäwneñ ildä gruzin şäräblären satunı tıyuı tora. Bu turıda qarar martnıñ 27-sendä çıqtı, ägär dä ul ğämäldä qalsa, Gruziäneñ şäräb industriäsenä tözätelä almaslıq zian kiläçäk. Moña qädär ul citeştergän eçemleklärneñ zur öleşe Rusiägä satıla ide. Räsmi Tiflis, Rusiä ğämäle artında säyäsät yata, dip zarlansa da, çärşämbe könne qayber şäräblärneñ sıyfatı çınnan da naçaq bula aluın tanıdı.
Şäräbneñ, döresräge anı çitkä satunıñ Gruziä öçen nindi ähämiatkä iä buluın, ministr Svimonişvili belän kilgän wäkillekneñ zurlığı bik yaxşı kürsätä. Anı Mäskäwdä üz urınbasarı, şulay uq sälämätlek ministrı urınbasarı, tışqı eşlär ministrlığı wäkilläre, şäräb industriäse ähelläre häm bertörkem deputat ozatıp yöri. Räsmi Mäskäw älegä qädär gruzin yağı belän räsmi bäyläneşlärgä kerüne törleçä kire qağıp kilgän ide. Ser tügel, Tiflis belän Mäskäw araları soñğı ike yıl eçendä iñ yaman çorın kiçerä, monıñ tä''siren xäzer danlıqlı gruzin şäräbe dä sizä - martnıñ 27-sendä Rusiä xökümäte, Gruziä häm Moldova şäräblärendä ağulı matdälär bar, digän sıltaw belän alarnı Rusiädä satunı tıydı.
Bu Gruziäneñ iñ awırtqan cirenä suğuğa tiñ buldı. Äle sovet çorında uq danı taralğan gruzin şäräbläre nigezdä Rusiädä genä satıla ide. Alardan baş tartu xäzer Gruziäneñ şäräb industriäsen yuqqa çığu aldında qaldıra. Eş şuña barıp citte ki, säfär belän Qıtayğa kilgän prezident Mixail Saakaşvili, saqlanu ministrı İrakli Okruaşviligä gruzin şäräbläre öçen yaña bazarlar tabu kürsätmäsen birüen äytte:
"İl eçendäge şäräb säwdäsen köyläw premyer-ministr eşe bulsa da, yaña bazarlar tabu yöklämäsen min ayırım ber törkemgä biräm häm şul törkem belän citäkçelek itüne İrakli Okruaşvilidän ütenäm. Bu anıñ öçen östämä ber wazifa, häm ul NATO säfärennän qaytu belän min anıñ Ukraina, Könçığış Yewropa häm Baltiq illärenä baruın telim", di Mixail Saakaşvili, gruzin şäräbläre öçen yaña bazarlar ezläw eşen başlaw xaqında.
Gruziä prezidentınıñ şuşı kürsätmäse üz çiratında yaña imeş-mimeşlär çığaruğa kiterde, Saakaşvili premyer-ministr Zurab Noğaydeli urınına näq menä Okruaşviline äzerli, digän süzlär köçäyde. Noğaydeli üze bu uñaydan ber dä borçılmawın äytä:
"Prezident Saakaşvili şäräb öçen yaña bazarlar tabu eşen İrakli Okruaşviligä xökümät äğzası bularaq birä. İmanım kamil, İrakli prezidentnıñ bu burıçın osta itep ütär. Min bu xaqta prezident Qıtayğa kitär aldınnan anıñ belän kiñäştem, häm tulısınça xuplıym", dip belderä Gruziäneñ premyer-ministrı, saqlanu ministrına gruzin şäräbläre öçen yaña bazarlar tabu yöklämäsen birü turında.
Gruzin yağı Mäskäw qararın tar säyäsi säbäplär belän añlata, bu Tiflisneñ soñğı yıllarda Könbatışqa taba borıluı öçen cäza bulıp tora, dip belderä. Rusiädä tıyılğan gruzin şäräbe Yewropada da, Quşma Ştatlarda da uñışlı ğına satıla, ul törle kürgäzmälärdä, şul isäptän xäzer añarda kinät kenä ağulı matdälär tapqan häm satunı tıyğan Rusiädä dä yuğarı büläklärgä layıq bulğan ide. Gruzin xökümäteneñ zäğif yağı şunda - ildäge şäräb industriäsen ul tulısınça üz qulında totmıy häm şul säbäple sıyfatnı da kontrol itä almıy.
Kärim Kamal
Bu Gruziäneñ iñ awırtqan cirenä suğuğa tiñ buldı. Äle sovet çorında uq danı taralğan gruzin şäräbläre nigezdä Rusiädä genä satıla ide. Alardan baş tartu xäzer Gruziäneñ şäräb industriäsen yuqqa çığu aldında qaldıra. Eş şuña barıp citte ki, säfär belän Qıtayğa kilgän prezident Mixail Saakaşvili, saqlanu ministrı İrakli Okruaşviligä gruzin şäräbläre öçen yaña bazarlar tabu kürsätmäsen birüen äytte:
"İl eçendäge şäräb säwdäsen köyläw premyer-ministr eşe bulsa da, yaña bazarlar tabu yöklämäsen min ayırım ber törkemgä biräm häm şul törkem belän citäkçelek itüne İrakli Okruaşvilidän ütenäm. Bu anıñ öçen östämä ber wazifa, häm ul NATO säfärennän qaytu belän min anıñ Ukraina, Könçığış Yewropa häm Baltiq illärenä baruın telim", di Mixail Saakaşvili, gruzin şäräbläre öçen yaña bazarlar ezläw eşen başlaw xaqında.
Gruziä prezidentınıñ şuşı kürsätmäse üz çiratında yaña imeş-mimeşlär çığaruğa kiterde, Saakaşvili premyer-ministr Zurab Noğaydeli urınına näq menä Okruaşviline äzerli, digän süzlär köçäyde. Noğaydeli üze bu uñaydan ber dä borçılmawın äytä:
"Prezident Saakaşvili şäräb öçen yaña bazarlar tabu eşen İrakli Okruaşviligä xökümät äğzası bularaq birä. İmanım kamil, İrakli prezidentnıñ bu burıçın osta itep ütär. Min bu xaqta prezident Qıtayğa kitär aldınnan anıñ belän kiñäştem, häm tulısınça xuplıym", dip belderä Gruziäneñ premyer-ministrı, saqlanu ministrına gruzin şäräbläre öçen yaña bazarlar tabu yöklämäsen birü turında.
Gruzin yağı Mäskäw qararın tar säyäsi säbäplär belän añlata, bu Tiflisneñ soñğı yıllarda Könbatışqa taba borıluı öçen cäza bulıp tora, dip belderä. Rusiädä tıyılğan gruzin şäräbe Yewropada da, Quşma Ştatlarda da uñışlı ğına satıla, ul törle kürgäzmälärdä, şul isäptän xäzer añarda kinät kenä ağulı matdälär tapqan häm satunı tıyğan Rusiädä dä yuğarı büläklärgä layıq bulğan ide. Gruzin xökümäteneñ zäğif yağı şunda - ildäge şäräb industriäsen ul tulısınça üz qulında totmıy häm şul säbäple sıyfatnı da kontrol itä almıy.
Kärim Kamal