Tatarstanda törle matdälär belän ağulanu oçraqları kimemi. Uzğan atnada ğına da, räsmi mäğlümätlärgä qarağanda, respublikada 115 ağulanı oçrağı terkälgän. Şular arasında 29 keşe äfyün, 32 se törle darulardan zıyan kürgän. 115 ağulanuçınıñ 16 sı ülgän. Qalğannarı isä törle däräcädäge xäldä xastäxänllärdä däwalana. Araqı häm başqa alkogol’ eçemläklär belän ağulanuçılar da az tügel. uzğan atnada alarnıñ sanı 43 bulğan. Şularnıñ 2 se ülgän. Ä yıl başınnan isä barlığı 2 meñ yarım tatarstanlı alkogol’ matdälären eçep zıyan kürgän. Älege san uzğan yılnıñ kürsätkeçlärennän azraq ikän, şuşı säbäptän ülüçelärneñ sanı da 19 portsentqa kimegän respublikada. Ä menä Rusiä buylap bu aralarda araqı eçep ağulanuçılarnıñ sanı könnän-kön arta. Mäğlümät çaraları xäbär itüçençä, här könne diärlek tege yäki bu ölkädä keşelär küpläp yalğan alkogol’ eçemleklärennän zıyan kürä. Ä tatarstanlılar bu problema belän yaqınnan tanışmı, soñğı aralarda Qazan xalqı da sıyfatsız araqıdan zıyan kilü oçraqları belän oçraşqanmı?
-
bulğalıy inde andıy xällär, aqça cälläp arzanlı araqı alabız da, annarı üzebez şunnan zıyan küräbez. Qibatlı kibet bulsa da, sıyfatsız araqı satarğa mömkinnär. Äytik, menä bıyıl cäy köne genä bez dular belän bäyräm itkän. Şunda kübebez ağulandıq araqıdan. -
Bezdä araqı eçkän keşe yuq ansı, läkin araqı belän ağulanğan keşelär turında işetkänem bar. Alarnıñ bik ozaqlap başları awırtqan. -
Üzem min araqı eçmim, läkin soñğı könnärdä araqı eçep ağulanğan keşelär küp bulğan. Bu turıda min radiodan işettem. Nigezdä alar bomjlar häm aqçasın keşelär ikän. -
Üzemneñ ağulanğanım yuq. Çönki min araqını qibatlı kibetlärdän satıp alam. -
Min 10 yıl elek ağulanğan idem. Xäzer radiolardan mäğlümatlarnı tıñlap baram. Sıyfatsız araqı almasqa tırışam. Gölnaz Şäyxetdin
bulğalıy inde andıy xällär, aqça cälläp arzanlı araqı alabız da, annarı üzebez şunnan zıyan küräbez. Qibatlı kibet bulsa da, sıyfatsız araqı satarğa mömkinnär. Äytik, menä bıyıl cäy köne genä bez dular belän bäyräm itkän. Şunda kübebez ağulandıq araqıdan. -
Bezdä araqı eçkän keşe yuq ansı, läkin araqı belän ağulanğan keşelär turında işetkänem bar. Alarnıñ bik ozaqlap başları awırtqan. -
Üzem min araqı eçmim, läkin soñğı könnärdä araqı eçep ağulanğan keşelär küp bulğan. Bu turıda min radiodan işettem. Nigezdä alar bomjlar häm aqçasın keşelär ikän. -
Üzemneñ ağulanğanım yuq. Çönki min araqını qibatlı kibetlärdän satıp alam. -
Min 10 yıl elek ağulanğan idem. Xäzer radiolardan mäğlümatlarnı tıñlap baram. Sıyfatsız araqı almasqa tırışam. Gölnaz Şäyxetdin