Xalıqara Qızıl Xaç-Qızıl Yarımay cämğiate Guantanamo totqın üzägenä küzätüçelär cibärä. Şulay itep bu oyışma andağı öç totqınnıñ ütkän atna azağında üzenä qul saluı tiräsendäge wäzğiatne tikşermäkçe. Üzäkne totqan amerikan yağı şul ülemnärne "yaxşı ber PR ğämäle" dip atağan ide, ämma däwlät departamentı soñraq bu süzlärdän çitläşüne xup kürde.
Guantanamoğa çirattağı küzätü belän barunı Qızıl Xaç cämğiate inde küptännän planlaştırğan bulsa da, ul monı 3 totqınnıñ üzenä qul saluına qädär eşli almadı. Uzğan şimbädä Guantanamoda 2 söğüdi häm ber yämänle asılınğan, digän xäbär kilde. Qızıl Xaç cämğiate terrorda şiklänelgännär totılğan Guantanamoğa küzätülärne inde elek tä cibärgäli ide. Oyışmanıñ Jenevadağı matbuğat wäkile Antonella Notari:
"Bezneñ Guantanamoğa barıp anda totqınnar belän aralaşuıbız ber dä ğäcäyep närsä tügel. Xäzer isä bez çirattağı şul säfärne, Guantanamodağı öç totqınnıñ üzenä qul saluı turında xäbär alınuı säbäple beraz alğa küçeräbez", di Qızıl Xaç cämğiate wäkile.
Biredä şunı da añlatıp kitü kiräk - amerikan xärbiläre Guantanamo üzägenä ğädättä çit keşelärne kertergä ber dä telämi. Misal öçen, Berläşkän Millätlär Oyışması tikşerüçeläre andağı cäfalaw ğäyepläwläre xaqında kübräk mäğlümat alırğa telägäç, amerikan yağı alarnıñ totqınnar belän yaqınnan aralaşuın telämäde häm axırğı çiktä BMO wäkilläre anda barudan baş tarttı. Ä menä Qızıl Xaç keşelärenä bu ölkädä kiñräk mömkinlek birelä häm iñ möhime, alar totqında kürgännären kiñ cämäğätçelekkä çığarmawnı wäğdä itä.
Cämğiat bu yulı Guantanamoğa ber doktor häm ğäräpçä söyläşkän tärcemäçe cibärä. Antonella Notari süzlärenä qarağanda, alar totqınnarnıñ üzlärenä qul saluın ayırım tikşerergä cıyınmıy, ämma totqınnar belän aralaşqanda süz bu xaqta hiçşiksez bulaçaq.
"Bu turıda süz kütäreläçäk. Totqınnar üzläre bu xaqta söyläşergä teli. Min üzem anda bulmasam da, küz aldına kiterä alam - totqınnar öçen bu söyläşergä kiräk ber tema bulıp tora", di Qızıl Xaç cämğiateneñ matbuğat wäkile Notari.
Guantanamodağı ülemnär tiräsendä qupqan şawşu yuğarı däräcäle ber amerikan diplomatınıñ, "bu yaxşı ber PR ğämäle" digän süzläre arqasında tağın da artqan ide. Yäkşämbedä däwlät sekretare yardämçeseneñ urınbasarı Colleen Graffy BBC kanalına, üzenä qul saluçılar şulay itep cihad eşen däwam itü taktikasın sayladı, dip belderde.
Xäzer inde däwlät departamentı üzen bu süzlärdän beraz çitläşterergä tırışa. Anıñ matbuğat wäkile Sean McCormack:
"Min monı hiç kenä dä alay dip bäyälämäs idem. Prezident Bush bu waqiğä uñayınnan borçıluın inde äytte. Minemçä, saqlanu ministrlığı ähelläre dä berär keşe üz ğömeren ezsä, moña citdi töstä borçıluın citkerä", dip añlata amerikan yağınıñ räsmi qaraşın däwlät departamentı wäkile Sean McCormack.
Şuşı ayda Quşma Ştatlarnıñ Yuğarı mäxkämäse, Guantanamo totqınnarınıñ xärbi tribunal qarşına basa ala-almawın tikşeräçäk.
Kärim Kamal
"Bezneñ Guantanamoğa barıp anda totqınnar belän aralaşuıbız ber dä ğäcäyep närsä tügel. Xäzer isä bez çirattağı şul säfärne, Guantanamodağı öç totqınnıñ üzenä qul saluı turında xäbär alınuı säbäple beraz alğa küçeräbez", di Qızıl Xaç cämğiate wäkile.
Biredä şunı da añlatıp kitü kiräk - amerikan xärbiläre Guantanamo üzägenä ğädättä çit keşelärne kertergä ber dä telämi. Misal öçen, Berläşkän Millätlär Oyışması tikşerüçeläre andağı cäfalaw ğäyepläwläre xaqında kübräk mäğlümat alırğa telägäç, amerikan yağı alarnıñ totqınnar belän yaqınnan aralaşuın telämäde häm axırğı çiktä BMO wäkilläre anda barudan baş tarttı. Ä menä Qızıl Xaç keşelärenä bu ölkädä kiñräk mömkinlek birelä häm iñ möhime, alar totqında kürgännären kiñ cämäğätçelekkä çığarmawnı wäğdä itä.
Cämğiat bu yulı Guantanamoğa ber doktor häm ğäräpçä söyläşkän tärcemäçe cibärä. Antonella Notari süzlärenä qarağanda, alar totqınnarnıñ üzlärenä qul saluın ayırım tikşerergä cıyınmıy, ämma totqınnar belän aralaşqanda süz bu xaqta hiçşiksez bulaçaq.
"Bu turıda süz kütäreläçäk. Totqınnar üzläre bu xaqta söyläşergä teli. Min üzem anda bulmasam da, küz aldına kiterä alam - totqınnar öçen bu söyläşergä kiräk ber tema bulıp tora", di Qızıl Xaç cämğiateneñ matbuğat wäkile Notari.
Guantanamodağı ülemnär tiräsendä qupqan şawşu yuğarı däräcäle ber amerikan diplomatınıñ, "bu yaxşı ber PR ğämäle" digän süzläre arqasında tağın da artqan ide. Yäkşämbedä däwlät sekretare yardämçeseneñ urınbasarı Colleen Graffy BBC kanalına, üzenä qul saluçılar şulay itep cihad eşen däwam itü taktikasın sayladı, dip belderde.
Xäzer inde däwlät departamentı üzen bu süzlärdän beraz çitläşterergä tırışa. Anıñ matbuğat wäkile Sean McCormack:
"Min monı hiç kenä dä alay dip bäyälämäs idem. Prezident Bush bu waqiğä uñayınnan borçıluın inde äytte. Minemçä, saqlanu ministrlığı ähelläre dä berär keşe üz ğömeren ezsä, moña citdi töstä borçıluın citkerä", dip añlata amerikan yağınıñ räsmi qaraşın däwlät departamentı wäkile Sean McCormack.
Şuşı ayda Quşma Ştatlarnıñ Yuğarı mäxkämäse, Guantanamo totqınnarınıñ xärbi tribunal qarşına basa ala-almawın tikşeräçäk.
Kärim Kamal