2 mart könne Tatarstan Prezidentı Mintimer Şäymiev aldan bilgelängänçä tormış iptäşe belän çirattağı yalğa kitte. Pänceşämbe kiçen ul premyer-ministr Röstäm Miñnexanovnıñ Timerxan restoranında uzğan 50 yıllıq yubiley mäclesendä buldı. Prezident monda Röstäm Miñnexanovqa Tatarstan aldındağı xezmätläre öçen digän orden tapşırdı. Bu mäclestä xökümät başlığınıñ xezmättäşläre häm tuğannarı, barlığı 200 läp keşe buldı. Yevropa tözekländerü häm üseş bankı citäkçese Jan Lemyer mäclestäge çığışında Röstäm Miñnexanovnıñ niqadär zamança häm buldıqlı citäkçe buluı turında söyläde. Mäclestä isä qunaqlarnıñ küñelen Qazastannan “Astanaә KVN komandası açtı. Şulay uq mäcles barışında Üzbäkstannan “Yalla”, elekke yıllarda populyar bulğan “Çıyngızxan” törkeme, Mäskäwdän Aleksandr Serov, Qazannan Salawat çığış yasadı. Gölnaz Şäyxetdin
