Soñğı berniçä yılda Qazanda bik küp säwdä üzäkläre açıldı. Ramstor, Kol'so, Meğa, XL, Yujnıy, Tandem, Perekrestok, Bäxetle sanıy kitsäk bixisap. Älege säwdä üzäklärendä inädän alıp maşinağa qädär bar närsäne dä satıp alıp bula. Ämma şul uq tovarlarnı Qazan bazarlarınnan da alırğa mömkin. Ä menä Qazan xalqı bazarlardan yäisä säwdä üzäklärennän tovar alunı xup kürä mikän?
Xup küräm kibetlärdä alunı, anda sıyfatlı tovarlar satıla.
Törleçä bula inde, älbättä tırışam kibetlärdän alırğa, bik siräk kenä bazardan alam. Yaratmıym bazarnı.
Kemgäder bälki bazar tovarların östen küräder, ä kemder kibet äyberläre oşıydır. Läkin üzemnän çığıp äytä alam, alarnıñ bäyäläre genä törle, ä sıyfatları şul uq. Min dä törleçä alam, qayçan niçek turı kilä inde.
Min üzem student keşe, şuña kürä kiemnärne kübräk bazardan alam. Ägär dä inde kibettä berär küñelgä oşağan kiem-salım bulsa, anı da almıyça qala almıym. Azıq-tölekne isä min kibettän alam.
Min elekke waqıtlardağı kebek tovarlarnı kibettän alunı xup küräm. Läkin kibet qıybat, ä bazarlarda arzanraq. Menä şul böten xikmät.
Kibettän, ägär dä inde tovar sıyfatlı bulsa, anıñ bäyäsenä qarap tormıym.
Ere säwdä üzäkläre açılğançı min gel bazarğa yöri torğan idem. Ä xäzer inde kibetlärne qulay küräm. Bazarda äyber küp, ämma anda kiemne kiep qarawı bik çiten, ä kibetlärdä isä monıñ öçen maxsus urınnar bar.
Gölnaz Şäyxetdin