Yaqın Könçığıştağı xällärne sürätlägändä bez älegä qädär nigezdä nizağnıñ xalıqara qaytawazına, Liban yağındağı waqiğälärgä tuqtala idek, xörmätle tıñlawçılar. Bügen isä bez andağı ikençe tarafqa - İzrailgä küz salırbız. Xizbulla belän xärbi nizağ andağı cämğiattä, ilneñ säyäsi häm xärbi citäkçelegeneñ buldıqlığı turında qaynar bäxäs çığuğa kiterde. Rezervtağı ber törkem xärbi xäzer xätta premyer-ministr, saqlanu ministrı, başqa xärbi citäkçeneñ urınınnan kitüen taläp itä.
İzrail cämğiäte suğışnı niçek alıp baru mäs''äläsendä şul däräcädä tirän soñğı märtäbä 1973-nçe yılda bülengän ide, ul çaqta Mısır häm Süriä İzrailgä qarşı kinät suğış başlap, yähüd citäkçelären tämam aptıraşta qaldırdı häm ğäräplär berençe çorda xätta İzrail köçlären ciñep tä kilde. Ul çaqta premyer-ministr Golda Mier xökümäte üz urınınnan kitärgä mäcbür bulğan ide.
Bügenge İzraildä qayberäwlär xäzer näq şunı uq premyer Ehud Olmerttan da taläp itä, ämma ber anıñ belän genä çiklänmi:
"Bez premyer-ministr häm saqlanu ministrınıñ, şulay uq İzrail qorallı köçläre başlığınıñ wazifalarınnan kitüenä ömetlänäbez", di Ezer Vigore.
Vigore bu atnada Yirusalimdä premyer-ministr idaräse aldına qarşılıq çarasına çıqqan 100-läp rezervistnıñ berse. Andağılar İzrail citäkçelegeneñ suğışnı niçek alıp baruın kisken tänqitli, häm däwlät monı centekläp tikşerergä tieş, digän taläp quya. Xizbulla İzrailneñ ike ğäskärien urlağannan soñ Libanğa qarşı höcümnär yasaw qararın ildä şik astına aluçılar yuq diärlek. Ä menä ul suğış niçek alıp barıldı, yuğarı citäkçelek üz sälätlären niçek kürsätte - bu xaqta İzraildä qızu bäxäslär bara.
Ğäskäri rezervtağılar, ayırım alğanda, üzläreneñ suğışqa naçar cihazlandırılıp kerüenä, tä''minatnıñ xörti buluına, azıq-tölek, su citmäwenä zarlana. Ämma cämğiattäge qarşılıqlar monıñ belän genä çiklänmi - İzraildä başqa törle, qapma-qarşı yaqtağı taläplär dä işetelä. Soñğı könnärdä qayber ministrlar ilneñ qan doşmanı Süriä belän söyläşülär başlarğa öndäp çıqtı. Premyer-ministr Olmert andıy ixtimalnı şunda uq kire qaqtı. Ämma niçek kenä bulmasın, bar bu täräqqiät İzraildä soñğı suğış uñayınnan şaqtıy qarşılıqlı fikerlär tuuın kürsätä.
"Haarets" basması xäbärçese Lily Galili, Xizbullağa qarşı suğışnı İzrail üzenä yanağan iñ zur qurqınıçtan qotılu çarası dip başlağan ide, läkin ul İzrailgä barı tik yuğaltular ğına alıp kilde sıman, digän fikerdä:
"Xalıq monıñ bäyäsen tüläde, fizik yaqtan da, xislär yağınnan, aqçalata da tüläde, ämma bernindi näticägä dä ireşmäde. Berni dä üzgärmäde, keşelär haman da üzlärenä yanağan qurqınıç belän, alar öçen tınıçlıq yuq. Xizbulla urlağan xärbilärne de azat itmädelär, bernindi kileşü dä yuq. İlneñ tönyağın, Libannı cimerüdän tış bez närsägä ireştek? Bernigä dä ireşä almadıq", di Galili.
