Vladimir Putinneñ yıllıq yullamasın bıyıl qayberäwlär, anda ul Könbatıştan, bigräk tä Quşma Ştatlar citäkçelege yağınnan yañğırağan tänqitkä cawap birer, dip kötkän ide. Küptän tügel genä amerikan vitse-prezidentı Dick Cheney Rusiäne ildä irekleklärne qısuda, ä kürşe illärgä gaz satunı alarğa säyäsi basım yasaw qoralı itep qullanuda ğäyeplägän ide.
Dick Cheneyneñ uzğan atnada Litva başqalası Vilnüstä äytkän şul süzläre Rusiä citäkçelegeneñ soñğı aralardağı säyäsäten tänqitlägän iñ kisken çığış bulıp tora. 2001-nçe yıldan soñ terrorğa qarşı köräşne bergä alıp barğan, hiçyuğı şul xaqta daimi belderep torğan Mäskäw belän Washington arasında bolıtlarnıñ alay quyırğanı yuq ide äle. Quşma Ştatlar citäkçelege soñraq Cheney süzlären yomşatırğa tırışsa da, ike il arasındağı mönäsäbätlärne belgeçlär inde ber dä ikelänmi, "salqın suğış"tağı çorğa tiñli başladı.
Häm bu Vladimir Putinneñ yıllıq yullamasında da sizelde. İllär, isemnär atamıyça ğına ul Quşma Ştatlarnı elekke xorafatlardan arına almawda ğäyepläde:
"Dönyada äle bar keşe dä doşmanlıq çorınnan qalğan tar xorafatlardan arına almadı, gärçä dönyada inde kire qaytmaslıq üzgäreşlär bulsa da. Häm bu zamana yanawlarına bergäläşep qarşı toru eşenä bik qomaçawlıy", di Putin, Könbatış Rusiägä haman da köndäş bularaq qarıy digän fikeren alğa sörep.
Alay ğına da tügel, Rusiä prezidentı Könbatış, bigräk tä, anıñ üz süzlärennän añlaşılğança, Quşma Ştatlar keşe xoquqları häm demokratiäne yaqlaw şiğaren barı tik üz faydasında ğına qullana, dip isäpli:
"Alarnıñ üz mänfäğätlären qayğırtu kiräk bulğanda, keşe xoquqların häm demokratiäne yaqlaw kiräklege turındağı pafos qaya ğına yuğaladır... Bu oçraqta inde här närsä dä mömkin bulıp çığa. Bernindi dä çikläw yuq. Ämma şuşı mäs''äläneñ bik çetrekle buluın añlağan xäldä dä, bez Sovetlar Berlege xataların, "salqın suğış" xataların qabatlarğa tieş tügel", di Vladimir Putin.
Anıñ çığışındağı şuşı öleşen Dick Cheneyneñ ber atna elek yasağan belderüenä cawap itep qabul itärgä bula. Quşma Ştatlarnıñ üz xärbi qüwäten nığıtuğa Rusiägä qarağanda 25 märtäbä kübräk aqça birüenä soqlanıp, Putin berük waqıtta, menä şul büre üzenä kiräkkändä berkemgä dä qolaq salırğa cıyınmıy, dip belderde. Ämma bu yulı da ayırım isemnär atalmadı.
Kärim Kamal
Häm bu Vladimir Putinneñ yıllıq yullamasında da sizelde. İllär, isemnär atamıyça ğına ul Quşma Ştatlarnı elekke xorafatlardan arına almawda ğäyepläde:
"Dönyada äle bar keşe dä doşmanlıq çorınnan qalğan tar xorafatlardan arına almadı, gärçä dönyada inde kire qaytmaslıq üzgäreşlär bulsa da. Häm bu zamana yanawlarına bergäläşep qarşı toru eşenä bik qomaçawlıy", di Putin, Könbatış Rusiägä haman da köndäş bularaq qarıy digän fikeren alğa sörep.
Alay ğına da tügel, Rusiä prezidentı Könbatış, bigräk tä, anıñ üz süzlärennän añlaşılğança, Quşma Ştatlar keşe xoquqları häm demokratiäne yaqlaw şiğaren barı tik üz faydasında ğına qullana, dip isäpli:
"Alarnıñ üz mänfäğätlären qayğırtu kiräk bulğanda, keşe xoquqların häm demokratiäne yaqlaw kiräklege turındağı pafos qaya ğına yuğaladır... Bu oçraqta inde här närsä dä mömkin bulıp çığa. Bernindi dä çikläw yuq. Ämma şuşı mäs''äläneñ bik çetrekle buluın añlağan xäldä dä, bez Sovetlar Berlege xataların, "salqın suğış" xataların qabatlarğa tieş tügel", di Vladimir Putin.
Anıñ çığışındağı şuşı öleşen Dick Cheneyneñ ber atna elek yasağan belderüenä cawap itep qabul itärgä bula. Quşma Ştatlarnıñ üz xärbi qüwäten nığıtuğa Rusiägä qarağanda 25 märtäbä kübräk aqça birüenä soqlanıp, Putin berük waqıtta, menä şul büre üzenä kiräkkändä berkemgä dä qolaq salırğa cıyınmıy, dip belderde. Ämma bu yulı da ayırım isemnär atalmadı.
Kärim Kamal