Comğağa qarşı töndä Könbatış häm Üzäk Yewropa illäre soñğı yıllarda kürelmägän cil dawılın kiçerde - qitğa buylap zur matdi zian salğan häm xätta berniçä distägä yaqın keşeneñ ülemenä kitergän tufan uzdı. Atna azağında alar alay köçle bulmasa da, tağın qabatlanır dip kötelä. Ä älegä Yewropa illäre dawıl näticälärennän arına häm hawa torışınıñ bıyılğı säyerlekläre turında uylana.
Ayırım ildä genä tügel, bar Yewropada comğağa qarşı tön bik cille buldı. Britaniä xakimiätläre belderüençä, dawıl näticäsendä anda 12 keşe hälak bulğan, ülüçelär xaqında Germaniä, Niederland, Pol''şa, Fransiä, Çexiädän dä xäbärlär alındı. Comğa kiçenä Germaniädä 11 keşeneñ hälak buluı mäğlüm.
Ülemnärneñ zur öleşenä köçle cildän awğan ağaçlar, tözeleş yanqormaları, diwarlar säbäp buldı. Qotqaru xezmätlärenä, misal öçen Pol''şanıñ Gliwice şähärendäge yanğınçı Bartosz Debernygä töne buyı eşlärgä turı kilgän, yardäm sorawçılar sanı artıp tordı, di ul:
"Bar bu xällär belän dä eş itü bik qıyın ide, çönki qaza oçraqları çınnan da küp buldı. Bezneñ xezmättäşlär härzaman eştä ide, bezgä ixtiari yardämçelär dä bulışıp tordı", di poläk yanğınçısı.
Britaniädän alıp Çexiägä qädär transport xäräkäte urını-urını belän tuqtalıp tordı, yullar yabıldı, timer yul bäyläneşe özelde. Germaniädä häm Niederlandta, misal öçen, timer yul tämam tuqtap qaldı. Frankfurtağı hawa alanı oçışlarnıñ yartısın özde, Pragada yulçılarnı utırtu öçen ciñsälär qullanunı tuqtattılar - qatı cildän alar selkenep oçqıçqa zian kiterä ala, dip añlattı monı hawa alanı xezmätkärläre.
Berlindä äle küptän tügel genä safqa kertelgän Hauptbahnhof - Baş vokzal fasadınnan binanı bizäp torğan qorıç qorılma işelep töşte. Germaniäneñ federal'' politsiäse wäkile Stefanie Kuhn, säyäxätçelärneñ iminlege xaqına vokzal binasın buşatırğa turı kilde di.
İşelep töşkän qorılmadan tirä-yündäge taxilarğa ğına zian kilgän. Germaniädä şuşı kürelmägän köçtäge dawılğa "Kiril" digän isem birdelär. Anıñ Austriä, Macarstan häm Slovakiädä qüwäte inde beraz kimede, ä dawıl Ukraina häm Rusiägä barıp citkänçe tağın da kimiäçäk, digän farazlar äytelä. Comğa irtän, dawıl säbäple Ukraina yağı "Drujba" torbaütkärgeçe aşa Slovakiä häm Çexiägä neft quuın berazğa tuqtatıp tordı.
Çexiäneñ üzendä comğağa qarşı töndä millionğa yaqın keşe elektrsız qaldı. İldäge urmannarğa moña qädär kürelmägän zian kilde, dip belderä cirle xakimiät.
Kärim Kamal
Ülemnärneñ zur öleşenä köçle cildän awğan ağaçlar, tözeleş yanqormaları, diwarlar säbäp buldı. Qotqaru xezmätlärenä, misal öçen Pol''şanıñ Gliwice şähärendäge yanğınçı Bartosz Debernygä töne buyı eşlärgä turı kilgän, yardäm sorawçılar sanı artıp tordı, di ul:
"Bar bu xällär belän dä eş itü bik qıyın ide, çönki qaza oçraqları çınnan da küp buldı. Bezneñ xezmättäşlär härzaman eştä ide, bezgä ixtiari yardämçelär dä bulışıp tordı", di poläk yanğınçısı.
Britaniädän alıp Çexiägä qädär transport xäräkäte urını-urını belän tuqtalıp tordı, yullar yabıldı, timer yul bäyläneşe özelde. Germaniädä häm Niederlandta, misal öçen, timer yul tämam tuqtap qaldı. Frankfurtağı hawa alanı oçışlarnıñ yartısın özde, Pragada yulçılarnı utırtu öçen ciñsälär qullanunı tuqtattılar - qatı cildän alar selkenep oçqıçqa zian kiterä ala, dip añlattı monı hawa alanı xezmätkärläre.
Berlindä äle küptän tügel genä safqa kertelgän Hauptbahnhof - Baş vokzal fasadınnan binanı bizäp torğan qorıç qorılma işelep töşte. Germaniäneñ federal'' politsiäse wäkile Stefanie Kuhn, säyäxätçelärneñ iminlege xaqına vokzal binasın buşatırğa turı kilde di.
İşelep töşkän qorılmadan tirä-yündäge taxilarğa ğına zian kilgän. Germaniädä şuşı kürelmägän köçtäge dawılğa "Kiril" digän isem birdelär. Anıñ Austriä, Macarstan häm Slovakiädä qüwäte inde beraz kimede, ä dawıl Ukraina häm Rusiägä barıp citkänçe tağın da kimiäçäk, digän farazlar äytelä. Comğa irtän, dawıl säbäple Ukraina yağı "Drujba" torbaütkärgeçe aşa Slovakiä häm Çexiägä neft quuın berazğa tuqtatıp tordı.
Çexiäneñ üzendä comğağa qarşı töndä millionğa yaqın keşe elektrsız qaldı. İldäge urmannarğa moña qädär kürelmägän zian kilde, dip belderä cirle xakimiät.
Kärim Kamal