Premyer Olmert älegä yuğarı citäkçelekneñ suğış waqıtındağı ğämällären tikşerü taläplären kire qağıp kilä. Düşämbedä İzrailneñ tönyağına yasağan säfäre waqıtında ul bolay digän ide:
"Şul süzlärne tıñlap bez xäzer närsä eşlärgä cıyınabız, xökümät wä ğäskär citäkçelären ber safqa tözep alarnı yañaqlarğamı, eşne tämam tuqtatıp, alarnı härkönne tikşerülärgä yörtergäme? Ägär dä bezdän şunı teläsälär, bez ul zarlanularnı qabul itä alabız", dip belderä İzrail premyer-ministrı Ehud Olmert.
Kärim Kamal
Bügenge İzraildä qayberäwlär xäzer näq şunı uq premyer Ehud Olmerttan da taläp itä, ämma ber anıñ belän genä çiklänmi:
"Bez premyer-ministr häm saqlanu ministrınıñ, şulay uq İzrail qorallı köçläre başlığınıñ wazifalarınnan kitüenä ömetlänäbez", di Ezer Vigore.
Vigore bu atnada Yirusalimdä premyer-ministr idaräse aldına qarşılıq çarasına çıqqan 100-läp rezervistnıñ berse. Andağılar İzrail citäkçelegeneñ suğışnı niçek alıp baruın kisken tänqitli, häm däwlät monı centekläp tikşerergä tieş, digän taläp quya. Xizbulla İzrailneñ ike ğäskärien urlağannan soñ Libanğa qarşı höcümnär yasaw qararın ildä şik astına aluçılar yuq diärlek. Ä menä ul suğış niçek alıp barıldı, yuğarı citäkçelek üz sälätlären niçek kürsätte - bu xaqta İzraildä qızu bäxäslär bara.
Ğäskäri rezervtağılar, ayırım alğanda, üzläreneñ suğışqa naçar cihazlandırılıp kerüenä, tä''minatnıñ xörti buluına, azıq-tölek, su citmäwenä zarlana. Ämma cämğiattäge qarşılıqlar monıñ belän genä çiklänmi - İzraildä başqa törle, qapma-qarşı yaqtağı taläplär dä işetelä. Soñğı könnärdä qayber ministrlar ilneñ qan doşmanı Süriä belän söyläşülär başlarğa öndäp çıqtı. Premyer-ministr Olmert andıy ixtimalnı şunda uq kire qaqtı. Ämma niçek kenä bulmasın, bar bu täräqqiät İzraildä soñğı suğış uñayınnan şaqtıy qarşılıqlı fikerlär tuuın kürsätä.
"Haarets" basması xäbärçese Lily Galili, Xizbullağa qarşı suğışnı İzrail üzenä yanağan iñ zur qurqınıçtan qotılu çarası dip başlağan ide, läkin ul İzrailgä barı tik yuğaltular ğına alıp kilde sıman, digän fikerdä:
"Xalıq monıñ bäyäsen tüläde, fizik yaqtan da, xislär yağınnan, aqçalata da tüläde, ämma bernindi näticägä dä ireşmäde. Berni dä üzgärmäde, keşelär haman da üzlärenä yanağan qurqınıç belän, alar öçen tınıçlıq yuq. Xizbulla urlağan xärbilärne de azat itmädelär, bernindi kileşü dä yuq. İlneñ tönyağın, Libannı cimerüdän tış bez närsägä ireştek? Bernigä dä ireşä almadıq", di Galili.
Premyer Olmert älegä yuğarı citäkçelekneñ suğış waqıtındağı ğämällären tikşerü taläplären kire qağıp kilä. Düşämbedä İzrailneñ tönyağına yasağan säfäre waqıtında ul bolay digän ide:
"Şul süzlärne tıñlap bez xäzer närsä eşlärgä cıyınabız, xökümät wä ğäskär citäkçelären ber safqa tözep alarnı yañaqlarğamı, eşne tämam tuqtatıp, alarnı härkönne tikşerülärgä yörtergäme? Ägär dä bezdän şunı teläsälär, bez ul zarlanularnı qabul itä alabız", dip belderä İzrail premyer-ministrı Ehud Olmert.
Kärim Kamal