Yaqın Könçığıştağı kierenkelek könläp tügel, säğätläp köçäyä bara, xörmätle tıñlawçılar. İzrail üzenä höcümnär yasap torğan ğäräp radikallarına qarşı suğışnı xäzer ike frontta - Ğäza sızığı häm Libanda alıp bara. Atnakiç anıñ xärbi oçqıçları Bäyrutnıñ xalıqara hawa alanın bombağa tottı. Töbäktä yaña qorallı nizaq çığu qurqınıçı arta bara.
İnde xäbär itelgänçä, Libandağı Xizbulla radikallarınıñ çärşämbedä ike yähüd xärbien urlawın İzrail üzenä suğış iğlan itügä tiñlägän ide. Anıñ cawabı da suğış çorındağı tösle qırıs buldı - ul soñğı 24 yıl eçendä berençe märtäbä Xizbulla xäräkäte eş itkän Libanğa qarşı xärbi operatsiä başlap cibärde. Pänceşämbegä qarşı töndä häm irtän İzrailneñ xärbi oçqıçları Bäyrut xalıqara hawa alanı oçmaların bombağa tottı, näticädä Liban başqalasınıñ dönya belän hawa bäyläneşläre ezelde. Moñardan tış höcüm Xizbulla qulındağı telekanal binasına da yasaldı. Ä çärşämbedä İzrail könyaq Libandağı yullarnı häm küperlärne raketa utına totqan ide.
Liban xakimiate wäkilläreneñ süzlärenä qarağanda, şuşı höcümnärdä älegä qädär kimendä 28-läp keşe hälak bulğan. Yuğaltular İzrail xärbiläre arasında da bar.
Hawa höcümnärennän tış İzrail Libannı diñgezdän bikläw eşenä dä kereşte. İl xäzer dönyağa Süriä çige yağınnan ğına açıq qala. Üzeneñ şuşı ğämällären İzrail bolay añlata - Xizbulla Libanda üz eşen räsmän alıp bara, ul xätta xökümättä dä qatnaşa, dimäk anıñ İzrailgä qarşı yasağan höcümnäre, ğäskärilärne urlawı öçen cawaplılıq Liban xakimiatenä dä töşä.
Berläşkän Millätlär oyışması qabul itkän ber qararda Xizbulla kebek qorallı törkemnärneñ qoralsızlanuı qaralğan ide, ämma bu älegä çınğa aşmadı häm şuña da İzrail, monıñ öçen Liban xäkümäte ğäyeple, dip belderä. Anıñ Berläşkän Millätlärdäge wäkile Dan Gillerman:
"İzrailneñ tönyaq çigendä aña suğış iğlan itelde. İzrail xökümäte, üz ğäskäriläreneñ ülemenä häm ikeseneñ urlanuına kitergän ğämällärne, İzrail däwlätenä Liban suğış iğlan itü dip bäyäli häm bez monıñ öçen Liban xökümäte cawaplı dip uylıybız", di yähüd däwläteneñ BMOdağı wäkile Dan Gillerman.
Liban xökümäte isä bu ğäyepläwgä, bez Xizbullanıñ plannarı turında aldan berni dä belmädek, şuña da anıñ ğämälläre öçen bezne ğäyepläw urınsız, dip kilä.
Bolar barısı da İzrailneñ höcümnärne ikençe frontta - Ğäza sızığında da däwam itüe sürätendä bara. Anda ul, öç atna elek, bu yulı inde Xämas suğışçıları tarafınnan urlanğan ber ğäskärien azat itärgä tırışa. İzrail Xämas ta, Xizbulla da üzläreneñ şuşı ğämällären aldan söyläşep quyıp başqarğan, dip belderä häm monıñ artında ğomumän, İran belän Süriä tora, alar bar töbäktäge totrıqlılıqnı yuq itärgä tırışa digän işarälär yasıy. İzrailneñ tışqı eşlär ministrı Tsipi Livni:
"Yaqın Könçığışta tınıçlıqqa ireşü ömeten yuq itärgä tırışqan, İran, Süriä, Xizbulla häm Xämas qorğan terror wä näfrät küçäre bar. Dönya alarğa bu eşlärendä yul quymasqa tieş. Şul şartlarda İzrailneñ üzen häm üz watandaşların saqlawdan başqa çarası yuq", dip añlata ileneñ soñğı xärbi ğämällären İzrail tışqı eşlär ministrı.
