Quşma Ştatlarnñ Kentucky ştatında ber xärbi mäxkämä uzdı, xörmätle tıñlawçılar. 24 yäşlek amerikan ğäskärie serjant Paul Cortez anda 100 yıllıq törmä cäzasına xökem itelde. Ğiraqta xezmät itkän şuşı xärbi, anda 14 yäşlek qıznı köçläp üterüdä, annarı anıñ ğailäsen dä yuq itüdä ğäyeple dip tabıldı.
Bagdadtan beraz könyaqta yatqan Mäxmüdiä awılındağı dähşätle xällär ber yıl elek, 2006-nıñ martında bula. 24 yäşlek Paul Cortez, tağın dürt xezmättäşe belän anda köçläw häm üterülär oyıştıruda ğäyeplänä.
Üzeneñ şul cinayätlärdä qatnaşuın tanıp märtäbäle 101-nçe hawa-desant bülegendä xezmät itkän Cortez ülem cäzası çığarıludan qotıla aldı, xärbi mäxkämä anı bar şiklänelgän cinayätlärne qıluda tanıp 100 yıllıq törmä cäzasına xökem itte. Xärbi qanun nigezendä ul 10 yıldan soñ şul cäza ütäwne şartlı räweştä genä başqara alaçaq, yäğni ul nigezdä azat iteläçäk digän süz.
Corteznıñ advokatı birelgän cäzanı ul qılğan cinayätlär öçen "bik urınlı" dip bäyäläde. Bu cinayät eşendä Cortez üz ğäyeben tanığan ikençe qatnaşuçı. Şul ğäyeben tanu şartları nigezendä ul Mäxmüdiädäge xällärdä qatnaşqan tağın 3 ğäskärigä qarşı sahid bulunı wäğdä itkän ide.
Mäxkämä zalında Cortez qanlı waqiğäneñ niçek baruın taswirlap, monıñ araqı eçüdän häm karta uynawdan başlanuın, soñraq amerikan xärbiläreneñ küzläre 14 yäşlek ber qızğa töşüen söyläde. Cänäbi isemle şul qıznıñ ätise öydä berdänber ir-keşe bulğan, häm amerikannarğa bu citä qalğan.
Eşne başlap yörgän Steven Green, ul mäxkämä qarşına äle basaçaq qına, qıznıñ änisen, ätisen häm 6 yäşlek señlesen yoqı bülmäsenä alıp kerep barısın da atıp üterä, ul arada Cortez ikençe ber xezmättäşe James Barker belän Cänäbine qunaq bülmäsendä köçläp, alarğa anda Green dä quşıla.
Barker digäne şuşı mäxkämä tarafınnan äle noyäbrdä ük xökem itelgän ide, ul da ğäyepläw yağı belän xezmättäşlek itü häm Cortezdan tış qalğan 3 ğäskärine faş itügä yardäm itüne saylap üzenä ülem cäzası çığarudan qotıldı häm 90 yıllıq törmägä xökem itelde.
Cortez süzlärenä qarağanda, qılğan ğämällärennän soñ ğäskärilär cinayät eşlären yäşerergä tırışıp köçlängän qız mäyeten yandırğan, ä anı häm anıñ ğailä äğzaların ütergän qoralnı awıldağı arıqqa taşlağan.
Xäzer inde Paul Cortez mäxkämä qarşında qılğan cinayätläre öçen täwbä itüen, üzeneñ şul eştä nigä qatnaşuın añlata almawın belderä. Mäxkämädä qatnaşqan psixolog, Cortez da, başqalar da awır ğäskäri tormış häm awır ruxi xälät säbäple kierenkelektän intekkän digän faraz belderä.
Kärim Kamal
Üzeneñ şul cinayätlärdä qatnaşuın tanıp märtäbäle 101-nçe hawa-desant bülegendä xezmät itkän Cortez ülem cäzası çığarıludan qotıla aldı, xärbi mäxkämä anı bar şiklänelgän cinayätlärne qıluda tanıp 100 yıllıq törmä cäzasına xökem itte. Xärbi qanun nigezendä ul 10 yıldan soñ şul cäza ütäwne şartlı räweştä genä başqara alaçaq, yäğni ul nigezdä azat iteläçäk digän süz.
Corteznıñ advokatı birelgän cäzanı ul qılğan cinayätlär öçen "bik urınlı" dip bäyäläde. Bu cinayät eşendä Cortez üz ğäyeben tanığan ikençe qatnaşuçı. Şul ğäyeben tanu şartları nigezendä ul Mäxmüdiädäge xällärdä qatnaşqan tağın 3 ğäskärigä qarşı sahid bulunı wäğdä itkän ide.
Mäxkämä zalında Cortez qanlı waqiğäneñ niçek baruın taswirlap, monıñ araqı eçüdän häm karta uynawdan başlanuın, soñraq amerikan xärbiläreneñ küzläre 14 yäşlek ber qızğa töşüen söyläde. Cänäbi isemle şul qıznıñ ätise öydä berdänber ir-keşe bulğan, häm amerikannarğa bu citä qalğan.
Eşne başlap yörgän Steven Green, ul mäxkämä qarşına äle basaçaq qına, qıznıñ änisen, ätisen häm 6 yäşlek señlesen yoqı bülmäsenä alıp kerep barısın da atıp üterä, ul arada Cortez ikençe ber xezmättäşe James Barker belän Cänäbine qunaq bülmäsendä köçläp, alarğa anda Green dä quşıla.
Barker digäne şuşı mäxkämä tarafınnan äle noyäbrdä ük xökem itelgän ide, ul da ğäyepläw yağı belän xezmättäşlek itü häm Cortezdan tış qalğan 3 ğäskärine faş itügä yardäm itüne saylap üzenä ülem cäzası çığarudan qotıldı häm 90 yıllıq törmägä xökem itelde.
Cortez süzlärenä qarağanda, qılğan ğämällärennän soñ ğäskärilär cinayät eşlären yäşerergä tırışıp köçlängän qız mäyeten yandırğan, ä anı häm anıñ ğailä äğzaların ütergän qoralnı awıldağı arıqqa taşlağan.
Xäzer inde Paul Cortez mäxkämä qarşında qılğan cinayätläre öçen täwbä itüen, üzeneñ şul eştä nigä qatnaşuın añlata almawın belderä. Mäxkämädä qatnaşqan psixolog, Cortez da, başqalar da awır ğäskäri tormış häm awır ruxi xälät säbäple kierenkelektän intekkän digän faraz belderä.
Kärim Kamal