Sişämbe könne Däwlät şurası Räise Färit Möxämmätşin citäkçelegendäge Tatarstan wäkilçelege Qıtayğa kitte. Alar anda 8-13 noyäberdä Pekinda uzaçaq Rusiä milli kürgäzmäse eşendä qatnaşaçaq. Kürgäzmä “Rusiä häm Qıtay: ХХI ğasırda säwdä-iqtisadi xezmättäşlekneñ yaña yulları” şiğäre astında uzdırıla. Älege kürgäzmä qısalarında Tatarstan da üzeneñ ekspozitsiäsen oyıştıraçaq. Monda respublikanıñ töp sotsial'-iqtisadi kürsätkeçläre häm şulay uq törle oyışmalar turında mäğlümatlar, alarnıñ östenlekle investitsiä proyektları täqdim iteläçäk. Gölnaz Şäyxetdin