Xäzer inde möhim sorawlarnıñ berse bulıp, İzrail Liban wä Ğäza belän genä çiklänerme, yä inde höcümnären Süriägä dä cäyelderep, suğışınıñ öçençe frontın da açırmı digäne tora. Andıy qurqınıç yuq tugel, ul oçraqta inde çınnan da bar Yaqın Könçığıştağı wäzğiatneñ totrıqsızlanuın küz aldında totarğa kiräk bulaçaq, çönki bu nizaqqa bar ğäräp illäreneñ quşıluına kiterä ala.
Kärim Kamal
Liban xakimiate wäkilläreneñ süzlärenä qarağanda, şuşı höcümnärdä älegä qädär kimendä 28-läp keşe hälak bulğan. Yuğaltular İzrail xärbiläre arasında da bar.
Hawa höcümnärennän tış İzrail Libannı diñgezdän bikläw eşenä dä kereşte. İl xäzer dönyağa Süriä çige yağınnan ğına açıq qala. Üzeneñ şuşı ğämällären İzrail bolay añlata - Xizbulla Libanda üz eşen räsmän alıp bara, ul xätta xökümättä dä qatnaşa, dimäk anıñ İzrailgä qarşı yasağan höcümnäre, ğäskärilärne urlawı öçen cawaplılıq Liban xakimiatenä dä töşä.
Berläşkän Millätlär oyışması qabul itkän ber qararda Xizbulla kebek qorallı törkemnärneñ qoralsızlanuı qaralğan ide, ämma bu älegä çınğa aşmadı häm şuña da İzrail, monıñ öçen Liban xäkümäte ğäyeple, dip belderä. Anıñ Berläşkän Millätlärdäge wäkile Dan Gillerman:
"İzrailneñ tönyaq çigendä aña suğış iğlan itelde. İzrail xökümäte, üz ğäskäriläreneñ ülemenä häm ikeseneñ urlanuına kitergän ğämällärne, İzrail däwlätenä Liban suğış iğlan itü dip bäyäli häm bez monıñ öçen Liban xökümäte cawaplı dip uylıybız", di yähüd däwläteneñ BMOdağı wäkile Dan Gillerman.
Liban xökümäte isä bu ğäyepläwgä, bez Xizbullanıñ plannarı turında aldan berni dä belmädek, şuña da anıñ ğämälläre öçen bezne ğäyepläw urınsız, dip kilä.
Bolar barısı da İzrailneñ höcümnärne ikençe frontta - Ğäza sızığında da däwam itüe sürätendä bara. Anda ul, öç atna elek, bu yulı inde Xämas suğışçıları tarafınnan urlanğan ber ğäskärien azat itärgä tırışa. İzrail Xämas ta, Xizbulla da üzläreneñ şuşı ğämällären aldan söyläşep quyıp başqarğan, dip belderä häm monıñ artında ğomumän, İran belän Süriä tora, alar bar töbäktäge totrıqlılıqnı yuq itärgä tırışa digän işarälär yasıy. İzrailneñ tışqı eşlär ministrı Tsipi Livni:
"Yaqın Könçığışta tınıçlıqqa ireşü ömeten yuq itärgä tırışqan, İran, Süriä, Xizbulla häm Xämas qorğan terror wä näfrät küçäre bar. Dönya alarğa bu eşlärendä yul quymasqa tieş. Şul şartlarda İzrailneñ üzen häm üz watandaşların saqlawdan başqa çarası yuq", dip añlata ileneñ soñğı xärbi ğämällären İzrail tışqı eşlär ministrı.
Xäzer inde möhim sorawlarnıñ berse bulıp, İzrail Liban wä Ğäza belän genä çiklänerme, yä inde höcümnären Süriägä dä cäyelderep, suğışınıñ öçençe frontın da açırmı digäne tora. Andıy qurqınıç yuq tugel, ul oçraqta inde çınnan da bar Yaqın Könçığıştağı wäzğiatneñ totrıqsızlanuın küz aldında totarğa kiräk bulaçaq, çönki bu nizaqqa bar ğäräp illäreneñ quşıluına kiterä ala.
Kärim Kamal