13 ğinwar Rusiä matbuğatı köne. Şimbä könne bulaçaq bu hönäri bäyrämne Tatarstanda comğa könne bilgeli başladılar. Premyer-ministrı urınbasarı - TR mädäniät ministrı Zilä Välieva respublika xalqın Rusiäneñ matbuğat köne belän täbrik itte. "Bezneñ respublikada törle tellärdä däwlät, ictimaği häm şäxsi ğammävi mäğlümat çaraları eşläp kilä. Televidenie-radiokanallar häm İnternet basmalar belän berlektä ğazet häm jurnallar da mäğlümat taratudan tış, şulay uq säyäsi xäräkätlär fiker alışu, ictimaği fikerne üsterü, xakimiät häm xalıq aralaşuı urını bulıp tora”, dip äytelä xökümät wäkileneñ täbrik süzendä.
Şulay uq comğa könne Tatmediä agentlıygında respublika mäğlümat çaralarınıñ möxärrirläre, üzäk häm çit agetlıqlarınıñ xäbärçeläre cıyıldı. Tatmediä citäkçese Marat Moratov jurnalistlar hörmätenä mul bäyräm östäle xästärlätkän, büläklär äzerlätkän. Tantanada Däwlät şurası räise Färit Möxämmätşin, Däwlät Şurası räise urınbasarı Rimma Ratnikova Tatarstan jurnalistların hönäri bäyrämnäre belän qotladı. Bäyräm mäclesendä yaña yılda jurnalistlar aldında torğan burıçlar turında äytelde.
Gölnaz Şäyxetdin